AFSLAG SLEGS OP AANLYNBESTELLINGS ●●● GRATIS Pargo aflewering op bestellings bo R350
Klik om te vergroot
Klik om te vergroot

1

9780799393330

Nie-fiksie / Non-fiction: Misdaad / Crime

Nie-fiksie / Non-fiction  -  Misdaad / Crime
R 245
R 196Jy spaar R 49
My pa, die monster van die Springs-gruwelhuis
“Ek kniel op die voetstuk langs die bed en laat my kop sak. 'n Warm brandpyn skiet deur my hele gesig. Pa het my geskop. Bloed stroom deur my neus. Dan voel ek hoe koue water oor my hele lyf stort. Elektriese drade stuur skokke deur my, ek kan nie deur die bloed sien nie. Here, help my.”
Landi is die oudste van vyf kinders wat uit die sogenaamde Springs-gruwelhuis gered is. Sy is nou 21 jaar oud en vertel vir die eerste keer haar verstommende verhaal. In Mei 2014 het die polisie dié huis ontdek waar 'n sadistiese pa sy vrou en vyf kinders vir jare tussen vullis en rotte aangehou, getreiter en gemartel het.
In ysingwekkende besonderhede onthou Landi hoe hul pa hulle aangerand, met 'n skokstok geskok, met 'n gaspistool geskiet en met 'n blaasvlam gebrand het, hoe hy martelmetodes nagevors en hulle byna in 'n bad verdrink het.
Sy vertel hierdie herinneringe vir die heel eerste keer aan Susan Cilliers, 'n ervare joernalis, wat dit met deernis weergee en dit vernuftig met die feite van die polisie-ondersoek en die hofsaak verweef.
Huis van gruwels is die skokverhaal van 'n pa wat op die wreedste manier denkbaar alles van sy gesin wegneem, maar ook 'n storie van hoop oor hoe 'n dapper jong vrou uiteindelik geluk en genesing vind.
Publikasiedatum: 2019-08-27
Klik om te vergroot
Klik om te vergroot

2

9780795801976

Fiksie: Romans

Fiksie  -  Romans
R 275
R 220Jy spaar R 55
Carl se rekord word uitgewis - maar wat sal dit hom kos?

In Rudie van Rensburg se eerste Kassie Kasselman-roman, Slagyster, ontmoet ons vir Carl Bester, gevalle oudspeurder. Slagyster eindig waar hy op vlug gaan ná hy geld gesteel het waarop in 'n dwelmsaak beslag gelê is.
In Vloek is Carl terug. Ná 'n dekade word hy skielik gevrywaar van vervolging. Hy kan terugkom na SA - sy bannelingstatus uitgewis, maar teen 'n prys. “Ons vergeet van jou sondes in ruil vir 'n teenprestasie,” sê sy nuwe werkgewer. Hy moet 'n saak van internasionale belang help ontrafel - een wat met lyke besaai lê.
Carl was 'n dekade laas polisieman. Nou sal hy sy skadukant finaal moet afskud en weer soos 'n volbloedspeurder redeneer om dié saak saam met 'n spul rookies op te los. Sal dié berugte rokjagter ook die versoeking weerstaan om betrokke te raak by 'n beeldskone kollega? En gaan sy pad kruis met dié van Kassie Kasselman, die speurder wat sy diefstal destyds aan die Skerpioene blootgelê het?
Dan is daar die neo-Nazi uit Carl se verre verlede. Gevul met die “heilige krag van die Führer” is hy vasbeslote om wraak te neem op die man wat hom agter tralies laat beland het.
Publikasiedatum: 2019-08-13
Klik om te vergroot
Klik om te vergroot

