AFSLAG SLEGS OP AANLYNBESTELLINGS ●●● GRATIS aflewering op bestellings bo R450 in RSA

Nuwe vrystellings

Results 1 to 15 of 56
Gesorteer volgens:  Posisie
Klik om te vergroot
Klik om te vergroot
9780620844833

Nie-fiksie / Non-fiction: Kookboeke / Food & Drink

Nie-fiksie / Non-fiction  -  Kookboeke / Food & Drink
R 400
R 320Jy spaar R 80
Onthou jy nog die geur van kaneel op pampoenkoekies in Ouma se kombuis?
Onthou jy nog die geur van chillies in Mexiko se straatmarkte?
Onthou jy nog die geur van heuning op warm plaatkoekies by die huis?
Onthou jy nog die geur van rose in die tuin op 'n soel somersaand?
In Geure kyk Lientjie Wessels voormalige Kokkedoor-deelnemer na dertien geure en geurkombinasies wat haar na aan die hart lê - van daardie eerste onthougeure soos kaneel en vars suurlemoene, die invloed van ander lande se cuisine met olyfwe, sesamsaad en tahini tot waar jy stilstaan om letterlike die blomme te ruik. 'n Nostalgiese én vernuwende kookboek.

Met 'n BA in beeldende kunste, werk Lientjie in verskeie dekorwinkels en as dekorredakteur in publikasies soos Sarie en Elle Decoration en lewer sy oor bydraes vir Pasella. Stukke van haar persoonlike meubelreeks pronk onder andere in die Konsistusionele Hof. Sy maak suksesvolle restaurante oop in Pretoria en Cullilnan, en neem deel aan Kokkedoor seisoen drie. Sy spits haarself tans toe op skilderwerk en spyseniering.
Publikasiedatum: 2019-12-09
Klik om te vergroot
Klik om te vergroot
9780799396768

Fiksie: Romanses

Fiksie  -  Romanses
R 240
R 192Jy spaar R 48
“Kyk of jy vir my die son kan vang ...” Narissa is 'n volbloed hippie. Sy is optimisties oor die lewe en sy het 'n wil van haar eie. Sy glo daarin dat 'n mens die lewe moet geniet en oomblikke van blydskap vir jouself moet skep. Sy gaan vir haar die son se lag vang op Springbok. Haar grootste irritasie op twee bene is Franz Lamont, meneer volg-die-regte-pyltjies, baie aantreklik, baie bitter, en hy ry 'n vintage hippie kombi met daisies op die deure soos sy nog altyd wou hê. Hy stem nie saam met haar lewensopvatting nie. Pret en plesier is net vir 'n oomblik, en van min waarde. Werk, reëls nakom en dinge reg doen, is belangriker, en die swaar tye van die lewe weeg ook swaarder. Sonvanger is deel van LAPA Uitgewers se SuperRomanza-reeks. Frenette van Wyk se boeke vergelyk goed met Cynthia Robertson en Leandra Naudé se skryfwerk. Sonvanger is haar derde SuperRomanza wat in 2019 gepubliseer is.In die sterre geskryf het in Januarie verskyn, en Soene in 'n sandkasteel in Junie.
Publikasiedatum: 2019-12-03
Klik om te vergroot
Klik om te vergroot
9780799396676

Fiksie: Romanses

Fiksie  -  Romanses
R 95
R 76Jy spaar R 19
Altyd die strooimeisie, nooit die bruid nie
Zita vra die onmoontlike van Anja. Om haar strooimeisie te wees is een ding, maar om darem in haar vriendin se afwesigheid vir Alec, Zita se verloofde, te moet help met hulle troureelings, is hopeloos te veel gevra. Want wat Zita nie weet nie, is dat Anja ook haar hart op Alec verloor het. Alec is 'n werkolis wat meeste van sy tyd op kantoor bestee, maar Zita oortuig hom om Anja te help om hulle troue te reël terwyl sy vir nege maande Londen toe gaan. Hy stem teensinnig in, maar sou nooit kon raai tot watter uiteinde hierdie besluit sou lei nie.

