●●● GRATIS aflewering op bestellings bo R500 in RSA ●●● AFSLAG SLEGS OP AANLYNBESTELLINGS ●●●

Soek resultate: Daniel Hugo

Results 1 to 15 of 54
Gesorteer volgens:  Publikasiedatum
Klik om te vergroot
Klik om te vergroot
9781776190805

Fiksie: Romans

Vertaler: Daniel Hugo
Fiksie  -  Romans
R 320
R 256Jy spaar R 64
In die splitsekonde wat sy met haar eie dood gekonfronteer word, verander alles in Dawn Edelstein se lewe. Sy is op 'n vliegtuig wat skielik gedwing word om 'n noodlanding te doen.
Terwyl sy haar op die ergste voorberei, is haar gedagtes egter nie by haar eggenoot en dogter nie, maar by Wyatt Armstrong - 'n man wat sy 15 jaar gelede in Egipte agtergelaat het. Dawn oorleef die vliegtuigongeluk op wonderbaarlike wyse, maar word daarna deur groot onsekerheid oor haar lewenskeuses gery.

Sy het 'n goeie lewe in Boston saam met haar man en dogter en sy vind vervulling in haar werk as doulah, waar sy sterwende mense help om die oorgang tussen die lewe en die dood te maak. Tog kan sy nie help om te wonder wat geword het van Wyatt en sy werk as argeoloog wat antieke grafkelders opgrawe nie. As jong studente het hulle saam opgrawings gedoen totdat Dawn weens 'n persoonlike krisis terug is na Amerika.

Moet sy terugkeer na haar voorstedelike lewe en haar gesin? Of moet sy na Egipte gaan en die spoke van die verlede finaal in die oë kyk en dalk haar navorsing oor die Boek van twee weë voltooi?

Soos die verhaal ontvou, moet Dawn antwoorde op talle kritiese vrae vind: Wat behels 'n goeie lewe? Wat los ons agter wanneer ons sterf en hoeveel van ons lewenskeuses is ons eie en hoeveel maak die lewe vir ons?
Publikasiedatum: 2020-10-08
Klik om te vergroot
Klik om te vergroot
9781485310211

Fiksie: Poësie

Vertaler: Daniel Hugo
Fiksie  -  Poësie
R 195
R 156Jy spaar R 39
Die Belgiese digter Charlotte van den Broeck het eers haar merk as voordragkunstenaar in Europa gemaak. Met die verskyning van haar eerste poësiebundel Kameleon in 2015 is sy geloof as vernuwende en oorspronklike nuwe stem. Kameleon is 'n reeks op die eerste oogopslag naïewe maar ironiese, speelse en subversiewe gedigte wat 'n meisie se identiteitssoektog na vrouwees kaart. Dit is 'n ontdekking van die lyflike en van taal, en delf deur herinneringe, landskappe en vorms. Van den Broeck se poësie strek van speelsheid tot introspeksie, en onheilspellende verbeelding kenmerk elkeen van dié treffende gedigte.
Publikasiedatum: 2020-10-07
Klik om te vergroot
Klik om te vergroot

11

9780799398083

Kinders: Tieners

Illustreerder: Daniël Hugo
Kinders  -  Tieners
R 200
R 160Jy spaar R 40
Een van die eerste grafiese romans vir tieners in Afrikaans.
Hierdie epiese grafiese roman is gebaseer op Fanie Viljoen se roman The Last Time I Died wat in 2016 deur Ransom Publishing gepubliseer is. Die Swart Kraai het Sam se pa doodgemaak, en nou het hy Sam doodgemaak. Sam is egter nie dood nie. Die dood was die sesde van sy sewe lewens, en nou het hy nog een oorblywende lewe - om terug te kom en Die Swart Kraai dood te maak.
Die meesterlik kreatiewe Daniël Hugo het hierdie boek geïllustreer en lesers met 'n voorliefde vir die kuns van grafiese romans en strokiesprente sal weggeblaas word deur die besondere details van die illustrasies op elke bladsy.
Publikasiedatum: 2020-08-12
Klik om te vergroot
Klik om te vergroot
9781776190003

Fiksie: Romans

Vertaler: Daniel Hugo
Fiksie  -  Romans
R 220
R 198Jy spaar R 22
Nadat hy jare lank wreed verbaal en fisiek deur klasmaats geboelie is, knak die 17-jarige Peter Houghton een oggend. Binne slegs neëntien minute sterf tien inwoners van die dorp Sterling in Amerika.