3

9780798179294

Fiksie: Romans

Fiksie  -  Romans
R 320
R 256Jy spaar R 64
Fleur de Villiers is nie 'n kenner van rugby nie. Wanneer haar ou pel Maurice Kumalo haar vra om 'n biografie oor die Springbok-rugbykaptein Katstert Nel te skryf, is sy om die minste te sê teësinnig. Haar voorliefdes in die lewe behels eerder fynere dinge, soos ondersoekende joernalistiek, goeie kos en wyn. Wat op aarde weet sy van rugby, so op die vooraand van die Wêreldbekertoernooi in die jaar 2025?
Daar wag 'n groot verrassing op Fleur. Want in die domein van Jaap Schvantz en sy eggenoot Krystle, aan die hoof van Corpus Christi se kolossale besigheid (deesdae is die kerk en rugby één), is daar 'n klankie in die lug. En Fleur, ervare joernalis wat sy is, kry gou snuf in die neus. Hond se gedagte is 'n hoogtepunt in Kerneels Breytenbach se oeuvre. Dit is 'n roman wat spreek tot rugbykenner en rugbyleek. Want wat is rugby anders as 'n metafoor vir die lewe - net een span kan wen, en nie almal volg altyd die reëls nie...
'n Verrassende, hoogs vermaaklike roman.
Publikasiedatum: 2019-08-02
Klik om te vergroot
Klik om te vergroot

4

9780796321398

Christelik / Christian: Vroue / Women's Interest

Christelik / Christian  -  Vroue / Women's Interest
R 210
R 168Jy spaar R 42
Koeke en terte gee jou skreeusnaakse wenke oor die verskille tussen mans en vroue en verskillende tipe vroue. Dit is geskik vir almal wat 'n goeie humorsin het - en veral vir hulself kan lag. Susan takel ernstige onderwerpe soos dat jy as vrou is goed genoeg is, jy nie so hard op jouself moet wees nie en jy is genoeg vir God net soos jy is. Sy help jou om jouself te leer waardeer en jou eie gawes te ontwikkel en om by jouself en ander te leer.
Publikasiedatum: 2019-09-09
Klik om te vergroot
Klik om te vergroot

5

9780799397246

Fiksie: Romans

Fiksie  -  Romans
R 295
R 236Jy spaar R 59
Hoe gemaak as jy vastrapplek moet kry tussen die Hemel en die Hel? Kliek. En jou lewe verander. Onomkeerbaar.

So sal Markus Meyer en Regardt Muller, twee avontuurlustige vriende wat ná matriek by die Britse Weermag aansluit en as lede van die gerespekteerde 3 Valskermregiment in Afghanistan diens doen, weldra leer.

Dit is egter eers wanneer stilte oor die slagveld neersif en die gevolge van konflik beredder moet word, dat die wáre vegters na vore sal tree. En daardie slagveld is nie noodwendig in ʼn oorlogsgeteisterde gebied waar die droë hitte iets lewendigs is nie; soms lê dit ook tussen kamerade, gesinslede en verál midde-in die liefde.

Want selfs ʼn soen is by tye ʼn landmyn wat afgetrap word ...

Vegters is die merkwaardige verhaal van uitdaging, lojaliteit en deursettingsvermoë. ʼn Verhaal wat die leser deur drie valleie sal neem: van die Gamtoosvallei in die Oos-Kaap na die Sanginvallei langs die Helmandrivier in Afghanistan, tot die Vallei van ʼn Duisend Heuwels in KwaZulu-Natal waar die wêreldbekende Dusi-kanomarathon die twee vriende tot die uiterste sal beproef. Wees gereed om oorbluf te word.

Hierdie boek is nie `n Sondagmiddagpiekniek nie - dis `n ontsnappingsroete deur `n slagplaas.

Vegters moet nie verwar word met 'n hedendaagse oorlogboek nie. Die kontraste tussen die drie wêrelde in die teks is hemelsbreed.

Die leser word gelawe met die idiliese Gamtoosvallei, net om weer om sy gemaksone geruk te word na die hel van 'n oorloggeteisterde Afghanistan. Nog min het twee werelde so baie verskil waar die skrywer dit regkry om beide te versoen. 'n Nuwe blik word gegee oor die oorlog in Afganistan, uit die oogpunt van twee Afrikaanse soldate in die Britse leer.