Romanza is LAPA Uitgewers se romansereeks, wat vergelyk kan word met Mills & Boon en Harlequin-romanses. Die onwillige strooimeisie is Alma Carstens se jongste romanse. Haar vorige romanses in die Romanza-reeks sluit die volgende in:
• Lenteliefde (Februarie 2018),
• Somersprokie (Julie 2018),
• Winterdroom (Oktober 2018), en
• Liefde uit Italië (Junie 2019).
Publikasiedatum: 2019-12-03
Klik om te vergroot
Klik om te vergroot
9780799396645

Fiksie: Romanses

Fiksie  -  Romanses
R 95
R 76Jy spaar R 19
Is hy haar liefde werd? Friede Tredoux het 'n slegte stel met 'n branderplankryer afgetrap. Hy't nie gewerk nie en het geen toekomsvisie gehad nie. Sy ontmoet vir Matthys Combrink op Philadelphia terwyl sy en Jody by Leah kuier. Hy bak brood by die plaaslike deli. Sy is 'n arbeidsterapeut op George en begin oefen vir 'n marathon. Tot haar verbasing is Matthys een Saterdagoggend ook daar. Daar is beslis allerhande vibrasies wanneer sy naby hom is, maar sien sy kans vir 'n man wat brood bak vir 'n lewe? Waar pas die boek in? Romanza is LAPA Uitgewers se romansereeks, wat vergelyk kan word met Mills & Boon en Harlequin-romanses. Want hy praat tjoklits is Elsa Winckler se jongste romanse. Haar vorige romanses in die Romanza-reeks sluit die volgende in: • Blameer die skoenlapper (Februarie 2018), • My groot liefde (November 2018), • Want die hart weet (Januarie 2019), en • Altyd net jy (Augustus 2019).
Publikasiedatum: 2019-12-03
Klik om te vergroot
Klik om te vergroot
9781485310563

Nie-fiksie / Non-fiction: Politiek & Geskiedenis Suid Africa / History & Politics South Africa

Nie-fiksie / Non-fiction  -  Politiek & Geskiedenis Suid Africa / History & Politics South Africa
R 350
R 280Jy spaar R 70
Ben Viljoen (1868-1917) was 'n prominente jonger generaal in die Anglo-Boereoorlog, maar ná die oorlog is hy nie opgeneem in die nuwe politieke elite van die Afrikaners nie. Nadat hy die eed van getrouheid op St. Helena onderteken het, het hy nooit weer permanent na Suid-Afrika teruggekeer nie.
Carel van der Merwe het besluit om Viljoen se spore te volg na Brittanje, Nederland, Mexiko en Amerika en te gaan uitvind hoe dit gebeur het dat dié Boereoorloggeneraal burgerskap van vier verskillende lande gehad het, die ster was van 'n Boereoorlogskouspel, aan 'n Mexikaanse revolusie deelgeneem het, as vredeskommissaris tussen die Yaqui-Indiane opgetree het en voor sy dood op die punt was om 'n film in Hollywood te vervaardig.
'n Prentjie van 'n komplekse persoonlikheid kom na vore wat herinner aan 'n deel van die huidige generasie Afrikaners - minder godvresend, gemaklik in verskillende kulture, en bereid om te emigreer wanneer hulle dink dit tot hul voordeel is.
Publikasiedatum: 2019-11-25
Klik om te vergroot
Klik om te vergroot
9780639977829

Nie-fiksie / Non-fiction: Biografie & Outobiografie / Biography & Autobiography

Nie-fiksie / Non-fiction  -  Biografie & Outobiografie / Biography & Autobiography
R 165
R 132Jy spaar R 33
Byna drie dekades het verloop sedert ek die pad met die Boereprofeet en sy visioene in 1990 begin stap het. Dit was van meet af 'n taai, opdraande stryd; maar dit was ook 'n heilsame pad, 'n pad besaai met wonderwerke. Want dit wat ek op daardie pad beleef het, is vir my net so 'n groot gebeurtenis as wat die ontdekking van die visioene self was. En op die pad het heelwat van ons volksgenote menige dag 'n hand uitgesteek om dit vir my gelyk te maak. U sal hulle in die loop van die verhaal ontmoet.
Omdat ek my nog voortdurend met Siener se gesigte besig hou, het ek intussen ook op heelparty visioene en verklarings afgekom wat vir ons 'n meer duideliker prentjie gee van belangrike gebeure wat nog moet plaasvind; lotsbepalende gebeurtenisse wat die Siener se profetiese toekoms vir ons ontsluit.
Publikasiedatum: 2019-11-25
Klik om te vergroot
Klik om te vergroot
9780798178082

