AFSLAG SLEGS OP AANLYNBESTELLINGS ●●● GRATIS Pargo aflewering op bestellings bo R350

Nuwe vrystellings

Results 1 to 15 of 75
Gesorteer volgens:  Posisie
Klik om te vergroot
Klik om te vergroot
9781928426868

Nie-fiksie / Non-fiction: Gesondheid & Voorkoms / Health, Beauty & Fitness

Nie-fiksie / Non-fiction  -  Gesondheid & Voorkoms / Health, Beauty & Fitness
R 285
R 228Jy spaar R 57
Die daggaplant (Cannabis sativa) word al vir duisende jare gebruik. Dit is, inderdaad, 'n baie nuttige plant om materiaal en toue mee te vervaardig. Dit is egter die bekendste vir die psigotropiese effekte van dagga se aktiewe bestanddeel, tetrahidrokannabinol (THC).

Die vraag of dagga verslawend is, is nog nie heeltemaal duidelik nie. Baie navorsing word gedoen om korrekte en interessante inligting vir gebruikers, hul naasbestaandes, handelaars en almal wat oor dagga wonder, beskikbaar te stel.

Hierdie handleiding bring die leser op datum met alles wat ons weet aangaande dagga. Slegs wanneer al die feite op die tafel is, is dit sinvol om 'n opinie aangaande hierdie wonderlike plant, te waag.

Heinz Mödler is 'n mediese spesialis en skrywer. Hierdie is sy vierde boek. Sy skrywes kan ook in die nasionale koerante gevolg word waar hy in sy gereelde rubrieke oor medisyne, wetenskap en vreemde verskynsels wat hom interesseer, skryf. Hy woon in Kaapstad.
Publikasiedatum: 2019-10-21
Klik om te vergroot
Klik om te vergroot
9781431617517

Christelik / Christian: Bybels / Bibles

Christelik / Christian  -  Bybels / Bibles
R 699
R 559Jy spaar R 140
'n Omvattende Afrikaanse Studiebybel gebaseer op die vertroude teks van die NLV wat die temas van die Bybel in diepte ontgin.
Die NLV Tematiese Studiebybel is 'n diepgrondige studie oor die temas van die Bybel, gebaseer op die vertroude teks van die Nuwe Lewende Vertaling. Ses van Suid-Afrika se voorste teoloë het saamgespan om die woorde en wêreld van die Bybel vir die hedendaagse leser te ontsluit.
Kenmerke van hierdie unieke Studiebybel:
· Die volledige teks van die Nuwe Lewende Vertaling.
· 'n Inleiding tot elke Bybelboek wat die agtergrond, opbou, outeurskap en boodskap van die boek uiteensit.
· Inleidende artikels tot die Ou en Nuwe Testament, die Pentateug, die historiese boeke, die digterlike en wysheidsboeke, die Profete, Paulus se briewe en die Apokaliptiek.
· 500+ artikels wat die hooftemas van die Bybel ontgin.
· 14 000+ studienotas wat woorde, frases, verse en perikope ontsluit, en konteks, breër agtergrond en dieper insig bied oor die hooftemas van die Bybel.
· 100+ persoonsprofiele oor belangrike Bybelfigure, soos Abraham, Dawid, Maria, Timoteus en Paulus.
· 50+ kaarte en diagramme wat sleutelplekke in die Bybel verhelder.
· Alfabetiese en tematiese indekse.
Die NLV Tematiese Studiebybel is 'n omvattende hulpmiddel wat Bybelstudie indringend sal verryk.
Publikasiedatum: 2019-10-16
Klik om te vergroot
Klik om te vergroot
9780798178242

