Nuwe vrystellings

Results 1 to 15 of 21
Gesorteer volgens:
Klik om te vergroot
9780798176224

Koms van die motman

R 290
R 232Jy spaar R 58
Elf jaar gelede is Ella Neser se pa amper noodlottig gewond. En nou, jare later, word die skuldige, Arthur Wilky, weens goeie gedrag op parool vrygelaat. Binne weke is daar egter nuwe moorde - en van die slagoffers is voormalige tronkmaats van Wilky.
In dié slotroman in die jongste Ella Neser-trilogie speel Karsten weer eens kat en muis met die leser. Wie ís die moordenaar, en waarom huiwer die Nommers-bendemitologie deurgaans soos 'n skaduwee op die rand van die verhaal?
Publikasiedatum: 2017-10-12
Klik om te vergroot
9780799385939

Mentje - Kind van Pas-Opkamp

R 295
R 236Jy spaar R 59
Die Here, Pappa se Hemelse Vader, het saam met Pappa verdwyn. In hierdie tent vol mense is sy stokalleen. 'Ek is net maar hier, dink Mentje. Net maar nog 'n mond wat moet kos kry, nog 'n lyf wat gewas moet word, nog 'n asem in die hut. Nog 'n kind.'
Die Tweede Wêreldoorlog in al sy hebsug en barbaarsheid breek uit toe Mentje de Vries, 'n Nederlandse oorlogswesie, tien jaar oud is. Sy beland saam met Joodse vlugtelinge in 'n geheime kamp in die Nederlandse woude. Toe die situasie te gevaarlik raak omdat die Duitsers die kamp enige dag gaan ontdek, moet sy vlug na familie in Arnhem, maar daar is sy ook nie welkom nie. Sy moet veg om oorlewing tydens die Slag van Arnhem en gepaardgaande Honger Winter van 1944 - 1945.
Byna aan die ander kant van die wêreld, in Suid-Afrika, sluit Tinus van Jaarsveld as 'n valskermsoldaat by die Britse Leër aan. Dit is nie soseer trou aan die Britse Ryk wat hom daartoe dryf nie, maar die vergoeding wat hy daarvoor gaan kry, want hy wil die Van Jaarsvelds se familieplaas terugkoop. Toe hy by Arnhem gewond word, stel Mentje haar lewe in gevaar om hom te red.
Ná die oorlog laat kom Tinus haar na Suid-Afrika en sy moet aanpas by nuwe omstandighede, midde-in drie geslagte van die verskeurde Van Jaarsvelds. Verlies en versoening, mensliewendheid en vergifnis is die kamerade wat Mentje en Tinus deur beproewende tye dra.
Irma Joubert is 'n geliefde naam in historiese fiksie. Al haar vorige romans was topverkopers en met Mentje, kind van Pas-Opkamp sit sy hierdie tradisie voort.
Publikasiedatum: 2017-10-13
Klik om te vergroot
9780624082736

Hartlam

R 250
R 200Jy spaar R 50
In hierdie bundel sal jy vergeefs soek na voorspelbaarheid. Want die liefde het vele gesigte, en nie almal is mooi nie.
Kerneels Breytenbach, Christine Barkhuizen Le-Roux, Erika Murray-Theron, Helene de Kock, Keina Swart, Jaco Jacobs en vele meer skryf oor die liefde in al sy vele gedaantes: moederliefde, onvoorwaardelike liefde, gewelddadige liefde, verbode liefde, erotiese liefde, liefde tot die dood toe ...
Want die liefde verdra alles, maar die liefde het dikwels tande.
Publikasiedatum: 2017-10-13
Klik om te vergroot
9781868428502

Op 'n Stormsee: Ware verhale van Suid-Afrikaanse seereddings

R 240
R 192Jy spaar R 48
Hier is ʼn versameling gewaagde reddings vol drama en gevaar, ter viering van die NSRI se 50ste herdenking.
Dié stories, wat alles dek van brandende skepe tot haai-aanvalle, van sinkende vistreilers tot hallusinerende vissermanne, gaan oor die mens se konstante stryd teen sommige van die gevaarlikste vaarwaters op aarde.
Dit sluit die storie in wat tot die stigting van die NSRI gelei het.
Publikasiedatum: 2017-10-07
Klik om te vergroot
9781776092680

Die onaantasbares

R 200
R 160Jy spaar R 40
Steve Hofmeyr word as skrywer van Afrikaanse fiksie hoog aangeslaan. Sy Vier briewe vir Jan Ellis en Laaste dans, Drienie is deur literêre kritici aangeprys. Nou ontpop dié gewilde en omstrede sanger en akteur as misdaadskrywer met Die onaantasbares.

Die hoofkarakter in dié spanningsroman is 'n huurmoordenaar wat deur die media as “Die Sluiper” gedoop word. Hy is 'n Special Ops-veteraan wat deur die Bosoorlog “gekneus” is. Die verhouding tussen hom en sy eertydse kollegas versuur wanneer hy begin vermoed dat hulle hom verraai het.