Fiksie: Kortverhale

Fiksie  -  Kortverhale
R 380
R 304Jy spaar R 76
Die nuwe Afrikaanse prosaboek is 'n viering van verskeidenheid. Dit bied 'n verruimende, vars blik op die Afrikaanse kortverhaal met sowel klassieke verhale deur welbekende skrywers asook voorheen ongepubliseerde verhale deur nuwe stemme. Jan Rabie, wat in die laat-1950's die kontoere van die literêre landskap verlê het met sy soms absurde, soms filosofiese, soms politieke “prosas”, dien as inspirasie.
Publikasiedatum: 2019-11-13
Klik om te vergroot
Klik om te vergroot
9780799396706

Fiksie: Romanses

Fiksie  -  Romanses
R 95
R 76Jy spaar R 19
Sy oë kyk tot in haar siel ... Olivia droom baie aande van 'n sorgsame wonderlike man met blougroen oë. Sy kan die kleur van sy oë in haar drome uitmaak, maar nooit sy gesig nie. Toe haar pad met dié van Zak Brunner kruis, lyk sy oë vir haar só bekend, nes dié in haar drome, maar sy is oortuig Zak kan onmoontlik die man wees van wie sy droom. In haar drome voel sy altyd veilig en gekoester. Sy is nie bang vir die man nie en sy vertrou hom onvoorwaardelik. Maar Zak maak haar benoud en sy vertrou hom nie so ver as wat sy hom kan sien nie. Maar Olivia het 'n sagte plekkie vir Zak se dogtertjie, Nina, en ter wille van Nina begin sy tyd saam met Zak deurdring. Haar opinie oor Zak verander mettertyd, en toe hy haar vra om met hom te trou, sodat hy voogskap oor Nina kan behou, oorweeg sy dit baie sterk. Sy wéét sy is lief vir Nina en sal amper enigiets doen om haar te beskerm, maar is dit genoeg rede om met Zak te trou? Romanza is LAPA Uitgewers se romansereeks, wat vergelyk kan word met Mills & Boon en Harlequin-romanses. Ter wille van Nina is Cheryl Rogers se jongste romanse. Haar vorige romanses in die Romanza-reeks sluit die volgende in: • Die regte tyd (September 2013), • Liefste Amelia (Februarie 2014), • Haar eie sprokie (Maart 2015), en • Haar storieboekheld (Januarie 2017).
Publikasiedatum: 2019-12-03
Klik om te vergroot
Klik om te vergroot
9780799396737

Fiksie: Romanses

Fiksie  -  Romanses
R 95
R 76Jy spaar R 19
Hulle vaarwel soen was toe iets meer
Mieke Küsler is terug in die Laeveld na drie jaar oorsee. Sy weet dat Migal Roos, haar oud-universiteitsvriend, ʼn dokter is in die stad. Gelukkig hoef sy nie bang te wees om hom raak te loop nie. Hy het hulle vriendskap beëindig die aand voor sy op die vliegtuig geklim het met ʼn vinnige en hartstogtelike soen. Sy het gehoop hy sal haar vra om by hom te bly, maar sy het nooit weer iets van hom gehoor nie. Die noodlot bring hulle bymekaar in die dokter se spreekkamer. Haar angstigheid om saam met haar kêrel Nederland toe te gaan oor ʼn paar dae, raak al hoe meer ondraaglik nou dat sy terug in Suid-Afrika en in Migal se teenwoordigheid is.

