●●● AFSLAG SLEGS OP AANLYNBESTELLINGS ●●●
Klik om te vergroot
Klik om te vergroot
9780796321459

Fiksie: Uitverkoping

Fiksie  -  Uitverkoping
R 210
R 59Jy spaar R 151
Bippie se pad word onderbreek met haar onbeplande swangerskap. Sy maak 'n belofte teenoor die Here - sy sal nie weer 'n man in haar lewe toelaat as hy nie met haar wil trou nie. Maar die man wat skielik al onder haar voete is, Riekert Tredoux. Hy het lankal besluit hy wil nooit trou nie. Toe hy en sy broer klein seuntjies was het sy ma hulle net so gelos en by die voordeur uitgestap. So hy het allerhande issues. Sal Bippie haar belofte gestand kan doen en Riekert wel wil trou?
Publikasiedatum: 2019-06-07
Klik om te vergroot
Klik om te vergroot
9780796321008

Fiksie: Uitverkoping

Fiksie  -  Uitverkoping
R 210
Haar ouma sterf op dieselfde dag wat Reina Sauer se lewe weer eens inmekaar val. Sy skei na 'n kortstondige huwelik met Bert Naudé.

Toe haar ouers albei vyf jaar gelede in 'n motorongeluk oorlede is, was ouma Reina nog daar om te troos, maar hierdie keer moet sy alleen die stukke van haar lewe optel.

Ontwikkelaars kontak haar, hulle het planne om haar ouma se huis op McGregor deel van 'n sekuriteitskompleks te maak. Sy los haar oudhede winkel in Rondebosch in Bippie, 'n student wat oor naweke uithelp, se hande en vertrek na McGregor. Sy wil die verkoop van haar ouma huis so gou as moontlik afhandel sodat sy die res van haar lewe kan uitsorteer.

Maar dinge is nie heeltemal so eenvoudig nie. Wat op aarde maak sy met tant Cora Verwey en tant Trina van Zyl wat skynbaar die afgelope jaar by haar ouma gebly het? En hoe gemaak met oom Fred Bouwer wat elke dag iets in en om die huis kry om reg te maak?

Sy begin die huis opruim en kom in die solder op 'n boks vol briewe af. Met verstomming lees sy hoe haar ouma dit reg gekry het om 'n onmoontlike besluit te neem wat uiteindelik haar kleindogter se lewe moontlik gemaak het.

Iewers langs die pad het sy wat Reina is ophou bid, ophou glo, maar terwyl sy deur haar ouma se lewe blaai, ontdek sy weer haar behoefte aan die Here.

Op 38 is Derek Retief ontnugter, sinies en kwaad. Destyds met matriek agter sy naam, het hy vinnig die stof van die strate van die klein dorpie waar hy grootgeword het, afgeskud. As oudste moes hy help grootmaak aan sy kleiner boeties en sussies. Hy het sy deel gedoen, enige vrou wat begin gesels oor babas en troues, skud hy vinnig af.

Hy wou geld maak, baie geld sodat hy alles kon koop wat hy nog altyd begeer het. En hy was amper daar, amper op 'n plek waar hy hom nooit weer hoef te bekommer oor geld nie toe hy op 'n dag ontdek sy sogenaamde 'vriend' en mededirekteur is land uit met miljoene van sy geld wat oor maande verduister is. En o ja, ook saam, is Margie, die vrou wie hom amper van plan laat verander het omdat hy gedink het hy kan dalk die res van sy lewe saam met haar deurbring.

Hy is vasbeslote om so vinnig as moontlik weer 'n paar nulle by die belegging in sy bank te voeg. Die nuwe ontwikkeling op McGregor gaan daarvoor sorg. Daar is net nog een handtekening wat tussen hom en sy drome staan. Hy het 'n afspraak met die ou dame gehad wie se huis hy sal moet afbreek om sy planne uit te voer, maar sy is ure voor hy opgedaag het, oorlede. Hy kry uiteindelik 'n afspraak met haar kleindogter, maar om 'n handtekening te kry, raak 'n hele missie.
Publikasiedatum: 2018-07-12
Klik om te vergroot
Klik om te vergroot
9780799385403

Fiksie: Uitverkoping

Fiksie  -  Uitverkoping
R 165
R 69Jy spaar R 96
Man van min woorde
Man met 'n missie
Man van sy woord.

