●●● GRATIS aflewering op bestellings bo R450 in RSA ●●●

Fiksie
Christelik

Results 1 to 15 of 47
Gesorteer volgens:  Titel
Klik om te vergroot
Klik om te vergroot
9781868297160

Fiksie: Christelik

Fiksie  -  Christelik
R 190
R 171Jy spaar R 19
In hierdie aangrypen­de roman, boek 2 in die die Merk van die leeu-reeks, neem Francine Rivers lesers terug na 'n ander tyd en kultuur, en tóg her­­ken ons onsself, ons ge­liefdes en ons wêreld in die blad­sye van hierdie boek. Die hand van God is duidelik sig­baar in die verhaal van Hadassa en Mar­kus soos die evan­gelie van Jesus Christus ontvou en Hy sy men­se be­mag­tig om die wêreldse dinge te oorwin.
'n Eggo in die duisternis is 'n getuienis van die liefde. Dit is 'n boeiende verhaal wat in eg menslike terme weergegee word. Dit vertel van Hadassa se getrouheid aan haar Verlosser en Markus se soeke na God. Die boek spreek tot elke leser omdat hulle kan identi­fiseer met hierdie twee karakters se wors­te­ling rondom hulle geloof en hulle liefde vir mekaar. In hierdie verhaal sal lesers opnuut ontdek wat dit bete­ken om na God se stem te luister.
Publikasiedatum: 2006-05-30
Klik om te vergroot
Klik om te vergroot
9781431620579

Fiksie: Christelik

Fiksie  -  Christelik
R 230
R 207Jy spaar R 23
Lidia is die dogter van 'n purperhandelaar. Haar hele wêreld draai om drie dinge: haar pa, die grond van haar voorgeslagte en die pers kleurmiddel. Dan verloor sy bykans alles deur ondraaglike verraad.

Met net haar pa se geheime formules vlug Lidia na Filippi en werp alles in die stryd om haar eie besigheid te vestig. Volharding en mense wat sy onverwags op haar pad leer ken, help haar om een van die stad se beste purperhandelaars te word.

Maar vrees skuil in elke skadu, totdat Lidia die apostel Paulus ontmoet en sy boodskap van hoop hoor en só die eerste Christen in die hele Europa word. Tog kan Lidia nie haar geheime vir ewig begrawe hou nie. Wanneer verlede en hede mekaar ontmoet, moet sy kies om óf sterk te staan en op haar jong geloof te vertrou óf te swig voor die vrees wat haar lewe nog altyd oorheers het.
Publikasiedatum: 2018-11-01
Klik om te vergroot
Klik om te vergroot
9781431622894

Fiksie: Christelik

Fiksie  -  Christelik
R 220
R 198Jy spaar R 22
'n Aangrypende verhaal van 'n soeke na aanvaarding en liefde
Sewe jaar gelede is Moriyah in Jerigo gevange geneem en met die merk van die Kanaänitiese gode gebrandmerk. En slegs nadat die Israeliete uiteindelik vrede in hulle land ervaar, sukkel Moriyah nog om haar eie vrede te vind. As gevolg van die skandmerk op haar gesig, kruip sy agter haar sluier weg. Die mense in die dorp behandel haar met veragting en daar is geen voooruitsigte vir 'n huwelik nie ..... of is daar?

Wanneer haar pa 'n wewenaar vind wat 'n ma vir sy twee seuns wil hê, is daar nuwe hoop vir Moriyah en sy hoop haar liefde vir kook sal die wewenaar en sy seuns beïndruk. Maar wanneer dinge vreeslik skeefloop, moet Moriyah vlug vir haar lewe. Sy gaan soek skuiling in een van die nuwe Levitiese asielstede, maar sy is glad nie voorbereid op die gevare en vyande - en onverwagte bondgenote - wat sy langs die pad teëkom nie.
Publikasiedatum: 2019-11-01
Klik om te vergroot
Klik om te vergroot
9781431616596