Dis 'n verhaal van hoop en versoening. Dis mooi. Dis bitter. Dis `n emosionele wipplankrit. Daar is oomblikke van teerheid,maar voor jy te gemaklik raak, word jy aan die bek geruk deur die twee hoofkarakters se ervarings in Afghanistan. Maar dat dit jou gaan by bly en uit jou gemaksone ruk, is gewis.

Redigeerder Louis Esterhuizen ”Hierdie werk is by verre een van die mees indrukwekkende tekste wat ek tot nog toe die voorreg gehad het om te hanteer.”
Publikasiedatum: 2019-08-27
Klik om te vergroot
Klik om te vergroot

6

9780624088660

Fiksie: Kortverhale

Fiksie  -  Kortverhale
R 270
R 216Jy spaar R 54
Soekmekaar is 'n stuk of vyftig stories waarin Dana Snyman besin oor enigiets van Donald Trump tot 'n veertigste skoolreünie.
Hy vertel van sy kennismaking met Eugène Terre'Blanche en van die Bogosi-gesin van Ventersdorp wat by hom op Jacobsbaai gewoon het.
Hy gesels met Jemina Meko oor Karel Schoeman se laaste dae.
Hy beskryf hoe mense oor grense na mekaar probeer uitreik.
Hoe ons mekaar soek en nie altyd vind nie.
Dana sê: “Ek voel nie meer geborge in my huis op Jacobsbaai nie. Miskien suig 'n huis se mure en dak jou verdriet en verwildering op nes 'n spons wat water opsuig. My huis treur saam met my. Oor Anette se weggaan. Oor ou sekerhede wat onsekerhede geword het. My huis soek lig. Ek soek lig. Ek moet die binneland in.”
Menslik, roerend, hartseer én snaaks, soos net Dana Snyman kan.
Publikasiedatum: 2019-09-09
Klik om te vergroot
Klik om te vergroot

7

9780796321428

Fiksie: Christelik

Fiksie  -  Christelik
R 200
R 160Jy spaar R 40
Soos papierblomme in die wind, so het haar lewe verwaai. Sal sy dit regkry om die flentertjies weer op te tel? Daar is net een uitweg…

Janine was sewe jaar oud toe haar ouers dood is en sy die deur tussen haar en Jesus toegemaak het. Net sy het dit geweet, want sy was 'n soet kind, oupa Koen en ouma Leen se trots.

Die seer in haar was haar eie en sy wou nie bejammer word nie, sy het haar skoolwerk gedoen en presteer, maats gekies wat haar grootouers goedgekeur het, maar wat saam met haar langs die rand van die afgrond geloop het.

Sy wou groot wees en wegkom van die klein dorpie waar almal mekaar geken het en baie van die oumense, ook die wat sy bewonder het, met hul eie mislukkings geworstel het.

Haar kans het gekom toe Greg Walker die Engelsklas by mister Barlow-Jones oorneem. Met drome in haar oë en haar bruidsruiker in haar hande is sy Londen toe waar sy groter hartseer leer ken, maar ook die grootste ontdekking van haar lewe gemaak het.
Publikasiedatum: 2019-08-27
Klik om te vergroot
Klik om te vergroot