Man van min woorde: Hy kan toor met honde en rekenaars, maar as dit by praat kom, verdamp Henri van der Merwe se woorde. Francesca is vasbeslote om deur dié swygsaamheid te breek. Sy begeer een van die Duitse herdershonde wat hy teel, maar sy toets vir eienaarskap dop sy soos 'n klip. En haar selfbeeld is hoeka bitter broos ná die Siebert-episode. Bowendien word haar frustrasie by die dag groter - as sy en haar galery-huis vol kunswerke nie goed genoeg is vir sy honde nie, sal sy in der ewigheid nie goed genoeg wees vir hul baas nie. Want helaas, sy begeer die swygsame Henri mettertyd baie, baie meer as sy lieflike honde.

Man met 'n missie: Hy gaan haar nader trek, syne maak. Suutjies, sonder dat sy dit weet. Maar Lukas Bezuidenhout is 'n haastige man, geduld moet hy nog aanleer. Dis gewoonlik hý wat vir meisies weghol, maar dié keer het hy sy moses teëgekom. 'n Harder hardekwas as Mignon Grobbelaar kry jy nie. En tog, agter haar hardekwas-houding kruip 'n bang meisie weg, 'n kind-vrou met heeltemal te veel seer en bagasie. Daarom, weet Lukas, moet hy geduldig wees. Hy wil haar beskerm, laat veilig voel. Sy moet weet sy is as mens die moeite werd. En hy moet, nee, sál leer vasbyt; en hy wat lawwe Loekie Bezuidenhout is, kan leer om te wag.

Man van sy woord: 'n Ouer en ryper Lourens - maar nog net so dodelik aantreklik soos lank gelede - is na twintig jaar onverwags terug en haar kind se gradeplegtigheid word vir Bianca 'n nagmerrie. Alles het mos verander en daar is nie meer vir hom 'n plek in haar lewe nie - of bluf sy haarself? Lourens is nie meer die impulsiewe jongman wat Bianca so hartstogtelik liefgekry het nie, en sy het ook met die jare ryper en meer volwasse geword. Dis net die onblusbare vonk tussen hulle en die honger na mekaar wat onveranderd gebly het ... Het daar te veel water in die see geloop of gaan hulle waag om hulle liefde weer 'n kans gee?
Publikasiedatum: 2017-07-01
Klik om te vergroot
Klik om te vergroot
9780624087663

Fiksie: Uitverkoping

Fiksie  -  Uitverkoping
R 250
R 49Jy spaar R 201
Zoe is 'n bevryde vrou. Wel . . . soort van. Haar ma en Swietie-pie, 'n brak sonder 'n pedigree, kritiseer haar graag - verál Zoe se losloop-leefstyl. Zak, die wannabe danser, kan dalk die antwoord op almal se drome wees. Zander verskyn ook op die horison. Hy skryf moord- en doodslagboeke en is nou op sy derde vrou. 'n Man om te vermy. Maar ook 'n man wat haar verstand stil soen. Sal sy die regte besluit kan neem? Indien nie, sal sy 'n tweede kans kry om haar foute reg te stel?
Publikasiedatum: 2019-01-31
Klik om te vergroot
Klik om te vergroot
9780796321084

Fiksie: Uitverkoping

Fiksie  -  Uitverkoping
R 220
R 49Jy spaar R 171
Hoe begin jy van voor af as jy al jou besittings verloor, daarmee saam jou status in die gemeenskap, jou vriendekring en byna jou geloof?
Ná 'n wrede plaasaanval verkoop Altus en Tessa Heyns die familieplaas en trek stad toe. Aanvanklik het Altus 'n besigheid wat veevoer en ander boerderybenodigdhede verskaf. Later neem hy 'n vennoot in en begin 'n ruitertuigbesigheid. Vir 'n ruk lank gaan dit goed, maar later moet Altus dit waag dit om naas ruitertuig steeds ook veevoer in en uit te voer. Die een ramp na die ander tref hom en sy versekering moet groot bedrae uitbetaal vir skeepsvragte wat óf sink, óf besmet is en by doane afgekeur word. Met 'n skok ontdek hy dat Drikus hom besteel. Skuld hoop op nadat hy reeds verbande op sy huis en kleinhoewe geneem het om die besigheid se begroting te laat klop. Dit gaan so sleg met dat die besigheid onder sekwestrasie geplaas word, maar hy skop vas, verkoop sy kleinhoewe en leen nog geld teen hoë rentekoerse.
Van dit als weet Tessa niks. Altus raak toenemend gespanne, kom laat van die werk af en onttrek hom van haar en hul seuns. Dit gaan sleg. Die tuiewinkel brand af, nalatigheid word vermoed, die versekering wil nie betaal nie, nog 'n vrag voer word afgekeur en die bank dreig om die huis terug te neem. Alles word te veel en Altus speel oop kaarte met Tessa. Nie net sekwestrasie nie, bankrotskap is sy voorland. Die karre, die huis en die inhoud moet alles opgeveil word om hom uit die tronk te hou. Hulle besluit om ook die seehuis in Hermanus in die mark te sit en gaan vir oulaas vakansie hou.
Die geskinder raak ondraaglik, selfs by die kerk word hulle skeef aangekyk of oordrewe vertroos. Altus wat a.g.v. rumatiekkoors as kind hartprobleme ondervind het, word siek en stort ineen. Die balju slaan toe en Tessa en die seuns staan alleen a.g.v. Altus se siekte. Haar beste vriendin Elaine Theunissen en dié se vervreemde man dr. Gerhard Theunissen, staan hulle by. As troos bring sy ook vir dominee Dieter saam. Toe die gemeente betrokke raak, stroom hulp van alle kant af in en word daar ook vir die gesin gratis huisvesting aangebied, in 'n tuinwoonstel omring deur 'n pragtige tuin. Dit lyk of alles miskien kan uitwerk, maar Tessa kry die skok van haar lewe toe sy teruggaan om vir laas deur haar huis te loop.
Publikasiedatum: 2018-09-12
Klik om te vergroot
Klik om te vergroot
9780799390322