Romanza is LAPA Uitgewers se romansereeks, wat vergelyk kan word met Mills & Boon en Harlequin-romanses. Wat jy gee is Karlien Badenhorst se jongste romanse. Man van die maand (Oktober 2017) was haar eerste romanse in die Romanza-reeks.
Publikasiedatum: 2019-12-03
Klik om te vergroot
Klik om te vergroot
9780795709500

Fiksie: Poësie

Fiksie  -  Poësie
R 200
R 160Jy spaar R 40
In Chinatown bied bekroonde digter Ronelda Kamfer opnuut poësie met 'n emosionele slaankrag. Geslagspolitiek word ondersoek deur ? vrouestem wat opklink teen die patriargie. Verwysings na 'n gebroke verhouding tussen pa en dogter kom deurlopend voor. En kwessies soos vrouemishandeling en rassisme word met diep menslikheid hanteer.
Publikasiedatum: 2019-11-15
Klik om te vergroot
Klik om te vergroot
9781928268031

Fiksie: Romans

Fiksie  -  Romans
R 260
R 208Jy spaar R 52
Na vele mislukte verhoudings, staan privaatspeurder Willem Vasbyt Loriet uiteindelik op trou.Dankbaar dat hy die groot stao kan neem viirdat hy 40 is, pak hy die taak aan om van seker aandenkings ontslae te raak. Dan gebeur daar skielik 'n klompie dinge bykans tegelyk. Hy sien 'n man raak wat hy nie kan plaas nie, maar glo dis ;n skelm wat hy tevore teëgekom het en wil hom graag identifiseer en weer ondersoek.
Publikasiedatum: 2019-11-15
Klik om te vergroot
Klik om te vergroot

16

9780624089216

Fiksie: Romans

Fiksie  -  Romans
R 360
R 288Jy spaar R 72
Prokureur Ian Brand stuur 'n ondeurdagte twiet die kuberruim in en sy lewe word oornag pure hel. Thuli Khumalo, studenteaktivis op 'n kampus wat stink na petrol en traangas, moet kies tussen vaderverraad of haar beginsels versaak. Snaar Windvogel, vroeër van Matjiesfontein, is nou in transisie onder die lem van 'n enigmatiese plastiese chirurg. En al hoe gereelder slaan 'n kruisboogmoordenaar in die Moederstad toe . . .
Hierdie en vele ander fassinerende karakters bevolk 'n landskap waarin die enigste sekerheid ónsekerheid is. Want Etienne van Heerden se tergend aktuele nuwe roman sê veel oor die tyd waarin ons lewe, waar privaatheid en identiteit abstrakte begrippe geword het, fopnuus ononderskeibaar van die werklikheid, en “die waarheid” klaarblyklik 'n onhaalbare ideaal.
Publikasiedatum: 2019-11-12
Klik om te vergroot
Klik om te vergroot
9780798177627

Fiksie: Romanses

Fiksie  -  Romanses
R 265
R 212Jy spaar R 53
Die ontbrekende helfte
Liefde uit die stormnag
Teësinnige erfgenaam

In die ontbrekende helfte word Yvette Faure deur 'n agentskap as sekretaresse na die verstrooide professor Rabe se huis gestuur.

In Liefde uit die stormnag soek 'n kunstenares skuiling in 'n hewige sneeustorm en is dae lank vasgekeer saam met 'n skatryk Kanadese nyweraar.

In Teësinnige erfgenaam ontdek die 28-jarige Melissa van Eeden ná afgesonderde grootwordjare skielik dat sy die erfgenaam is van 'n skatryk man en weet sy nie hoe om haar nuutgevonde vryheid te hanteer nie.
Publikasiedatum: 2019-11-11
Klik om te vergroot
Klik om te vergroot