Fiksie: Romans

Fiksie  -  Romans
R 285
R 228Jy spaar R 57
Sarah Fourie kry halfvier op 'n koue wintersoggend 'n oproep van Mosela Mosholi, 'n ou vriendin uit haar tronkdae. Sarah moet nóú kom, Kaapstad toe. Datameester Mosi se rekenaars voorspel 'n vierde moord op 'n toeris binne die volgende paar dae en Sarah met haar kuberkrakerkennis moet kom help.
Sarah kan nie nee sê nie. Sy ken Mosi al jare lank, en haar skuld is groot. Sy sleep haarself uit die bed, gryp 'n oornagsak, en bel vir Jaap. Want Jaap Reyneke moet saam - sy jare as polisieman is al raad wat sy het indien 'n moordenaar in die moederstad skuil.
Dit is 'n onvoorspelbare, donker Kaapstad wat op Jaap en Sarah wag. 'n Stad waarin misdadigers die toutjies trek, waar hommeltuie bokant jou stilweg tred hou van goeie én minder goeie dade, en toeriste salig onbewus is van dit wat in Clifton en Kampsbaai broei.
Nog 'n verbluffende roman deur die meester-krimiskrywer Irma Venter.
Publikasiedatum: 2019-10-11
Klik om te vergroot
Klik om te vergroot
9781928518136

Nie-fiksie / Non-fiction: Biografie & Outobiografie / Biography & Autobiography

Nie-fiksie / Non-fiction  -  Biografie & Outobiografie / Biography & Autobiography
R 220
R 176Jy spaar R 44
In die laat 1800's is die De Beer-gesin op reis toe hul ossewa breek en hulle onverwags moet oorbly op 'n plaas in die Oos-Vrystaat.

Dis winter, en soos die donker sneeuwolke oor die Drakensberge aanrol, word die familie deur tragedie getref.

Geïnspireer deur die verhaal wat van geslag tot geslag oorvertel word, is hierdie storie van swaarkry, opoffering en onbaatsugtige liefde 'n tydlose verhaal.
Publikasiedatum: 2019-10-10
Klik om te vergroot
Klik om te vergroot
9781920217969

Nie-fiksie / Non-fiction: Tuinbou / Gardening

Nie-fiksie / Non-fiction  -  Tuinbou / Gardening
R 350
R 280Jy spaar R 70
Kweek dit self is 'n alsomvattende gids vol praktiese riglyne wat jou sal leer hoe om jou tuin (groot of klein) ten volle te benut, hetsy met tradisionele of alternatiewe tuinbou metodes. Die inhoud is nie beperk tot alledaagse en bekende spesies nie, daar word metodes aangebied om ongewone en moderne variasies van elke tipe plant te kweek. Elke plant word op 'n geordende en logiese manier volledig bespreek, met besondere verwysing na die vereistes vir die voorbereiding van die grond, verdeling van die plante, die kweking, asook die oes en berging daarvan. 'n Lekker bonus is die bykomende wenke hoe om plante in houers te kweek, die geskikste plante vir verskillende spasies, hoe om peste te bekamp, plantmaats, en die beste wapens in die oorlog teen siektes en ander probleme. Met die oog op die haastige leser wat nie onnodige opleeswerk wil doen vóór besluitneming nie, is daar 'n gebruiksvriendelike opsomming van elke spesie en bykomende interessante inligting op so 'n manier saamgestel dat dit 'n plesier is om daarna vollediger inligting te bekom.
Publikasiedatum: 2019-10-07
Klik om te vergroot
Klik om te vergroot
9781432309855

Nie-fiksie / Non-fiction: Kookboeke / Food & Drink

Nie-fiksie / Non-fiction  -  Kookboeke / Food & Drink
R 350
R 280Jy spaar R 70
Saam is die Suid-Afrikaanse huiskoskampioen Errieda du Toit se uitsonderlike kookboek oor kos wat ons die meeste geniet en die kultuur waarmee resepte in gemeenskapsresepteboekies gedeel word.
Errieda verdiep haar in 150 boekies wat oor 100 jaar uitgegee is en vorm 'n spesiale band met die resepte op die omkrulblaaie vol kosvlekke uit dié versamelings.