Fiksie: Christelik

Fiksie  -  Christelik
R 150
R 135Jy spaar R 15
Voordat Christus haar aangespreek het as 'my dogter', voor sy genesing gesteel het deur aan die punt van sy kleed te raak, was sy 'n vrou met 'n hart wat gebloei het ...
Elianna word as jong meisie verteer deur skuldgevoelens. Haar enigste boetie sterf terwyl sý na hom moes kyk. Sy probeer vergifnis verdien deur haar werk in haar pa se materiaal-besigheid en deur vir die gesin te sorg. Ná nog 'n tragedie is Elianna in beheer van die besigheid en haar taÂ-lent as ontwerper bring groot sukses, maar nooit die vrede waarna sy hunker nie. Wanneer haar wêreld aan skerwe spat, verbreek sy haar verlowing aan die enigste man wat sy ooit sal liefhê. Dan kom die hartverskeurende siekte wat haar isoleer en alles wat sy oorgehad het van haar af wegÂ-vat.
In Tessa Afshar se 'n Nuwe môre lyk dit vir Elianna of daar geen einde aan haar lyding is nie. Dan hoor sy van die Man wat deur blote aanraking genesing kan bring. Is dit moontlik vir een Man om ná soveel jare van lyding en teÂ-leurstelling die wonde van die liggaam én die siel te genees?
Publikasiedatum: 2017-04-01
Klik om te vergroot
Klik om te vergroot
9781431619481

Fiksie: Christelik

Fiksie  -  Christelik
R 250
R 225Jy spaar R 25
Sallie Riehl droom nog altyd daarvan om ten minste een keer te reis voordat sy by die kerk aansluit. Daarom is sy in ekstase toe sy die geleentheid kry om dié somer as 'n kinderoppasser vir 'n welgestelde familie in Cape May te gaan werk. Maar selfs al moet sy slegs tydelik van haar ouerhuis in Paradise afskeid neem, beteken dit dat sy haar doop met nog 'n jaar sal moet uitstel en dat sy die man met wie sy veronderstel is om uit te gaan, moet agterlaat.

Die weke wat sy in Cape May deurbring, is onvergeetlik - deels weens Kevin, 'n jong Mennonitiese man wie se vriendskap sy gou begin koester. Het sy oorhaastig beloftes gemaak, of sal sy slegs by die huis kry wat sy die meeste begeer?
Publikasiedatum: 2018-11-01
Klik om te vergroot
Klik om te vergroot
9781415338902

Fiksie: Christelik

Fiksie  -  Christelik
R 200
R 180Jy spaar R 20
'n Oomblik in tyd is 'n verhaal oor die nuanses van godsdiensvryheid en die betekenis van geloof in vandag se kultuur.

Van New York Times-topverkoperskrywer Karen Kingsbury kom 'n splinternuwe Baxterfamilie-roman oor 'n geliefde skoolhoof wat 'n Bybelstudieklub begin om die lewens van sy sukkelende leerlinge te verbeter. Dit het egter tot gevolg dat hy die nasionale fokus van 'n omstrede regsgeding word.

Hamilton Hoërskool se skoolhoof, Wendell Quinn, is moeg vir die dwelmmisbruik, tienerswangerskappe, geweld, en lae verwagtings by sy skool. Quinn is 'n Christen en gesinsman, en wil verandering in sy gemeenskap sien. Daarom begin hy 'n vrywillige naskoolse Bybelstudieprogram, ten spyte daarvan dat dit sy werk in gevaar kan stel. Die hoë bywoning by elke byeenkoms moedig hom egter aan om voort te gaan. Dis duidelik dat die program werk - totdat een ouer die pers daarvan in kennis stel. Nou staan Quinn voor 'n regsgeding wat alles kan verwoes, en moet hy kies: Gaan hy toegee en die program stop, of gaan hy opstaan vir wat hy glo reg is.

Hierdie stryd kom met 'n hoë prys, en daar is net een prokureur wat Quinn aan sy kant wil hê: Luke Baxter.
Publikasiedatum: 2018-06-01
Klik om te vergroot
Klik om te vergroot
9780796321084

Fiksie: Christelik

Fiksie  -  Christelik
R 210
R 189Jy spaar R 21
Hoe begin jy van voor af as jy al jou besittings verloor, daarmee saam jou status in die gemeenskap, jou vriendekring en byna jou geloof?


Ná 'n wrede plaasaanval verkoop Altus en Tessa Heyns die familieplaas en trek stad toe. Aanvanklik het Altus 'n besigheid wat veevoer en ander boerderybenodigdhede verskaf. Later neem hy 'n vennoot in en begin 'n ruitertuigbesigheid. Vir 'n ruk lank gaan dit goed, maar later moet Altus dit waag dit om naas ruitertuig steeds ook veevoer in en uit te voer. Die een ramp na die ander tref hom en sy versekering moet groot bedrae uitbetaal vir skeepsvragte wat óf sink, óf besmet is en by doane afgekeur word. Met 'n skok ontdek hy dat Drikus hom besteel. Skuld hoop op nadat hy reeds verbande op sy huis en kleinhoewe geneem het om die besigheid se begroting te laat klop. Dit gaan so sleg met dat die besigheid onder sekwestrasie geplaas word, maar hy skop vas, verkoop sy kleinhoewe en leen nog geld teen hoë rentekoerse.