8

9780799396515

Fiksie: Romans

Fiksie  -  Romans
R 285
R 228Jy spaar R 57
Hoe oorleef 'n mens tragedie ná tragedie?
Neil Viljee vlug Australië toe ná ʼn tragedie, maar hy kom terug toe sy ma hom laat weet sy pa is terminaal siek: om afskeid te neem en sy ouers by te staan. Dis egter nie sy ma wat hom inwag nie. Hy tref sy pa, ʼn familievriendin en sy niggie se ontwrigte tienerdogter aan, want sy ma is onverwags dood aan ʼn hartaanval.
Neil besef dat hy in Australië net sy vroeëre rouproses uitgestel het, en die verlies aan sy ma dwing hom om die verwoestende gebeurtenis wat hom landuit laat vlug het in oënskou te neem. Karel probeer Neil help midde-in sy eie droefheid en fisieke agteruitgang. Millie skep orde terwyl sy ʼn besluit probeer neem oor haar huwelik wat in gevaar is. Charlie weet dat sy nie terug kan gaan na haar bedenklike huislike omstandighede nie, en sy probeer haar agterstallige skoolwerk inhaal en ʼn toekoms op haar eie karteer.
Elkeen verwerk die geliefde Lea se dood op ʼn eiesoortige manier. Innerlike konflik word na die oppervlak gedwing en geheime en waarhede word ontbloot. Hulle vorm ʼn unieke gesin, wat mekaar dwing tot selfondersoek, maar wat mekaar veral ondersteun en bystaan, en elkeen vind ʼn mate van vrede.
Hierdie is veral 'n storie oor die genesing van ou emosionele wonde. Die manlike hoofkarakters dryf die roman en gee insig in die manlike psige, terwyl die altyd teenwoordige kat in die skrywer se romans (byna soos in die Frans-Joodse kunstenaar Marc Chagall s'n) al sinoniem is met haar werk en al haar handelsmerk geword het.
'n Goeie jaar vir rose is Santie van der Merwe se sewende roman. Die laaste drie boeke wat dit voorafgegaan het, is: Ver in die wêreld Kittie, Die einde van die storie en Al wat oorbly.
Publikasiedatum: 2019-08-27
Klik om te vergroot
Klik om te vergroot

9

9781776094707

Nie-fiksie / Non-fiction: Biografie & Outobiografie / Biography & Autobiography

Nie-fiksie / Non-fiction  -  Biografie & Outobiografie / Biography & Autobiography
R 230
R 184Jy spaar R 46
Toe die legendariese Suiker Britz homself in 2018 om die lewe gebring het, het die einde van 'n era aangebreek - 'n tydvak waarin ouskool-polisiemanne se reputasie gebou was op ongelooflike suksesse in die bekamping van misdaad. In sy luisterryke loopbaan as polisieman en
speurder, en as hoof van die polisie se moord-en-roofeenheid, was Britz as ondersoeker betrokke by misdade wat die samelewing tot in sy fondamente geskud het. In Suid-Afrika se oorgangstydperk na demokrasie het hy, in opdrag van verskeie kommissies van ondersoek,
duisterhede probeer opklaar rondom polities geïnspireerde moorde.
In hierdie boek probeer die skrywers 'n beeld van die man agter die legende kry deur die soeklig op sake waarby hy betrokke was, te laat val. Die prentjie wat na vore kom is dié van 'n passievolle speurder wat uitsonderlike prestasies in sy loopbaan behaal het. Maar Suiker Britz was ook 'n gewone mens met unieke tekortkominge. Hy het dikwels onder fel kritiek deurgeloop oor die manier waarop polities sensitiewe sake hanteer is.
Van die sake wat in die boek belig word, sluit in: Die Kerkstraat-bomontploffing, die sluipmoord op Fabian en Florence Ribeiro, asook verskeie gevalle waar polisiemanne misdadigers geword het. Suiker Britz se pad het gekruis met dié van berugte misdadigers soos Gert van Rooyen, Dirk Coetzee, André Stander, die Wit Wolf Barend Strydom en Dirk Prinsloo.
Om 'n profiel van iemand soos Suiker Britz saam te stel, is dit onvermydelik dat die donkerste uithoeke van die menslike psige verken word. Daarom word sensitiewe lesers gewaarsku dat van die moorde wat in die boek beskryf word, dikwels grusaam en skokkend is. Lesers word meegevoer op 'n ontstemmende reis na 'n afgrond waaroor Suiker Britz dikwels moes staar om boosheid vierkant in die oë te kyk.
Publikasiedatum: 2019-08-31
Klik om te vergroot
Klik om te vergroot

10

6009880539857

Nie-fiksie / Non-fiction: DVD's

Nie-fiksie / Non-fiction  -  DVD's
R 500
R 400Jy spaar R 100
5 DVD stel

Herman Giliomee top-historikus, is die aanbieder van die 17-episode kyknet-reeks Die Afrikaners. Hy het talle toekennings ontvang vir die oorspronklike boek waarop die reeks gebaseer is en word gesien as die wêreldkenner van die onderwerp. In hierdie dokumentêre reeks vervleg Giliomee die jongste internasionale insig met 'n leeftyd van eie navorsing in 'n vars relaas oor 'n omstrede onderwerp.
Talle aspekte van Suid - Afrika se verlede en die rol daarin van die groep mense wat mettertyd na hulself as 'Afrikaners' sou verwys, word in kleur en geur vertel, sodat kykers met 'n vars soms uitdagende perspektief op ons verlede gelaat word.
Publikasiedatum: 2019-07-17
Klik om te vergroot
Klik om te vergroot

