|
|
| | 1000+ Wenke vir die huis deur Solet Scheeres
Nie-fiksie - Tuin & Huis
Publikasie datum: 2012/04
R250.00
"Kan ’n aangebrande pot gered word? Hoe gemaak met vlooie en ander pestilensies in die huis? En wat moet ek doen om van hierdie hardnekkige vlek ontslae te raak?
1000+ Wenke vir jou huis gee jou in ’n japtrap al die kortpaaie om sake in en om jou huis netjies en agtermekaar te hou. Elke trotse huishouer of ouer het dié boek nodig as nuttige naslaangids en bron van inspirasie.
’n Hele rits onderwerpe word gedek, van veiligheid in die huis tot skoonheidswenke, die instandhouding van elektroniese ware tot tuinmaak.
Die wenke is kort en bondig en waar nodig in maklike stappe opgebreek. Die hoofstukke is volgens kleur ingedeel, en aan die einde van elke hoofstuk is daar plek vir jou eie notas.
Van die vrae waarop jy antwoorde sal kry is:
• Hoe kan jy spaar deur eenvoudig beter te beplan?
• Hoe kan jy groener lewe? (Omgewingsvriendelike wenke word deurgaans met ’n simbool aangedui.)
1000+ Wenke vir die huis is die één omvattende en onontbeerlike bron waarsonder jou huis nie kan klaarkom nie."
[Meer informasie...]
|
| |
| | Betower deur Fanie Viljoen
Kinders - Tieners
Publikasie datum: 2012/04
R100.00
Nadia het ’n geheim. En dié geheim is die rede waarom sy by haar ouma in Magoebaskloof moet gaan bly.
In Magoebaskloof ontmoet sy vir Poenk. Bos-Poenk. Geheimsinnige Poenk. Poenk wat haar leer hoe padda-eiertjies ruik. Poenk wat haar wys dat daar kleure soos ritselgroen, bangmaakgroen, fluistergroen, kieliegroen en flikkergroen bestaan. Poenk wie se naam sy oor en oor in haar huiswerkboek skryf. Wat vir haar gedigte lees en vir haar sprokies vertel. Poenk wat self ’n geheim in hom ronddra
[Meer informasie...]
|
| |
| | Boereoorlogstories 2 Verhale van die oorlog van 1899-1902 deur Jeanette Ferreira
Fiksie - Kortverhale
Publikasie datum: 2012/04
R195.00
Die Anglo-Boereoorlog van 1899–1902 is helderder as ooit in die Afrikaanse leser se geheue. Verkope van die eerste bundel getitel Boereoorlogstories, het alle verwagtings oorskry en het reeds ’n tweede druk van die tweede uitgawe genoodsaak.
In Boereoorlogstories 2 tree ook jonger skrywers tot die gesprek toe, onder andere Christine Barkhuizen Le Roux, Jaco Fouché en Gerda Taljaard. Die verhale van lyding en opoffering wat die eerste bundel gekenmerk het, word in die tweede bundel verbreed met ’n skerper blik op verraad. Die joiner en hensopper kom as uitgeworpene onder die soeklig (“Die groot gemis”, Dolf van Coller) maar ook as feilbare mens in vertwyfeling (“Was Oupa dapper?”, Lappe Laubscher; “Groete daar op Voorstevlei”, Jaco Fouché.)
[Meer informasie...]
|
| |
| | Chilli lipstiek Omnibus deur Christa Jonker-Jordaan
Christelik - Tieners
Publikasie datum: 2012/04
R179.95
5 boeiende verhale oor ultimate issues vir meisies
Jong meisies sukkel baiekeer met allerhande probleme en bekommernisse! Hoe gemaak met vriende, vry en versoekings?
In dié boek leef en leer 5 karakters lesse oor die ULTIMATE issues waarmee meisies te doen kry!