Fiksie: Uitverkoping

Fiksie  -  Uitverkoping
R 250
R 115Jy spaar R 135
Is dit moontlik om geluk te vind in 'n huwelik wat twee stiefkinders insluit?
Julia Meiring het haar ma verloor toe sy ses jaar oud was. Haar pa is dadelik weer getroud, en sy is deur 'n ongenaakbare stiefma grootgemaak wat byna die teenoorgestelde was van haar liefdevolle ma wat feitlik al haar aandag aan haar laatlammetjie gewy het.
Julia vind die liefde van haar lewe in haar buurman, Wynand du Toit. Hy is 'n geskeide man, en die pa van twee kinders maar Julia laat haar deur die verhouding meesleur want Wynand se kinders woon in die Kaap by hul ma, en sy kan hulle heeltemal vermy.
Omstandighede dwing Wynand se eks en haar gesin terug Gauteng toe, en Julia verbreek summier hulle verhouding. Sy sien nie kans om ʼn ma te wees nie, en nog minder ʼn stiefma.
Haar drakoniese stiefma sterf, en Julia besef weer eens hoe min sy van haar eie ma weet. Sy probeer ʼn beeld van haar ma saamflans uit die herinneringe wat haar veel ouer sibbe half onwillig met haar deel. Stadig maar seker besef sy dat haar ma nie ʼn engel was nie, dat haar stiefma nie inherent boos was nie, en dat die liefde tussen haar en Wynand nie te ruste gelê kan word nie.
Publikasiedatum: 2018-09-04
Klik om te vergroot
Klik om te vergroot
9780799387872

Fiksie: Uitverkoping

Fiksie  -  Uitverkoping
R 225
R 105Jy spaar R 120
Doodgewone wonderwerk
'n Onverstandige vrou
Bruid in blou.

Doodgewone wonderwerk:
Elizabeth is nie lui nie; sy weet net nie wat dit beteken om vir 'n salaris te werk nie. Maar nou is haar reuse-erfporsie lelik geknou deur 'n onoordeelkundige belegging. Sy sal 'n werk moet kry. En dit moet hou, want sy is nou al deur 'n paar afdankings en bedankings.
Toe, tog, word sy as die aantreklike, befoeterde Simon se huishoudster aangestel. Maar Simon, 'n skrywer, word nie eintlik vriendeliker wanneer hy mislukte disse in die asblik vind nie. Tot daardie dag by die strand, wat niks met kosmaak te doen het nie. Of het Elizabeth dit heeltemal verkeerd verstaan? 'n Huishoudster is tog wat hy wil hê - sê hy.

'n Onverstandige vrou:
Daar's net een man wat so beweeg, so loslit en langbeen, so ...
Jens Nielsen.
Toe hy Laetitia destyds nie wou hê nie, het sy die pad gevat, terug huis toe, waar sy hulle kind alleen grootmaak. Maar Dottie noem al wat broek dra 'Pappa'. Miskien moet sy terug Denemarke toe en Dot se pa vir haar gee ...
Maar verniet dag Laetitia se mense Dot gaan haar pa kry. Jens wil haar ma steeds nie hê nie. Laetitia moet maar weer terug huis toe, siek en sat vir leuens wat haar al aan die hakskeen byt; maar weer weghol, soos destyds, toe haar patetiese kaartehuis ook ineen getuimel het.