11

9781485310853

Nie-fiksie / Non-fiction: Biografie & Outobiografie / Biography & Autobiography

Nie-fiksie / Non-fiction  -  Biografie & Outobiografie / Biography & Autobiography
R 180
R 144Jy spaar R 36
Hierdie is ʼn fassinerende verslag van die lewe in maksimumsekuriteit-gevangenisse, met ʼn vars invalshoek: China was hondemeester, aan die voorfront tydens tronkgevegte. Gewapen slegs met ʼn knuppel en sy hond moes hy messtekers en oproeriges afweer. Hy is ʼn mensch, ʼn ongeslypte diamant met hart en ondernemingsgees. Hy herinner aan Bennie Griessel: hy rook en drink straf, sy huwelik is op die rotse, hy sukkel om gevoelens te wys, maar oor ʼn hond wat doodgaan, grens hy. Sy eerste pos, toe hy net 16 was, was op Robbeneiland, waar hy ʼn lang, breedgeskouerde gevangene met ʼn vriendelike gesig gesien skerm het. Hy was self ʼn bokser en kon sien die man het ʼn besonderse tegniek, dat hy lig op sy voete soos ʼn weltergewig was. Die bokser was Nelson Mandela. Saans het Mandela deur sy tralies vir die seun hardgekookte eiers wat hy afgeskil het, aangegee, dan eet hulle saam en gesels. Mandela het hom altyd aaangepor om verder te gaan leer.

OOR DIE OUTEUR
Jakobus Daniël (China) Mouton is 23 Maart 1957 gebore. Hy was van 1974 tot 2013 ʼn hondemeester in die Departement van Korrektiewe dienste, waar hy ook aan die berede afdeling verbonde was. Hy het as spoorsnyer gewerk en sekuriteit verskaf by maksimumsekuriteit-gevangenisse. Hy spesialiseer later in narkotika en springstof. Hy was van 2010 afdelingshoof by Brandvlei-gevangenis. Hy tree in 2013 af en woon in Laingsburg.
Publikasiedatum: 2019-08-27
Klik om te vergroot
Klik om te vergroot

12

9780799396119

Nie-fiksie / Non-fiction: Kookboeke / Food & Drink

Nie-fiksie / Non-fiction  -  Kookboeke / Food & Drink
R 320
R 256Jy spaar R 64
Resepte só maklik dat selfs Karlien van Jaarsveld dit kan maak!
Karlien van Jaarsveld het baie talente, maar kook is nie een van hulle nie. Soos baie ander mense wil Karlien die berge invaar wanneer iemand haar vra: “Wat eet ons vanaand?”
Toe kom leefstylsjef Izelle Hoffman met 50 resepte vorendag wat só maklik, lekker en vinnig is dat selfs Karlien dit kan maak!
Die gevolg is 'n heerlike resepteboek propvol wengeregte wat jy met min moeite en eenvoudige bestanddele in 'n japtrap kan maak.
Karlien kan nie kook nie sluit alles in van familiekos en trooskos tot romantiese etes vir twee en lekkernye vir die kroos.
Of jy nou vinnig iets ná werk aan mekaar wil slaan of die Sondag grênd wil onthaal, dié boek gaan elke keer tot jou redding kom. Beïndruk jou gesin en jou gaste met hartlike huiskos wat na baie moeite lyk, maar geen moeite is nie!
Waar pas hierdie boek in?
Karlien kan nie kook nie is Karlien van Jaarsveld se eerste kookboek. Die resepteboek bevat resepte wat so maklik is dat selfs Karlien dit kan maak.
Publikasiedatum: 2019-09-10
Klik om te vergroot
Klik om te vergroot