Die geskokte gemeenskap is vasberade dat geregtigheid moet geskied. Soos die hofsaak ontvou en Peter getuienis lewer, kom dit egter aan die lig dat die inwoners van Sterling 'n rol daarin gespeel het om 'n innemende, liefdevolle seun in 'n massamoordenaar te laat verander.

In 'n era waarin boeliegedrag toenemend 'n probleem is, hou hierdie meesleurende boek talle insigte in vir ouers, onderwysers en tieners.
Publikasiedatum: 2020-07-07
Klik om te vergroot
Klik om te vergroot
9781485307662

Fiksie: Romans

Vertaler: Daniel Hugo
Fiksie  -  Romans
R 395
R 356Jy spaar R 39
Die verdriet van België omvat die tydperk 1939-1947: vrede, oorlog, vrede. Louis Seynaeve is elf jaar oud en 'n leerling aan 'n Katolieke kosskool waar die nonne sy lewe regeer. Verwarring, hunkering en bedrog vorm sy jeugjare in die skoot van 'n kleurryke en verbysterende familie.

Die Vlaamse lewenswyse in hierdie historiese krisisperiode van oorlog, kollaborasie en oorlewing word deur Hugo Claus in 'n stroom van groteske en ontroerende verhale opgeroep. Dit is 'n komplekse en meesleurende roman.

Daniel Hugo se vertaling gee die Afrikaanse leser toegang tot Claus se belangrikste boek en een van die hoogtepunte van die twintigste-eeuse Nederlandstalige letterkunde.
Publikasiedatum: 2020-06-02
Klik om te vergroot
Klik om te vergroot
9780994715999

Nie-fiksie / Non-fiction: Biografie & Outobiografie / Biography & Autobiography

Nie-fiksie / Non-fiction  -  Biografie & Outobiografie / Biography & Autobiography
R 310
R 279Jy spaar R 31
Johann de Lange 60: 'n Huldiging vereer die enigste digter van die sogenaamde Tagtigers wat
met die Hertzogprys bekroon is. Dié meesterlike skrywer slaag met sy digkuns daarin om verhelderend te skryf oor gay-seksualiteit en 'n nuwe wêreld deur sy natuurgedigte te open. De Lange
is 'n veelkantige woordkunstenaar wat ook in ander genres sy vaardigheid en vakmanskap toon.
Hy het twee kortverhaalbundels en 'n dagboek op sy kerfstok. Voorts is hy bekend as bloemleser,
redakteur, kritikus en vertaler.
Dié bundel bevat bydraes deur tien vooraanstaande Afrikaanse skrywers, akademici en letterkundiges, onder wie Daniel Hugo, Erika Terblanche, Antjie Krog, Joan Hambidge en Bernard
Odendaal.
Publikasiedatum: 2019-10-01
Klik om te vergroot
Klik om te vergroot
9781485307679

Fiksie: Romans

Vertaler: Daniel Hugo
Fiksie  -  Romans
R 225
R 203Jy spaar R 22
Ons sweer saam: Ek gaan haar 'n papierlewe gee, of nog beter: 'n nuwe lewe. 'n Lewe waarin sy weer maklik kan loop, haar lippe rooi maak, wye rokke dra of haar vuurbestande baadjiepakke. Ek wil 'n dansende moeder uitbeeld, 'n vegtende moeder. Die sterk vrou van my jeug.
“Ek kry 'n lewe by,” - sy grom tevrede - “maar ek wil wel iets in ruil hê.”
“Ek sal al jou inkopies doen, die kombuisvloer mop …”
“Pille. Jy kry 'n storie, ek 'n pil.”