Van dit als weet Tessa niks. Altus raak toenemend gespanne, kom laat van die werk af en onttrek hom van haar en hul seuns. Dit gaan sleg. Die tuiewinkel brand af, nalatigheid word vermoed, die versekering wil nie betaal nie, nog 'n vrag voer word afgekeur en die bank dreig om die huis terug te neem. Alles word te veel en Altus speel oop kaarte met Tessa. Nie net sekwestrasie nie, bankrotskap is sy voorland. Die karre, die huis en die inhoud moet alles opgeveil word om hom uit die tronk te hou. Hulle besluit om ook die seehuis in Hermanus in die mark te sit en gaan vir oulaas vakansie hou.

Die geskinder raak ondraaglik, selfs by die kerk word hulle skeef aangekyk of oordrewe vertroos. Altus wat a.g.v. rumatiekkoors as kind hartprobleme ondervind het, word siek en stort ineen. Die balju slaan toe en Tessa en die seuns staan alleen a.g.v. Altus se siekte. Haar beste vriendin Elaine Theunissen en dié se vervreemde man dr. Gerhard Theunissen, staan hulle by. As troos bring sy ook vir dominee Dieter saam. Toe die gemeente betrokke raak, stroom hulp van alle kant af in en word daar ook vir die gesin gratis huisvesting aangebied, in 'n tuinwoonstel omring deur 'n pragtige tuin. Dit lyk of alles miskien kan uitwerk, maar Tessa kry die skok van haar lewe toe sy teruggaan om vir laas deur haar huis te loop.
Publikasiedatum: 2018-09-12
Klik om te vergroot
Klik om te vergroot
9780620795944

Fiksie: Christelik

Fiksie  -  Christelik
R 250
R 225Jy spaar R 25
Dis Paasgebeure nuur aangebied uit die Paasgebeure soos ons dit in die Bybel lees.
Die hele Paasverhaal word saamgevat en uitmekaargehaal tot een groot gehee!
Jopie het die verhaal soos ons dit in die Evangelie lees chronologird laat saamloop terwyl hy die karakters waarvan ons soms net met ;n naaam van kennis neem, laat opstaan en lewe het.
Simon die Malaatse se verontwaardiging omdat sy belangrikheid nie in ag geneem word nie, Judas iskariot se moeder se naakte rou oor haar seun se verraad en selfdood, Annas se stryd met die Jesus-Waarheid en Pontius Pilatus se vrou se invloed is van die mense wat ons eerstehands leer ken.
Publikasiedatum: 2019-09-13
Klik om te vergroot
Klik om te vergroot
9780796320520

Fiksie: Christelik

Fiksie  -  Christelik
R 220
R 198Jy spaar R 22
Die oorlog dreig terwyl Mispa en Elim se mense ook die hart se stryd moet besleg. Daniël met sy horrelvoet en sy ongeneeslike begeerte na die meisie wat hom verraai het, het die goeie weg gekies, waarvoor hy liefde van sy vrou Anna ontvang. Anna, die verstandige, sy wat so begeer dat haar man net moet sê hy het haar lief ... Op daardie pynlike aand voor die mans oorlog toe vertrek, weet geliefdes wat mekaar dalk nooit weer sal sien nie net dit: God sal sy kinders seën, hulle wat naby Hom bly.
Publikasiedatum: 2018-02-26
Klik om te vergroot
Klik om te vergroot
9781432204891

Fiksie: Christelik

Fiksie  -  Christelik
R 124
R 112Jy spaar R 12
Lukas Malherbe is jou tipiese 'verlore seun'. Ontnugter deur die besef dat hy nie 'n toekoms op die familiewynplaas het nie, vra hy sy erfporsie by sy pa en vat die pad na die Groot Stad - die plek van Groot Kanse en Groot Geld.

Hy het 'n aanvoeling vir die finansiële markte, en vir poker, waaraan die verleidelike Claire hom bekend stel. Sy winste met beide is groot. Maar hoe lank gaan sy geluk met geld en kaarte - en vroue - hou?