10

9780799398427

Fiksie: Liefdesromans

Fiksie  -  Liefdesromans
R 285
R 228Jy spaar R 57
Jacomien wag al haar lewe lank op eendag om waarlik gelukkig te wees, net om met 'n donderknal te besef 'eendag' is hier, eendag is nóú ...
Jacomien se lewe bestaan daaruit dat sy haar man, 'n eiendomsagent, na begrafnisse vergesel om te 'netwerk' en huise wat te koop mag wees op te spoor. Dis een van die rare maniere waarop die nimlike JanKoos sy sake bedryf en goeie vrou wat sy is ondersteun sy hom daarin.
Maar Jacomien is moeg en verveeld met JanKoos en hulle manier van lewe. Sy verlaat die gesin se huis in Panorama om in 'n strandhuis te gaan bly. Haar lewe lank wag sy op eendag om waarlik gelukkig te wees, net om met 'n donderknal te besef dat eendag nie meer op háár wag nie. Eendag is hier, eendag is nóú. Jacomien is amper sestig en Vader Tyd is 'n ou bogger wat niemand ontsien nie. Ook die mooie Jacomien se uurglas loop leeg.
Om die kroon te span is haar twintigjarige dogter Klara begogel met haar filosofieprofessor en Jacomien, immer die 'interfering mother', se bekommernis hieroor dryf haar om nader kennis te maak met hierdie akademikus; want Jacomien dra die letsels van haar eie aaklige ervaring aan dieselfde universiteit. Een verkeerde keuse het 'n skadu oor die res van haar lewe gegooi en haar in 'n rigting gestuur waarin sy nie werklik wou gaan nie.
Maar haar hart is honger vir liefde en sy besef gister is verby, aan môre kan sy niks doen nie, maar sy kan elke dag leef asof dit haar laaste is. Want 'eendag' is nóú.
Publikasiedatum: 2019-11-07
Klik om te vergroot
Klik om te vergroot
9780799398274

Fiksie: Romanses

Fiksie  -  Romanses
R 95
R 76Jy spaar R 19
Die liefde kry altyd sy sin ...
Vir die wêreld is Tilla Jonker die Parkers se liefling. Sy is nie net aan die stuur van hulle openbare betrekkinge nie, maar ook die hoof van hulle welsynsorganisasie. Haar hart in die laasgenoemde is suiwer, omdat sy self bitter goed weet hoe swaarkry lyk. Vir Sean Thomas is sy net die handtekening op ʼn tjek - nog ʼn rykmans-dogter wat nie weet wat om met al haar geld te maak nie. Totdat Sean vir Tilla ontmoet. Die liefde is egter nie eenvoudig nie, en al voel hulle albei die vonk, is daar reëls aan die spel wat hulle albei speel verbonde. Reëls wat kan verhoed dat daar ʼn toekoms tussen hulle is.

Verskeie kwessies word aangeraak in hierdie boek. Tilla spandeer baie aandag aan 'n kinder-onkologie afdeling en daar ontwikkel 'n noue band tussen haar en een van die terminale siek dogtertjies. Die tema van aborsie en vrae oor of vroue ongewenste babas mag aborteer of eerder die babas moet laat aanneem, al kan hulle moontlik in ongelukkige huishoudelike omstandighede grootword, word aangeraak.

Romanza is LAPA Uitgewers se romansereeks, wat vergelyk kan word met Mills & Boon en Harlequin-romanses. Liefde vir ʼn liefling is Didi Potgieter se jongste romanse. Haar vorige romanse in die Parkers-reeks was:
Liefde vir ʼn vuurvreter (Maart 2015),
Liefde vir ʼn vlinder (Junie 2017),
Liefde vir ʼn ridder (November 2017),
Liefde vir ʼn cowboy (November 2018), en
Liefde vir ʼn feëprinses (Mei 2019).
Publikasiedatum: 2019-11-07

© All Rights Reserved 2018
A Product of CEIT Development
Koop Afrikaanse en Engelse boeke aanlyn en spaar tot 20% op Nuwe Vrystellings, Topverkopers en Engelse algemene publikasies. Graffiti vir nuwe boeke, topverkopers, opvoedkundige boeke, Christelike boeke en winskopies. Kry ook jou Moleskine Joernaal hier teen 20% afslag.Buy Afrikaans and English books online and save up to 20% on Afrikaans New Releases and Bestsellers, as well as on English general publications. Graffiti for new releases, bestsellers, Christian books, educational books and bargains. Stockist of Moleskine Journals.