Ná 'n lang lewe van swye en uitsluiting begin 'n moeder skielik met haar seun praat - aarselende ontboesemings oor grensoorskrydende liefde, verraad en drie oorloë. Hy, 'n romanskrywer, mag haar biograaf word, maar daar is 'n voorwaarde: Hy moet haar 'n sagte dood besorg.

Ek kom terug is 'n tragikomedie oor die onstuimige lewe van 'n vrou wat terugkyk op haar eeu.
Publikasiedatum: 2018-10-12
Klik om te vergroot
Klik om te vergroot
9781485307112

Fiksie: Romans

Vertaler: Daniel Hugo
Fiksie  -  Romans
R 225
R 203Jy spaar R 22
In Die helaasheid van die dinge keer die skrywer terug na sy geboortedorp in Vlaandere. Ons maak kennis met die pa wat trots op sy fiets van kroeg tot kroeg ry om sy pasgebore seun vir sy drinkebroers te wys, met die ouma wie se nagrus alte dikwels deur die polisie versteur word as hulle een van haar dronk seuns huis toe bring, en met die werklose ooms wat meer belangstel in 'n suipwedstryd as in 'n deugsame lewe.

Dimitri Verhulst se Die helaasheid van die dinge is sowel 'n pragtige ode aan as 'n skreeusnaakse afrekening met die dorp van sy jeug.

“Hy is een van die grootste en wildste talente in die Vlaamse letterkunde … 'n Groot stilis, met 'n genadelose kyk op sake.”
NRC Handelsblad
Publikasiedatum: 2018-09-30
Klik om te vergroot
Klik om te vergroot
9781928426073

Fiksie: Poësie

Fiksie  -  Poësie
R 175
R 158Jy spaar R 17
Openbare Domein is Daniel Hugo se vyftiende digbundel. Hierdie is toeganklike gedigte vir gewone lesers en letterkundiges.
Hugo geniet wye mediadekking as digter, vertaler, resensent, rubriekskrywer, radiovoorleser en openbare onderhoudvoerder.
Hugo is een van Afrikaans se voorste en gewildste digters. Hy is ook een van die bekendste radiostemme in die land
Publikasiedatum: 2018-03-15
Klik om te vergroot
Klik om te vergroot
9781485307532

Nie-fiksie / Non-fiction: Politiek & Geskiedenis Suid Africa / History & Politics South Africa

Vertaler: Daniel Hugo
Nie-fiksie / Non-fiction  -  Politiek & Geskiedenis Suid Africa / History & Politics South Africa
R 265
R 239Jy spaar R 26
As negentienjarige ryloper in Spanje beland Frank Westerman toevallig in die dorpie Banyoles, waar 'n opgestopte “Kalahari-Boesman”, slegs bekend as El Negro, uitgestal word. Sy indrukke bly hom by - en wanneer hy dekades later weer van El Negro lees, dié keer in 'n Franse koerant, is dit die begin van 'n ondersoeksreis wat belangrike vrae oor rasopvattings en die Westerse beskawing na vore bring. Wie was hierdie naamlose man? Wat sê sy opgestopte “museumteenwoordigheid” oor Europese denke oor slawerny, rassisme en kolonialisme - en bied hy slegs 'n spieël op 'n vergange tyd, of ook op die hede?

OOR DIE OUTEUR
Frank Westerman (gebore 1964) was aanvanklik 'n buitelandse korrespondent vir die Nederlandse de Volkskrant en NRC Handelsblad voordat hy sy deurbraak as skrywer gemaak het. El negro en ik is in 2004 met die Vlaamse Gouden Uil Literatuurprijs bekroon terwyl Ararat (2007) genomineer is vir die eerste Ryszard Kapuscinski-prys, Pole se toptoekenning vir literêre verslaggewing. Met meer as veertig vertaalde titels in sestien tale, kan Westerman met reg as een van Nederland se suksesvolste outeurs in die buiteland beskou word.
Publikasiedatum: 2017-11-30
Klik om te vergroot
Klik om te vergroot
9781485307808