[Meer informasie...]
|
| |
| | Daan Dreyer se blou geranium deur Derick van der Walt
Fiksie - Romans
Publikasie datum: 2012/04
R180.00
Daan Dreyer voel soos ’n has-been. Sy vrou het hom gelos (“Ek het jou ontgroei, Daan”) en sy twee kinders rol hul oë vir sy musieksmaak en gee eenwoord-antwoorde op al sy vrae. By die werk gaan dit ook maar droewig – hy is ná alles ’n wit man van amper vyftig. Sy beste pel, Neels, se vrou gee vir hom ’n blou geranium, om sy donker woonstelletjie mee op te kikker. Maar wat Daan betref, gaan dit veel meer as ’n malvaplant vat om weer vrolikheid en vreugde in sy ou lewetjie te saai. ’n Fantastiese roman oor ’n man op die rand van ’n nuwe lewe. Verfrissend eerlik en baie, baie snaaks.
[Meer informasie...]
|
| |
| | Die Kat Kom Weer deur Dr Seuss
Kinders - Ouderdomsgroep 6 - 9
Publikasie datum: 2012/04
R79.95
"Dit sneeu buite. Boet en sus Sannie spit dat dit bars. Hulle ma is weg dorp toe en sy het gesê: “As ek terugkom moet hier geen sneeu meer hier lê.” Maar terwyl hulle so swoeg dat die sweetdruppels tap, kom op sy gemak die KAT aangestap!
Vind uit wat gebeur as die beroemde Kat vol kattekwaad weer kom manewales maak!
Dr Seuss se boeke vir beginners is wêreldberoemd omdat hulle kinders so maklik en moeiteloos leer lees. Leon Rousseau se wonderlike vertaling van hierdie klassieke boek sorg vir ‘n heerlike leesavontuur."
[Meer informasie...]
|
| |
| | Eindstryd Geheime gesprekke en die einde van Apartheid deur Willie Esterhuyse
Nie-fiksie - Politiek & Geskiedenis
Publikasie datum: 2012/04
R225.00
In Mei 1989 kontak die Intelligensiediens my. Ek is totaal en al onvoorbereid op die versoek: “Tree met Thabo Mbeki in verbinding. Vra hom om na Londen te reis waar jy en hy onder vier oë moet ontmoet. Niemand anders mag weet waaroor julle praat nie.” Ek begin bewe. Moet ek betrokke raak by iets wat my só sal kompromitteer dat alles wat vir my moreel belangrik is, dalk in duie kan stort?
[Meer informasie...]
|
| |
| | Huisgenoot Wenresepte Stap Vir Stap deur Carmen Niehaus
Nie-fiksie - Kookboeke
Publikasie datum: 2012/04
R199.95
"Uiteindelik! Die topverkoper Huisgenoot-Wenresepte reeks is nou ook toegangklik vir nuwe kokke of mense wat sukkel in die kombuis. Nooit weer hoef jy onseker te voel of te wonder oor presies wat die resep nou eintlik bedoel met ’n kookterm nie... Elke stappie van die kosmaakproses is hier duidelik uiteengesit en word volledig verduidelik met volkleurfoto’s.
[Meer informasie...]
|
| |
| | Kelder deur Gerda Taljaard
Fiksie - Romans
Publikasie datum: 2012/04
R195.00
Esmeralda is ’n skrywer van liefdesverhale. Sy is suksesvol, maar sukkel met skrywersblok. En dan word sy besoek deur ’n verhaal: Dit is die verhaal van ’n meisie - nog bogkind - wat vyftig jaar tevore op ’n plaas ’n string babas gehad het en almal, behalwe een wat ná geboorte aangeneem is, doodgemaak en naby die plaashuis begrawe het. Die verhaal gryp haar en ruk haar dat haar tande klap. Sy het geen verweer nie, sy moet Sus Niemand se storie skryf. Is die Sus Niemand wat so by Esmeralda spook ’n versteurde moordenaar? Is sy bloot die slagoffer van bloedskande en veragtering? Hoeveel weet Sus van wat met haar gebeur, en watter aandeel het sy daaraan?
[Meer informasie...]
|
| |
| | Land van die groot woordfabriek deur Agnès de Lestrade
Illustrasie: Valeria Docampo
Vertaling: Nicol Stassen
Kinders - Prenteboeke
Publikasie datum: 2012/04
R100.00
Daar is ’n land waar die mense amper nooit praat nie. In hierdie vreemde land moet jy woorde koop en hulle insluk om hulle te kan uitspreek. Klein Floris het woorde nodig om sy hart vir die pragtige Susanna oop te maak. Maar hoe moet hy dit doen? Want om alles vir Susanna te sê wat hy graag vir haar wil sê, sal ’n fortuin kos …
[Meer informasie...]
|
| |
| | Mieke rock uit deur Jana du Plessis
Fiksie - Romans
Publikasie datum: 2012/04
R155.00
Geskei op 25, en dít met net ’n BA-graad op haar naam. Wat op aarde gaan Mieke met haarself maak?
