Soek resultate: Bernette Bergenthuin

Results 1 to 5 of 5
Gesorteer volgens:  Publikasiedatum
Klik om te vergroot
Klik om te vergroot
9780799378566

Fiksie: Liefdesromans

R 240
Vida se beste vriend staan uiteindelik op trou. Maar as hy hom lewenslank wil opsaal met 'n meisie wat in alle opsigte die Barbie-model 'n treetjie voor is, is dit sy saak. Dit is wel hinderlik dat sy as 'best woman' 'n tuxedo-aandrok moet dra en alles wat daarmee saamgaan om die verloofde gelukkig te hou. Ook die feit dat hulle haar met die verloofde se broer wil afpaar. Maar net vir die troue en net vir haar beste vriend is dit ook seker nie te veel gevra nie. En die man is regtig 'n vangs, as sy nou eerlik wil wees.

Terwyl haar beroepslewe as argitek ook 'n onverwagte trap of twee styg en sy daarmee probeer tred hou, doem ander komplikasies op: haar ewig onvergenoegde ma, haar immer swerwende pa, ongeoorloofde affairs begin aan die orde van die dag lyk, 'n ramparty haak ampertjies uit en 'n naweek in die Bosveld het rampspoedige gevolge.

As daar ooit 'n moontlikheid was dat Vida se beste vriend eintlik die liefde van haar lewe is, is dit nou te laat. Die strykkwartet speel al die troumars, letterlik. En Vida se sin vir humor is meestal al wat haar staande hou.
Publikasiedatum: 2016-04-01
Klik om te vergroot
Klik om te vergroot
9780799371291

Fiksie: Liefdesromans

R 120
Eendag, lank gelede toe klokbroeke soos kleefplastiek aan ordentlike jong mans se lywe geklou het en Abba Springbokradio aan die brand gesing het, het Boet Beauman die mooie Maria in Barcelona ontmoet. Nou, byna vyf en dertig jaar later, regeer Boet die Beauman sy vrou en die drie pragtige produkte van hul huwelik met 'n arm
wat maklik draai vanuit sy Italiaanse teelmaatskappy se besturende direkteurstoel. Boet wil Beaumans op die JSE laat lys en elke Beauman is nodig om die maatskappy op die spreekwoordelike kaart te vestig. 'n Slegter tyd vir 'n affair, 'n internasionale minnespel en 'n onortodokse match-making webtuiste om op die lappe te kom, is daar kwalik. Maar die Beaumanvroue het nie voete van klei nie, hulle loop in stiletto's van staal.
Publikasiedatum: 2014-10-01
Klik om te vergroot
Klik om te vergroot
9780799361537

Fiksie: Liefdesromans

R 240
Die een oomblik kyk die wêreld nog met heldeverering na die blinkleerpunte van CC Veldsman se Christian Louboutins, die volgende oomblik wonder sy of daar 'n mark vir daardie einste skoene op die internet is.

Die wiel draai en hy maal deeglik. Bo wink die liggies van Kaapstad, die polsende stad wieg op maat van haar ritme. Selfs haar kêrel is die volledige pakket en duidelik versot op haar, maar die aarde kom stadig nader: Die resessie maak van haar ontwerpe ou, duur nuus. Onder besef sy haar kêrel het voete van klei en kniëe wat wankel. Prince Albert is dalk die plek waar sy mens geword het, maar sy kan nie eintlik terug nie. Terug is nooit 'n opsie nie. Behalwe as terug die enigste opsie is.

Haar pa se dood ruk CC tot stilstand. Sy testament skud haar fondamente. Dít terwyl haar modehuis besig is om bankrot te speel en die Kaap kwalik 'n toevlugsoord bied. Haar keuses? Skud finaal die Karoostof van haar Louboutins af en vergeet van die hele ou spul. Of gee alles op, foeter áls oor kop terug Karoo toe om bakhand te gaan staan voor haar eksentrieke buurman. Maar as sy dit doen, moet sy nog iets doen wat sy altyd gesweer het nooit onder haar ontwerperspotlood gestalte sal kry nie: trourokke! Hoe kry sy dit oor haar hart om 'n rok te skep wat die einde van avontuur en onafhanklikheid vier?

Vanuit die graf dwing haar pa haar demone en skuldgevoelens na die lig en forseer haar om veel dieper in haarself te kyk as wat sy ooit wou.
Om haarself te vind is een ding, maar toe die blas, kunssinnige Karoobuurman met sy sensitiewe hande en reguit blik haar lewe betree, is daar nog groter probleme. Kan sy hom vertrou? Kan sy haarself vertrou? Moet sy regtig álles opgee wat vir haar tot nou belangrik was? Vonke wat spat mag mooi wees, maar in die dorre Karoo word dit 'n vuur wat alles kan verteer.

Als oor kop is die verhaal van 'n jong vrou met 'n ou siel wat gedwing word om eers op haar spore terug te stap na die kern van haar menswees, ook van haar vrouwees. Dan kan sy die uitdagings van werklik voluit lewe in die oë staar.

Glans verdof vinnig en alles wat daarin gebaai het, vergaan ewe gou. In die proses ontdek CC dat 'n mens eers by jouself moet uitkom voordat jy geluk durf najaag.
Publikasiedatum: 2014-02-01
Klik om te vergroot
Klik om te vergroot

Uit druk uit

9780799358438

Fiksie: Liefdesromans

R 215
Amie jaag ná haar ontnugtering huis toe en oorweeg om 'n gerehabiliteerde non of 'n raadvratannie by 'n koerant te word. Maar o, die man wat haar lewe inloop! Bernette se eerste vollengteroman is meesleurende romantiek en heerlike humor.
Publikasiedatum: 2012-10-01
Klik om te vergroot
Klik om te vergroot

Uit druk uit

9780799355277

Fiksie: Romanses

R 75
Sonja het kon dink wat gebeur wanneer 'n gewone joernalis soos sy met 'n nasionale swemheld deurmekaar raak. Dis net dat sy gedink het dis haar hart wat sal breek, nie andersom nie.
Publikasiedatum: 2012-05-01

© All Rights Reserved 2017
A Product of CEIT Development