Nie-fiksie / Non-fiction: Reis, Kaarte & Toerisme / Travel, Guides & Maps

Vertaler: Daniel Hugo
Nie-fiksie / Non-fiction  -  Reis, Kaarte & Toerisme / Travel, Guides & Maps
R 265
R 239Jy spaar R 26
Bart de Graaff is 'n Nederlandse historikus en joernalis wat 'n besonderse belangstelling in die Suid-Afrikaanse politiek en kultuur het. In 2015 en 2016 het hy verskeie besoeke aan Suid-Afrika en Namibië gebring. Sy oogmerk was om die nasate van die Khoi-Khoin, synde die eerste “ware mense” van die subkontinent, op te spoor, en aan die woord te stel. Hierdie boek is die resultaat van sy onderhoude.
De Graaff kontekstualiseer nie net die geskiedenis van die Khoi-Khoin en haar vele vertakkings nie, maar stel ook bepaalde eietydse leiersfigure in die onderskeie gemeenskappe aan die woord. Daarvolgens word die historiese kyk na legendariese kapteins soos die Korannas se Goliat Yzerbek, die Griekwas se Adam Kok, die Basters se Dirk Vilander, Abraham Swartbooi van die Namas en Frederik Vleermuis van die Oorlams afgewissel met De Graaff se persoonlike reisindrukke en die talle gesprekke wat hy met die waarskynlike nasate van bogenoemde leiers gehad het.
In sy onopgesmukte skryfstyl, vol deernis en humor, vertel De Graaff van hierdie ontmoetings en gesprekke en algaande kom die leser onder die indruk van die sistemiese geweld wat teen die Khoi-Khoin oor soveel eeue heen gepleeg is. Dit is 'n belangrike boek wat die geskiedenis en huidige stand van die bruin mense onder hulle landsgenote se aandag bring.
Publikasiedatum: 2017-10-03
Klik om te vergroot
Klik om te vergroot
9781869193171

Kinders: Versamelbundels

Vertaler: Daniel Hugo
Kinders  -  Versamelbundels
R 150
R 135Jy spaar R 15
Richard Scarry is wêreldwyd een van die gewildste illustreerders van kinderboeke. In hierdie versameling verras hy met 'n sprankelende kyk op vyftig klassieke kleuterryme. Daniel Hugo se vertalings van ou bekendes soos 'Little Miss Muffet', 'Simple Simon', 'Old Mother Hubbard' en 'Georgie Porgie' gee hulle 'n onverwagse nuwe lewe in Afrikaans.
Publikasiedatum: 2017-08-01
Klik om te vergroot
Klik om te vergroot
9781868427338

Fiksie: Romans

Vertaler: Daniel Hugo
Fiksie  -  Romans
R 290
R 261Jy spaar R 29
'n Familie bevind homself in twee geskeur wanneer hulle by die Anglo-Boereoorlog betrek word en 'n Boereseun teen sy Britse neef moet gaan baklei. Met die uitbreek van die oorlog word liefdes- en vriendskapsbande wat op die Transvaalse bosveld en in die sitkamers van Victoriaanse Engeland gesmee is, op die slagvelde van Suid-Afrika getoets.
Wanneer die eerste fase van die oorlog oorgaan in die guerrillafase en die vernietigende verskroeideaardebeleid geïmplementeer word, moet die twee nefies en hul sibbe moeilike keuses maak en alles op die spel plaas.
Wintersrust is 'n bruisende verhaal vol hartstog en avontuur. Dit handel oor individue wat worstel met magte buite hul beheer. Sommige word deur wanhoop oorweldig en oorleef nie. Ander kom uiteindelik by vrede en vergifnis uit. Ondanks hul woede en gevoel van verontregting ontdek die familie 'n mag wat sterker as die oorlog is.
Publikasiedatum: 2017-05-01
Klik om te vergroot
Klik om te vergroot
9781485306108