In dié eiesoortige resepteboek vier Errieda ons noue verhouding met die nederige gemeenskapsboekies, die invloed daarvan op ons koskultuur en die kenmerkende gees van samewerking. SAAM is 'n genotvolle huldeblyk aan die genre wat in 'n moderne trant en effe tong-in-die-kies inspirasie in ons kosherinneringe vind. Die verskeidenheid resepte is ruimmhartig, gasvry en vol warmte soos die huiskokke wat dit oorspronklik in die boekies gedeel het - die aanhouers (langasem-resepte wat bly oorleef), die flatervryes (epiese staatmakers), kos vir oor-en weer-kuiers en retrogunstelinge wat ons as erfeniskos koester.

Met net die regte balans tussen nostalgie, modernisering van ou resepte en boeiende vertellinge is Saam dié boek vir huiskokke, kookboekversamelaars en almal wat nuuskierig en entoesiasties is oor Suid-Afrikaanse kos.

Also available in English as Share: A century of South African community recipes
Publikasiedatum: 2019-10-10
Klik om te vergroot
Klik om te vergroot
9780624088035

Fiksie: Liefdesromans

Fiksie  -  Liefdesromans
R 235
R 188Jy spaar R 47
Hertog van die Pampas - Malene Breytenbach
Sewe dae - Lizet Engelbrecht

Miranda is verlief op die hertog Alejandro in Hertog van die Pampas. Maar sy ouers het reeds 'n ander bruid vir hom gekies. Toe Miranda ontvoer word, snel Alejandro haar te hulp. Sal hy haar ooit raaksien as die regte vrou vir hom?

In Sewe dae moet Esmérelda onverwags deelneem aan die liefdadigheidsprojek Sewe Dae: Beleef en oorleef Pierre Vaz. Maar van mans soos dié bekende en suksesvolle sakeman wil Esmérelda eenvoudig niks weet nie.
Publikasiedatum: 2019-10-21
Klik om te vergroot
Klik om te vergroot
9781415341629

Christelik / Christian: Ouerskap / Parenting

Christelik / Christian  -  Ouerskap / Parenting
R 120
R 96Jy spaar R 24
Hierdie boek is 'n wonderlike hulpmiddel om jou en jou kind te help om seksualiteit op 'n gesonde en lewegewende manier te ontdek.
As 'n ouer is een van die vrae waarvoor ons nooit regtig gereed is nie, wanneer jou kind skielik vra: 'Waar kom babas vandaan?' Om met ons kinders oor seks te praat behoort nie 'n ongemaklike gesprek te wees wat ons eerder probeer vermy nie. Ons moet dit eerder sien as 'n noodsaaklike geleentheid beskou om met ons kinders te gesels en hulle met Godvresende kennis toe te rus vir gesonde toekomstige verhoudings. Dié gesprek: Bytjies, blommetjies en kosbare lewens is 'n gids wat jou sal help om vrae soos waar babas vandaan kom op 'n reguit en eerlike, maar tog sagte manier te beantwoord. Dit spreek onderwerpe soos liefde, seks, bevrugting en geboorte aan, en vier die wonder en doel van 'n mens se lewe. Dit sluit 'n woordelys van terme en nuttige wenke vir ouers en voogde in, en is 'n wonderlike hulpmiddel om jou en jou kind te help om seksualiteit op 'n gesonde en lewegewende manier te ontdek.
Publikasiedatum: 2019-10-17
Klik om te vergroot
Klik om te vergroot
9781415340844

Christelik / Christian: Dagstukke - Algemeen / Devotionals General

Christelik / Christian  -  Dagstukke - Algemeen / Devotionals General
R 250
R 200Jy spaar R 50
So dikwels in die lewe vind ons dat ons soek na God en uitreik na Hom, desperaat vir sy teenwoordigheid en om 'n liefdevolle verhouding met Hom te bou. Daar is soveel tye waar ons onseker voel, desperaat en met 'n behoefte aan krag en versekering, en dit is in daardie oomblikke dat God na ons uitreik en sy hand in ons s'n plaas.