Want daar is ook Linda, die besadigde een, wat hom nie alles vertel nie. Wat gaan haar rol in sy lewe wees?

En wie gaan seerkry as gevolg van sy dwase besluite?

Die verhaal is oorbekend; die tragedie en verlies is rou vir elke nuwe gesin wat dit beleef. Meer as een seun of dogter verlaat die huis en beland op die verkeerde pad. Vir baie is daar 'n pa en 'n ma na wie hulle kan teruggaan; iemand wat sal sê: 'Jy is ons kind.' Vir talle ander is daar nie.

Maar vir almal is daar hulle hemelse Pa wat altyd in die pad afgehardloop sal kom om hulle terug te verwelkom.

Bloedband is gegrond op die draaiboek deur Japie Teunissen en Lida Meyer vir die Engelse film, Bond of Blood.
Publikasiedatum: 2015-09-01
Klik om te vergroot
Klik om te vergroot
9780796321176

Fiksie: Christelik

Fiksie  -  Christelik
R 275
R 248Jy spaar R 27
Beroepsgerigtheid, kinderloosheid en 'n huwelik op die rand van egskeiding is nie die enigste beproewing op Jennifer se pad nie. 'n Donker geheim van bejaardemishandeling word oopgevlek toe Jennifer terugvlieg Suid-Afrika toe om onder andere 'n bietjie tyd saam met haar pa deur te bring. En dit aan die hand van iemand wat die naaste aan hom moet wees. Terwyl sy haar pa se geknakte lewe probeer herstel, besef sy ook hoe stukkend haar eie lewe is en dit vra moed en geloof om dit wat verlore gegaan het in haar lewe te probeer herwin. In hierdie proses leer sy wat dit beteken om deur water en vuur gelouter te word en hoe groot die genade is. Combrinck se debuutroman loop nie net die pad van verlies en genesing nie, dit bevat ook 'n spannende avontuurverhaal en 'n liefdesverhaal - 'n sonderlinge kombinasie.
Publikasiedatum: 2018-08-16
Klik om te vergroot
Klik om te vergroot
9781868299621

Fiksie: Christelik

Fiksie  -  Christelik
R 250
R 225Jy spaar R 25
Die vroue in die geslagsregister van Jesus Christus was dapper, het risiko's geneem en die onverwagte gedoen. Hulle was nie perfek nie, en tog het God hulle in sy wonderlike plan gebruik om die Verlosser van die wereld voort te bring. Ons leef in moeilike tye en soek antwoorde op miljoene vrae. Hierdie vroue kan vir ons die weg wys. Die lesse wat ons by hulle kan leer, is vandag net so toepaslik as in die tyd toe hulle geleef het. Die verhale van die vyf vroue in die geslagsregister van Jesus in nou in een titel beskikbaar. Tamar was 'n vrou van hoop. Ragab een van geloof. Rut was die vrou van liefde en Batseba het ongeewenaarde genade ontvang. En dan is daar Maria, die vrou van gehoorsaamheid. Met die lees van hulle verhale sal jy beter begrip kry vir God se plan met die wereld en tot die besef kom dat hierdie plan ook vir jou insluit.
Publikasiedatum: 2006-05-14
Klik om te vergroot
Klik om te vergroot
9781868294930

Fiksie: Christelik

Fiksie  -  Christelik
R 100
R 90Jy spaar R 10
Terwyl hy herstel van 'n wond wat hy in die Eerste Wêreldoorlog opgedoen het, ontdek 'n soldaat wat in die Midde-Ooste gestasioneer is een van die mees opspraakwekkende argeologiese vondste in eeue. Omstandighede keer egter dat hy dit verder kan ondersoek.
Maar een aand in 1920 maak hy die houtkissie oop en ontdek binne-in 'n stuk perkament, drie spykers en die beendere van 'n man se regterhand. En so ontvou die verhaal van Scipio Martialis, 'n Romeinse soldaat uit Christus se tyd; die verhaal van die man wat vir Jesus Christus gekruisig het.
Hierdie boek voer die leser mee op 'n man se aangrypende reis deur die belangrikste gebeurtenis in die geskiedenis van die wêreld. Skrywer J. Fletcher Ray teken Jerusalem in die eerste eeu na Christus en vertel hoe die geboorte, lewe en dood van Jesus gewone mense deel gemaak het van God se groot plan vir die verlossing van die mensdom. Elkeen wat daardie Vrydag op Golgota was, kon nie anders as om geraak te word deur Jesus se dood nie. Veral nie die Romeinse soldaat wat die spykers in Jesus se hande en voete moes inslaan nie.
Publikasiedatum: 2015-03-01
Klik om te vergroot
Klik om te vergroot
9781431617401