Fiksie: Romans

Vertaler: Daniel Hugo
Fiksie  -  Romans
R 285
R 257Jy spaar R 28
Kort voor sy dood in die 1980's gee Stefan Hertmans se oupa aan sy kleinseun 'n paar volgeskrewe ou dagboekies. Jare lank durf Hertmans dit nie oopmaak en lees nie - tot op 'n dag dat hy dit wel doen en meer as een geheim daarin ontdek. Hy lees van sy oupa se armoedige kinderjare in Gent voor 1900, van sy gruwelike ervarings as frontsoldaat in die Eerste Wêreldoorlog en 'n vroeg gestorwe groot liefde. Ná die oorlog sit sy oupa sy lewe voort deur sy verdriet te probeer wegskilder. Stefan Hertmans se jare lange fassinasie met sy oupa se lewe bring hom uiteindelik tot die skryf van hierdie roman.

OOR DIE OUTEUR
Stefan Hertmans (1951) publiseer verhale, essays en 'n groot aantal digbundels. In 1995 ontvang hy die Driejaarlikse Prys van die Vlaamse Gemeenskap vir die digbundel Muziek voor de overtocht (1995). Sy roman Naar Merelbeke word genomineer vir die Libris Literatuur Prijs, die roman Gestolde wolken word bekroon met die Multatuli-prys en Als op de eerste dag kry die F. Bordewijk-prys.
Publikasiedatum: 2016-09-01
Klik om te vergroot
Klik om te vergroot
9781485304487

Kinders: Ouderdomsgroep 6 - 9

Vertaler: Daniel Hugo
Illustreerder: Carl Hollander
Kinders  -  Ouderdomsgroep 6 - 9
R 295
R 266Jy spaar R 29
Die Klein Kaptein is 'n kêreltjie wat met 'n skoorsteenpyp, 'n sinkbad, 'n stoelpoot en 'n fietsketting sy skip die 'Nooitlek' weer seevaardig maak. Wanneer die skroef, gemaak van gesmelte bronsmunte, ook klaar is, skep 'n groot brander die skip van die hoë duin af waar dit gestrand het. Die avontuurlike tog van die 'Nooitlek' met die Klein Kaptein en sy kamerade Dik Druif, Marinka en Bang Tonie kan nou begin. Hulle vaar oor die oseane, kom by vreemde lande aan en trotseer talle gevare.
Al drie dele van die Klein Kaptein se wêreldreis is hier in een band gebundel, met illustrasies in volkleur deur Carl Hollander.

OOR DIE OUTEUR
Paul Biegel (25 Maart 1925, Bussum - 21 Oktober 2006, Laren) was 'n beroemde Nederlandse kinderboekskrywer. Sy bekronings sluit in: die Nederlandse Staatsprys vir Kinder- en Jeugliteratuur (1973), die Woutertje Pieterse-prys (1991: Anderland en 2000: Laatste verhalen van de eeuw), die Nienke van Hichtum-prys (1973: De twaalf rovers), die Gouden Griffel (1965: Het sleutelkruid; 1972: De kleine kapitein en 1993: Nachtverhaal) en die Zilveren Griffel (1972: De twaalf rovers; 1974: Het olifantenfeest; 1982: Haas en 1988: De rode prinses). In 1996 is hy benoem vir die Hans Christian Andersen-prys en in 1999 is hy uitgeroep tot Ridder in die Orde van die Nederlandse Leeu. Die Rooi Prinses (Protea 2015), met illustrasies deur Fiel van der Veen, is ook in Afrikaans beskikbaar.
Publikasiedatum: 2016-06-01

© All Rights Reserved 2018
A Product of CEIT Development
Koop Afrikaanse en Engelse boeke aanlyn en spaar tot 20% op Nuwe Vrystellings, Topverkopers en Engelse algemene publikasies. Graffiti vir nuwe boeke, topverkopers, opvoedkundige boeke, Christelike boeke en winskopies. Kry ook jou Moleskine Joernaal hier teen 20% afslag.Buy Afrikaans and English books online and save up to 20% on Afrikaans New Releases and Bestsellers, as well as on English general publications. Graffiti for new releases, bestsellers, Christian books, educational books and bargains. Stockist of Moleskine Journals.