Die reis van 'n pelgrim is 'n 52-week-dagstukkieboek wat die gelowige soeker van rigtingwysers op hul pad voorsien. Die oordenkings sal jou in staat stel om jou weg na God te vind, sy hand te neem en die dag met moed aan te pak. Soek na die Lig wat jou lewe sal verryk en jou sal verseker van God se standvastigheid. Verdiep jouself in God se liefde, gee alles dag na dag oor in sy hand, en bewaar alles wat Hy jou wil leer diep in jou hart.

Elke gelowige moet daarna streef om die karaktereienskappe van God aan te neem. Wanneer ons Jesus Christus se karaktertrekke bestudeer, kom ons agter dat ons daardie karaktertrekke in ons verhouding met Hom kan aanneem en elke dag meer soos Hy kan word. Die reis van 'n pelgrim sal jou in staat stel om jou Verlosser te ontmoet, maak nie saak voor watter uitdagings jy te staan kom nie. Deur tyd in sy teenwoordigheid deur te bring, sal jy nuwe waarhede en openbarings ontdek namate jy saam met Christus deur die lewe reis.
Publikasiedatum: 2019-10-17
Klik om te vergroot
Klik om te vergroot
9780795707773

Fiksie: Poësie

Fiksie  -  Poësie
R 230
R 184Jy spaar R 46
HERUITGAWE
RAU-prys vir skeppende skryfwerk (2001)

In 'n paar opsigte verskil hierdie digbundel van Antjie Krog se vorige werk: vir die eerste keer beweeg die verse ook buite Suid-Afrika - elders in Afrika en ook Europa. Die verse staan in die teken van 'n soeke na identiteit op die kontinent en die vind van 'n plek binne die Afrika-bestel. Soos in haar vorige bundels hanteer Krog ook in hierdie bundel die persoonlike, die politiese en die land(skap).
Publikasiedatum: 2019-10-15
Klik om te vergroot
Klik om te vergroot
9780799397529

Fiksie: Romanses

Fiksie  -  Romanses
R 240
R 192Jy spaar R 48
Solank daar liefde is is 'n samestelling van drie van gewilde Magdaleen Walters se vorige Romanzas, Eugenie se timmerman, Vlindervlug en Net soos jy is.
Eugenie se timmerman:
Toe die timmerman met sy groot voete vuil saagsel spore veel verder as op haar pienk boetiek mat trap, kom Eugenie tot haar sinne.
Haar troue met miljoenêrseun George Christodoulou is om die draai, die mediagebeurtenis van die jaar - 'n sirkus erger as 'n opgedolliede troukoek. Die paparazzi sak op haar toe, skep stories. Bruidegom George is onbereikbaar, en dis die timmerman, Christiaan Wennick, wat tot haar redding kom.
Sy kan nie nou kleinkoppie trek nie, maar sy kan ook nie met die troue voortgaan nie. Waar sy gaan, is flitsende kameras, maar Christiaan is ook daar, koel, afstandelik. Dis waar sy veilig voel, waar sy wil wees, maar helaas te laat.
Vlindervlug:
Hulle is soos skuurpapier, sy en Henning Grimbeeck. Al probeer sy ook hoe om weg te kom, hy's daar - langs haar klas waar hy natskei gee, op haar parkeerplek, in die personeelkamer, in haar lewe.
Eleanor het haar les by haar pa geleer. En Henning is ook so - dominerend, 'n boelie, 'n bedreiging … 'n man.
Al flikker al wat vrou is op die personeel haar oë vir hom, weet sy van beter. Sy ignoreer hom, bly uit sy pad, koester haar geheim. Maar al baklei sy hoe hard, teken haar vingers vanself sy gesig. Elke dag. En dié gesig neem 'n ander vorm aan as wat haar verstand haar voorsê.
Net soos jy is:
Dikketjies het nie 'n kans nie. Veral nie by Rudolf nie. En Marli wil hom só graag hê. Sy begin verwoed draf, sê nee dankie vir alles wat vir haar lekker is, spartel om plankdun te word.
'n Maer, sexy lyfie sal Rudolf se aandag trek. En toe sy maer is, begin Rudolf om haar draai, fluister mooi woordjies in haar oor. En skielik weet sy - dis nie wat sy wil hê nie. Hy's mal oor haar lyf, maar wat van haar?
Neil was reg toe hy haar gewaarsku het - pas op vir Rudolf. As iemand jou liefhet, is dit omdat jy is net soos jy is, mollige lyfie ofte nie.