Hy raak verlief op Tessa Mallet, wat later self in die visier van Die Sluiper se voormalige kliënte beland wanneer hulle besluit om van hom ontslae te raak. Nadat Tessa in hulle liefdesnes vermoor en Die Sluiper vir dood agtergelaat word, is wraak voor die hand liggend. Ná 'n uitgerekte herstelproses begin hy jag maak op die groep mense wat agter die moord op Tessa sit. Hofmeyr is 'n vaardige verteller wat lesers op 'n aksiebelaaide avontuurtog neem terwyl die adrenalien teen 'n hoë tempo vloei.
Publikasiedatum: 2017-10-09
Klik om te vergroot
9780798172721

Martelize kook! Jy's genooi

R 350
R 280Jy spaar R 70
RSG-omroeper en glanspersoonlikheid Martelize Brink bring vir jou die heerlikste kuierdisse. Die versameling van meer as 80 resepte strek van brode, uithanghappies, vis en seekos en watertandhoofdisse met vleis, wild en hoender, tot by die maaltye wat sy graag na 'n lang werkdag in haar warm kombuis geniet. Die geregte is uniek, smaaklik en suiwer genot - wie het kon dink aan beeswange of spinasie-paneer vir die eetkamertafel? Iedere resep is getoets, gekeur en verspot maklik om te maak.
Publikasiedatum: 2017-10-11
Klik om te vergroot
9780798176439

Helene de Kock Keur 2

R 235
R 188Jy spaar R 47
Man van kaliber
Vrou van formaat
Mense van faam

Helene de Kock Keur 2 bevat drie liefdesverhale wat bymekaar aansluit.
In Man van kaliber ontdek Jessica Theron uiteindelik dat 'n mens se volmaaktheid juis sy menslikheid openbaar. Wie is die keiser wat Jessica se hart gaan wen?

In Vrou van formaat is Danika Roux terug uit Frankryk en sy is vies vir mans. Mooi het finaal vir haar 'n vloekwoord geword. 

In Mense van faam word Debora Richter teen haar wil ingetrek by die Mynhard-familie. Theron het diepte en Kieron is te enigmaties om te peil.
Publikasiedatum: 2017-10-13
Klik om te vergroot
9780624083528

Schalkie van Wyk Keur 14

R 199
R 159Jy spaar R 40
Publikasiedatum: 2017-10-13
Klik om te vergroot
9780795801419

Tussen vriende

R 250
R 200Jy spaar R 50
Will het 'n stukkie. Iemand by die werk, jonk genoeg om sy dogter te wees. En Adriaan en Cassie weet daarvan, maar bly tjoepstil.
Asof dit nie die vriendekring genoeg ontwrig nie, sing Cassie en Phoebie se seun skielik in 'n bedenklike nagklub en Phoebie se eksie-perfeksie ma wil kom kuier in Pretoria - dalk vir baie lank. (Phoebie eet sommer 'n éclair.) Adriaan se Ingrid het pas wéér 'n knop in haar bors gevoel, hul enigste dogter I ver oor die waters, en dan's daar boonop Adriaan se familieplaas wat verkoop moet word noudat sy broer wil padgee Australië toe.
En heeltyd wonder Phoebie en Ingrid: Wat skort met Will se vrou, Soekie? Sy't onlangs aan haar gesig laat werk en sy lyk fantasties, maar iets is fout in haar oë.
Die wel en wee van drie paartjies in hul 50's, komies, lewensgetrou en eg. 'n Storie vir almal wat ooit oor hul vriende gewonder het, mense nes ek en jy, almal met hul eie geheime.

Derick van der Walt is 'n veelbekroonde skrywer van Pretoria. Tussen vriende is sy tweede roman vir volwassenes - Daan Dreyer se blou geranium het in 2012 verskyn.
Publikasiedatum: 2017-10-11
Klik om te vergroot
9780799385908

Skakerings van liefde

R 220
R 176Jy spaar R 44
Een misstap jare gelede het beteken dat Nadia waarskynlik nooit haar enigste kind sal kan vashou en hoor hoe hy haar mamma noem nie. Só het sy gedink, tot sy 'n besigheid op Fynbos begin en haar seun op rolskaatse weer sy verskyning in haar lewe maak.Maar hierdie seun van haar het reeds 'n pa, al is hy sy aanneempa. Dat hy onlangs 'n wewenaar geword het, is nie regtig hoopvol nie. Wie sal hom kwalik kan neem as hy agterdogtig - selfs vyandig is - as hy moet uitvind hoe Nadia by hierdie oulike seuntjie van hom betrokke is? Toe die wind draai, twyfel sy nie. Dat sy die kans van haar lewe gaan aangryp om haar kind terug te kry is nie altemit nie. Net sodat 'n nuwe onsekerheid aan haar kan begin vreet. Hoe weet 'n vrou of 'n man in haar as vrou of net in haar as die ideale ma vir sy kind belang stel? Meer nog, is lyflike begeerte liefde? Want 'n vrou wil nou eenmaal die l-woord hoor voor die huweliksformulier gelees word.
Publikasiedatum: 2017-10-10
Klik om te vergroot
9780799382914