13

9780798179935

Nie-fiksie / Non-fiction: Biografie & Outobiografie / Biography & Autobiography

Nie-fiksie / Non-fiction  -  Biografie & Outobiografie / Biography & Autobiography
R 280
R 224Jy spaar R 56
Met hierdie unieke boek vertel Nataniël die verhaal van 'n kindertyd in drie klein dorpies en een groot voorstad, 'n era waartydens reëls blindelings gevolg is en oor 'n jong seun met 'n oorweldigende vrees vir die gewone. Kyk na my is Nataniël se eerste volwaardige memoir.
Publikasiedatum: 2019-09-12
Klik om te vergroot
Klik om te vergroot

14

9780799396546

Fiksie: Romans

Fiksie  -  Romans
R 285
R 228Jy spaar R 57
Twee vriendinne, twee moeë huwelike en die helende krag van susterskap.

Toe Claire die krat met leë drankbottels ontdek, skiet haar gemoed vol. Sy is tot sterwens toe moeg vir haar man se drinkery en verlaat hom tydelik deur te ontsnap na haar huis by die see. Aan die ander kant dra sy swaar aan haar aandeel aan Kris se probleem. Dit grief haar dat haar man so pateties afhanklik geword het van drank en dat dit veroorsaak dat selfs sy waardigheid in die slag bly. Die ergste is sy ontkenning van die probleem en dat hy halsstarrig op 'n pad van selfvernietiging is.

Daarenteen weifel Wanda by haar eie vurk in die pad. Net toe sy dink Sephus het sy ou streke laat staan, steek dit weer kop uit en moet sy uit noodweer optree om dinge stil te hou want die dorp is klein. Sy ken haar man en sy beheer oor haar. Hy maak haar sag om haar lojaliteit te koop, maar sy is gekonfyt daarin om hom te paai en sy onbeheersde woedebuie te temper, hoewel dit nou so geëskaleer het dat dit onhoudbaar is.
Beide vriendinne sukkel om emosioneel kop bo water te hou, maar daar is troos in susterskap.
Publikasiedatum: 2019-08-27
Klik om te vergroot
Klik om te vergroot

15

9780798179096

Fiksie: Romans

Fiksie  -  Romans
R 310
R 248Jy spaar R 62
Selfs 'n wingerdloot het 'n stamboom van oorsprong.

Een Sondagmiddag in die herfs van 1916 kom 'n driejarige uit Vredenhoek se wingerd die Erasmus-familie se binnekring ingestap. Niemand herken hom nie. Die kind kan self nie sê waar hy vandaan kom nie. En dié wat weet, wil nie praat nie. So bly dit vir twintig jaar lank. Altyddeur smag Laurens Erasmus om te weet wie hy werklik is. Nie eers die buurdogter, Carijn den Hagen wat daardie eerste dag in die wingerd haar hand na hom uitgesteek het, kan hom help nie. En dan met die uitbreek van die Tweede Wêreldoorlog verander alles. Dit gooi lewens omver. Vir sommige beteken dit die einde. Vir ander maak dit deure oop.

'n Bekoorlike verhoudingsroman met 'n digverweefde historiese intrige. Geskryf deur die skrywer van Somersneeu (gekortlys vir die ATKV-liefdesromansprys, 2010) en Debora gaan huis toe (gekortlys vir die ATKV-liefdesromanprys, 2018).
Publikasiedatum: 2019-07-09

© All Rights Reserved 2018
A Product of CEIT Development
Koop Afrikaanse en Engelse boeke aanlyn en spaar tot 20% op Nuwe Vrystellings, Topverkopers en Engelse algemene publikasies. Graffiti vir nuwe boeke, topverkopers, opvoedkundige boeke, Christelike boeke en winskopies. Kry ook jou Moleskine Joernaal hier teen 20% afslag.Buy Afrikaans and English books online and save up to 20% on Afrikaans New Releases and Bestsellers, as well as on English general publications. Graffiti for new releases, bestsellers, Christian books, educational books and bargains. Stockist of Moleskine Journals.