Solank daar liefde is, is deel van die uitbreiding van die Romanza-handelsmerk, asook om boeke wat vir jare uit druk was, weer in lesers se hande te plaas.
Publikasiedatum: 2019-10-15
Klik om te vergroot
Klik om te vergroot
9781776070435

Leermiddels: Graad 1

Leermiddels  -  Graad 1
R 120
R 108Jy spaar R 12
Wiskunde-angs is 'n werklikheid wat kinders - en hul ouers - se lewens versuur en uiteindelik ook beroepskeuses beperk. Onder die redes daarvoor is dat basiese syfervaardighede kleintyd nie deeglik vasgelê word nie, en dat Wiskunde só aangebied word dat kinders belangstelling verloor.

Om suksesvol in Wiskunde te wees, moet 'n kind onder meer 'n parate of outomatiese kennis van getalle en die vier hoofbewerkings hê, sodat dit oombliklik, sonder om te dink, opgeroep kan word. Best Books se Pret met Wiskunde-reeks vir die Grondslagfase vergemaklik die verwerwing van dié kennis met verbeeldingryke aktiwiteite wat dit maklik én lekker maak om vaardighede stap vir stap in te oefen en heeltemal te bemeester. So word 'n stewige grondslag vir die kind se hele skoolloopbaan gelê.

Die Nuwe Alles-In-Een Pret met Wiskunde-werkboeke vir Graad 1-3 volg die KABV-kurrikulum en toon aan wat deur die jaar van jong leerders verwag word. Die werkboeke bestaan uit oefenbladsye, werkvelle en 'n volkleurspeletjie per kwartaal. Oefenbladsye oefen parate vaardighede in, die werkvelle bevorder kreatiewe denke en probleemoplossing, en die speletjies help om vaardighede verder in te skerp.

Al die vereiste inhoudsareas word gedek: patrone, funksies en algebra; getalle, bewerkings en verwantskappe; ruimte en vorm; datahantering; en meting.

Die boeke is geskik vir gebruik in die klaskamer en tuis.
Publikasiedatum: 2019-10-11
Klik om te vergroot
Klik om te vergroot
9781776070442

Leermiddels: Graad 2

Leermiddels  -  Graad 2
R 120
R 108Jy spaar R 12
Wiskunde-angs is 'n werklikheid wat kinders - en hul ouers - se lewens versuur en uiteindelik ook beroepskeuses beperk. Onder die redes daarvoor is dat basiese syfervaardighede kleintyd nie deeglik vasgelê word nie, en dat Wiskunde só aangebied word dat kinders belangstelling verloor.

Om suksesvol in Wiskunde te wees, moet 'n kind onder meer 'n parate of outomatiese kennis van getalle en die vier hoofbewerkings hê, sodat dit oombliklik, sonder om te dink, opgeroep kan word. Best Books se Pret met Wiskunde-reeks vir die Grondslagfase vergemaklik die verwerwing van dié kennis met verbeeldingryke aktiwiteite wat dit maklik én lekker maak om vaardighede stap vir stap in te oefen en heeltemal te bemeester. So word 'n stewige grondslag vir die kind se hele skoolloopbaan gelê.