Sielsiek

R 230
R 184Jy spaar R 46
Waarom 'haak mense se koppe uit'? Chris Mahlangu, wat vir Eugene Terre'Blanche vermoor het, het hom nie net doodgeslaan nie, hy het hom letterlik aan stukke gekap met 'n staalpyp. Een jong man slaan 'n verpleegster met 'n stuk hout in die veld dood en haar kêrel tot in die hospitaal se waakeenheid. 'n Ander slaan beide sy aanneemouers bewusteloos met 'n krieketkolf en dan steek hy hulle meer as 20 keer elk in die bors met 'n mes voor hy sy pa keel-af sny. 'n Manlike prostituut slaan sy vriend soveel keer met 'n knopkierie oor sy 'onsedelike voorstelle' dat dié sterf aan 'n skedelbreuk. Waarom sal 'n heteroseksuele man wat by prostitute slaap 'n seun by winkelsentrum oplaai en met hom lol?
Vyf gevallestudies oor ware Suid-Afrikaanse geweldsmisdadigers, vertel deur ervare misdaadskrywer Carla van der Spuy en kliniese sielkundige dr Henk Swanepoel.
Die boek bevat inligting oor persoonlikheidsversteurings, elke misdadiger se agtergrond, die dag van die misdaad, die hofsaak, dr Swanepoel se onderhoude en bevindings tydens die verhoor, tot die opvolgtronkbesoek - van aangesig tot aangesig met die monster.
Publikasiedatum: 2017-10-10
Klik om te vergroot
9780796320469

Terreur in Kaboel

R 195
R 156Jy spaar R 39
Geroepe om te gaan werk in Afganistan trek die Groenewalds uit Pretoria Kaboel toe. Elf jaar later word Werner, Jean-Pierre en Rodé in 'n wrede terreuraanval vermoor. Hannelie bly alleen agter. Hoe gebeur so iets met mense wat in gehoorsaamheid geleef het, oortuig van God se beskerming? Hannelie Groenewald se openhartige verhaal is 'n merkwaardige getuienis van 'n lewe in geloof, van God se liefde, genade, en die krag van vergifnis. Sy wys dat enigeen kán opstaan uit die as.
Publikasiedatum: 2017-10-05
Klik om te vergroot
9780798174930

30

R 325
R 260Jy spaar R 65
Die gewilde en gerekende koskenner Herman Lensing vier 30 - op allerhande maniere, maar (natuurlik!) het die belangrikste daarvan met kos te doen.

Daar is byvoorbeeld 30-minute-resepte, die 30 dinge wat jy van wyn moet weet, en wenke van sy koskenner vriend oor hoe om jou gebak te laat skitter - en ook 30 goeie gewoontes, dinge wat sy ma hom nooit vertel het nie, maniere om gesond te bly en meer.

Die resepte word verdeel in die afdelings brood, maalvleis, graan, pasta, varkvleis, tuna, skaapvleis, en hoender. By elke afdeling is daar ook vier 'moet-maak' resepte.

Herman deel sy kennis en wenke gulhartig, en nooi lesers ook om 'n bietjie uit sy lewe te leer.
Publikasiedatum: 2017-09-28
Klik om te vergroot

8

9780798176422

Hoezit, Antie? Vrikkie hier

R 190
R 152Jy spaar R 38
Vrikkie Visser is 'n fiktiewe karakter wat die mense se harte gesteel het met sy briewe aan sy 'Antie', in Volksblad en op Facebook. Vrikkie vertel van sy wedervaringe met sy oom Vissie, sy vriend Bra Pietie en sy antie Velti, en praat oor alles van dieet tot rugby en landsake. Vrikkie, al kan hy nie spel nie, se briewe is vol menslikheid en baie humor. Dis storievertel op sy beste.
Publikasiedatum: 2017-09-08
Klik om te vergroot
9780798176323

Gister is verby

R 260
R 208Jy spaar R 52
Tydens 'n roetine-ondersoek word Nadine met borskanker gediagnoseer. Onverwags moet sy die aanslae op haar liggaam leer hanteer terwyl haar man, Pierre, ook na antwoorde soek. Hoe bly hy haar steunpilaar as hy self nie weet waarnatoe nie? Dr. Althea Laubscher het álles: 'n suksesvolle loopbaan, 'n huis in 'n spogwoonbuurt, vakansies in Europa. Maar agter die glans loop haar verhouding met haar gesin op die rotse. Waar het sy verbrou? 'n Aangrypende roman oor die liefde, volharding en hoop.
Publikasiedatum: 2017-10-06

© All Rights Reserved 2017
A Product of CEIT Development