Fiksie: Christelik

Fiksie  -  Christelik
R 300
R 270Jy spaar R 30
Roman Velasco is 'n suksesvolle Los Angeles-kunstenaar wat oënskynlik alles het wat sy hart begeer - ʼn groot herehuis, geld, vroue en roem. Slegs Grace Moore, sy teësinnige nuwe assistent, weet hoe min hy regtig het.
Maar Grace weet nie hoe haar baas in die geheim met sy duiwels stoei nie: deur geboue te teiken as die Bird, 'n berugte maar ongeïdentifiseerde graffiti-kunstenaar - 'n alter ego wat Roman se loopbaan kan verwoes en hom in die tronk kan laat beland.
Soos Roman, worstel Grace ook met spoke en geheime van haar eie. Ná 'n rampspoedige huwelik haar lewe totaal van koers afgegooi het, het sy gesweer dat liefde nooit weer haar drome sal kniehalter nie. Maar soos sy die enigmatiese man agter die reputasie leer ken, is dit asof hulle gebroke stukke stadig inmekaar begin pas ... totdat iets onverwags gebeur wat die loop van hulle verhouding - en albei se lewe - onherroeplik onherroeplik
verander.
Die meesterstuk is ʼn splinternuwe liefdesverhaal deur bekroonde New York Times-topverkoper-outeur Francine Rivers wat jou herinner dat genade selfs die mees gebroke persoon in 'n onvolmaakte tog ongelooflike meesterstuk kan verander.
Publikasiedatum: 2018-01-29
Klik om te vergroot
Klik om te vergroot
9781431614387

Fiksie: Christelik

Fiksie  -  Christelik
R 190
R 171Jy spaar R 19
Gebed is 'n kragtige wapen.

Dit lyk of Tony en Elizabeth Jordan alles het - 'n gerieflike huis en 'n pragtige dogter en loopbane wat blom, maar hulle is heeltyd aan die stry.

Elizabeth ontmoet Clara Williams met die hoop om nog 'n huis as eiendomsagent te verkoop. Elizabeth is egter geamuseerd en ongemaklik wanneer dié bejaarde weduwee vrae begin vra oor haar huwelik en geloof. Dan ontdek Elizabeth Clara se geheime gebedskamer - 'n plek waar sy op haar knieë baklei met die kragtigste wapen ...

Soos die spanning by hulle huis toeneem, besef Elizabeth haar gesin is die moeite werd om voor te veg en dat sy nie hierdie stryd op haar eie kan wen nie. Om in blinde geloof tot God te bly bid vir haar gesin en hulle toekoms, is die enigste uitweg.

Die oorlogskamer is gebaseer op die fliek War Room deur Alex en Stephen Kendrick (die twee vervaardigers van die topverkoper-flieks Fireproof en Courageous). Hierdie roman bevat ook besprekings-vrae en kleurfoto's uit die fliek.

Ook beskikbaar in Engels onder die titel War Room

Oor die Outeur

Chris Fabry is 'n bekroonde skrywer en radiopersoonlikheid. Chris se romans het gesorg vir drie Christy Awards, 'n ECPA Christian Book Award en Christianity Today se Book Award of Merit. Hy het in 1982 gegradueer aan W. Page Pitt School of Journalism by Marshall University. Chris kom oorspronklik van Wes-Virginië en bly nou saam met sy vrou, Andrea, in Arizona. Hulle het nege kinders.
Publikasiedatum: 2015-11-01

© All Rights Reserved 2018
A Product of CEIT Development
Koop Afrikaanse en Engelse boeke aanlyn en spaar tot 20% op Nuwe Vrystellings, Topverkopers en Engelse algemene publikasies. Graffiti vir nuwe boeke, topverkopers, opvoedkundige boeke, Christelike boeke en winskopies. Kry ook jou Moleskine Joernaal hier teen 20% afslag.Buy Afrikaans and English books online and save up to 20% on Afrikaans New Releases and Bestsellers, as well as on English general publications. Graffiti for new releases, bestsellers, Christian books, educational books and bargains. Stockist of Moleskine Journals.