Die Nuwe Alles-In-Een Pret met Wiskunde-werkboeke vir Graad 1-3 volg die KABV-kurrikulum en toon aan wat deur die jaar van jong leerders verwag word. Die werkboeke bestaan uit oefenbladsye, werkvelle en 'n volkleurspeletjie per kwartaal. Oefenbladsye oefen parate vaardighede in, die werkvelle bevorder kreatiewe denke en probleemoplossing, en die speletjies help om vaardighede verder in te skerp.

Al die vereiste inhoudsareas word gedek: patrone, funksies en algebra; getalle, bewerkings en verwantskappe; ruimte en vorm; datahantering; en meting.

Die boeke is geskik vir gebruik in die klaskamer en tuis.
Publikasiedatum: 2019-10-11
Klik om te vergroot
Klik om te vergroot
9781776070558

Leermiddels: Graad 3

Leermiddels  -  Graad 3
R 120
R 108Jy spaar R 12
Wiskunde-angs is 'n werklikheid wat kinders - en hul ouers - se lewens versuur en uiteindelik ook beroepskeuses beperk. Onder die redes daarvoor is dat basiese syfervaardighede kleintyd nie deeglik vasgelê word nie, en dat Wiskunde só aangebied word dat kinders belangstelling verloor.

Om suksesvol in Wiskunde te wees, moet 'n kind onder meer 'n parate of outomatiese kennis van getalle en die vier hoofbewerkings hê, sodat dit oombliklik, sonder om te dink, opgeroep kan word. Best Books se Pret met Wiskunde-reeks vir die Grondslagfase vergemaklik die verwerwing van dié kennis met verbeeldingryke aktiwiteite wat dit maklik én lekker maak om vaardighede stap vir stap in te oefen en heeltemal te bemeester. So word 'n stewige grondslag vir die kind se hele skoolloopbaan gelê.

Die Nuwe Alles-In-Een Pret met Wiskunde-werkboeke vir Graad 1-3 volg die KABV-kurrikulum en toon aan wat deur die jaar van jong leerders verwag word. Die werkboeke bestaan uit oefenbladsye, werkvelle en 'n volkleurspeletjie per kwartaal. Oefenbladsye oefen parate vaardighede in, die werkvelle bevorder kreatiewe denke en probleemoplossing, en die speletjies help om vaardighede verder in te skerp.

Al die vereiste inhoudsareas word gedek: patrone, funksies en algebra; getalle, bewerkings en verwantskappe; ruimte en vorm; datahantering; en meting.

Die boeke is geskik vir gebruik in die klaskamer en tuis.
Publikasiedatum: 2019-10-11
Klik om te vergroot
Klik om te vergroot
9780795700873

Fiksie: Romans

Fiksie  -  Romans
R 300
R 240Jy spaar R 60
HERDRUK
Kinta is omgekrap. Met moeite het sy haar losgemaak van haar eenvoudige agtergrond en familie, en nou dwing 'n ou man in 'n komatoestand, 'n pa wat sy kwalik ken, haar terug in die geselskap van haar halfbroer Abe met die bose glinstering in sy oog, 'n swendelaar wat alles verteenwoordig waarvan sy probeer wegkom. Maar van almal wat besoektyd opdaag, is dit Gustav van As wat dit vir Kinta die moeilikste maak om soos voorheen voort te gaan.
Publikasiedatum: 2019-10-10

© All Rights Reserved 2018
A Product of CEIT Development
Koop Afrikaanse en Engelse boeke aanlyn en spaar tot 20% op Nuwe Vrystellings, Topverkopers en Engelse algemene publikasies. Graffiti vir nuwe boeke, topverkopers, opvoedkundige boeke, Christelike boeke en winskopies. Kry ook jou Moleskine Joernaal hier teen 20% afslag.Buy Afrikaans and English books online and save up to 20% on Afrikaans New Releases and Bestsellers, as well as on English general publications. Graffiti for new releases, bestsellers, Christian books, educational books and bargains. Stockist of Moleskine Journals.