Gaan sy vir ewig die blonde Pretoria-poppie met die geblomde bloesies bly, of skuil daar dalk ‘n rock chick iewers diep in haar binneste?
[Meer informasie...]
|
| |
| | Rugbyballe & bikini’s deur Janie Oosthuysen
Kinders - Tieners
Publikasie datum: 2012/04
R99.95
Goue strande, sonbruin lywe en bikini’s. Niks gaan die vakansie op Duinebaai bederf nie, besluit Anelle. ’n Ander omgewing, ander mense, ander dinge om te doen. Ver weg van hartebreker, Pierre du Toit, en sexy Jenni Malan.
Maar wat van Simone met haar uitlokkende stappie? En Johan Bekker met sy snedige aanmerkings en dreigende houding? Waarop gaan al die ontmoetings op Duinebaai uitloop? En dan is daar die rugbyheld, Martin Nel, en natuurlik wéér Jenni wat alles kom omkrap. Dis tyd vir wraak, besluit Anelle. Maar wraak smaak nie soos Smarties nie, vind sy bitter gou uit.
[Meer informasie...]
|
| |
| | Tussen middernag en dagbreek deur Japie Bogaardts
Fiksie - Romans
Publikasie datum: 2012/04
R170.00
’n Onthutsende verhaal oor die skadulewe van dwelms en geweld in die Suid-Afrika van hier en nou. Dit is ’n verhaal met twee sentrale karakters en storielyne wat in ’n skokkende klimaks op mekaar inbuig.
Marco Verkerk, die seun van Nederlandse immigrante, word (in die sestiger-jare) as buitestander groot in die plattelandse dorpie, Heilbron. Die Verkerks word nie net geminag as “buitelanders” nie, maar ook omdat hulle arm en polities liberaal is. Reeds vroeg in sy lewe kry Marco met die onmenslikheid van apartheid te doen, wat ’n diep letsel op sy gemoed laat. Later word hy ’n dwelmslaaf. Hy word nege keer opgeneem in rehab, maar val telkens weer terug in die kloue van die dwelms, ten spyte van die ondersteuning van sy vrou, Lisa, sy tweeling en sy skoonfamilie. Vroeër in sy lewe was daar ook Jo-Marié, die vrou wat hy ontmoet het toe hy ná sy eerste mislukte studiejaar na Europa reis. Jo-Marié is sy alter ego – ‘n dwelmslaaf net soos hy. Hulle fatale verhouding eindig wanneer sy, drie maande swanger met sy kind, in sy arms sterf weens ‘n oordosis.
[Meer informasie...]
|
| |
| |
afrikaanse boeke, afrikaans, boeke, lees, storieboeke, kinderboeke, nuwe boeke, nuut in afrikaans, Kortverhale, Besigheid, Kartonboekies, Bybels, Liefdesromans, Biografie & Outobiografie, Prenteboeke, Bybelstudie, Po�sie, Blokraaisels, Opwipboeke, Christelike leefwyse, Romans, Geskenke, Kleuters, Dramas, Gesondheid & Voorkoms, Humor, Kookboeke, Reekse, Kuns, Tieners, Musiek, Aktiwiteitsboeke, Natuurlewe, Nie-fiksie, Fiksie, Ouerskap & Kindersorg, Gebed, Politiek & Geskiedenis, Geskenke, Popul�re Sielkunde, Huwelik & Verhoudings, Popul�re Wetenskap, Kinders, Reis & Toerisme, Leierskap, Rekenaars & Internet, Mans, Sport & Ontspanning, Naslaan, Stokperdjies & Handwerk, Ouerskap, Tuin & Huis, Troos & Bemoediging, Woordeboeke & Naslaanbronne, Vroue, Studiegidse |
'n Produk van CEIT Development cc