Bruid in blou:
Hugh laat Jessie twee weke voor hulle troue weet hy is pas met iemand anders getroud. In 'n waas van ongeloof, skok en hartseer trou sy halsoorkop - en boonop in 'n blou rok - met Gideon, die hartebrekervriend uit haar jeug.
Ondanks sy reputasie as Casanova van formaat, is Gideon alles wat Jessie in 'n man kan begeer. Sy is toe mooitjies ook nie in sak en as oor haar ampertroue nie, want Gideon koester haar in alle opsigte en dra haar op die hande.
Wanneer haar vriendin kom kuier en sy en Gideon wil voorgee hulle is 'n gelukkige wittebroodspaartjie, val hulle planne klaaglik deur die mat want die liefde laat hom mos nie voorskryf nie.
Publikasiedatum: 2018-03-03
Klik om te vergroot
Klik om te vergroot
9780799388978

Fiksie: Uitverkoping

Fiksie  -  Uitverkoping
R 165
R 75Jy spaar R 90
Dit is 1899. Oorlede Simon, Andolet se aanneempa, bemaak haar, soos ʼn besitting, as bruid aan ʼn onbekende pionierboer, Christian Nitze, woonagtig op sy plaas in die verre Duits Suid-Wes Afrika. Sy reis saam met haar diensmeisie, Leila na die vreemde, nuwe land. Christian daag nie op om haar in Walvisbaai te ontmoet nie, maar stuur sy nors neef, Ferdinand, om ʼn “in proksie”-huwelik met haar te sluit. Die uitmergelende tog met die ossewaens van Walvisbaai, deur Swakopmund na Windhoek, leer haar oor meer as net die barre Dorsland waardeur hulle trek. Dit laat ʼn vlam tussen haar en Ferdinand ontspring, maar dit mag nie. Sy is, ná alles, ʼn getroude vrou. Andolet maak vroeg kennis met die onrus tussen die Herero's en die boere. Dit noop haar en Leila om by Dawid se mense, die Boesmans, in die wildernis te gaan wegkruip totdat Ferdinand haar uiteindelik na Heimat, Christian se plaas, toe vergesel. Haar skuldgevoel toe Christian haar verwelkom, laat haar haar liefde vir Ferdinand sonder sukses onderdruk. Haar lewe is in gevaar toe dit bekend word dat die hoofman van die Herero's haar wil ontvoer. Die aankoms van haar sogenaamde Franse familie begin egter stadig haar ware identiteit ontbloot …
Publikasiedatum: 2018-04-26
Klik om te vergroot
Klik om te vergroot
9780799387803

Fiksie: Uitverkoping

Fiksie  -  Uitverkoping
R 165
R 75Jy spaar R 90
Lisa Steyn keer ná ses jaar terug Suid-Afrika toe om Carel de Villiers se huwelik te stop. Sy het net vier weke tyd. Maar sy hou nie rekening met Carel se broer Johann nie. Dit was hý wat haar destyds Londen toe gestuur het sodat sy weg van Carel kon wees.
Toe sy Tafelberg weer sien, is die herinnering aan die pyn wat sy destyds ervaar het, baie fel. Nie net liggaamlik ná haar ongeluk toe nie, maar ook emosioneel. Maar gelukkig lyk die prentjie nou anders. Sy is gereed om haar regmatige plek te eis. Haar wonde en hart het intussen genees. Londen het immers alles gebied wat sy nooit in Suid-Afrika gehad het nie. Sy het mense ontmoet wat nader as familie geword het. Sy is die skepper van 'n baie gewilde blog en het twee boeke uitgegee.
Haar huis in Italië wag op haar waarheen sy kan terugkeer sodra haar sake op die De Villierse se wynplaas Assordante afgehandel is. Lisa se aansoek as versorger vir Carel en Johann se pa wat 'n beroerte gehad het, is suksesvol, en sonder dat sy dit beplan het, verander dit die koers van haar lewe ...
Publikasiedatum: 2018-04-10
Klik om te vergroot
Klik om te vergroot
9780799387575

Fiksie: Uitverkoping

Fiksie  -  Uitverkoping
R 270
R 125Jy spaar R 145
In haar grootwordjare in die laat tagtigs dra vroue skreeuhelder neonkleure, skouerkussings en groot hare. Maar nie háár aanneemma nie en ook nie Kaila sélf nie. Sy skáám haar!
Haar ma is kerklik en koeklik en oorgewig en nie regtig lief vir haar nie.
Kaila word bespot en leer verwerping ken op vele vlakke.
Daar is 'n gevaarlike, verbode aantrekkingskrag tussen haar en haar Wiskunde-onderwyser. Sal hy die liefde van haar lewe wees?
Ná 'n motorongeluk wat ernstige letsels laat, verdwyn Kaila se ma spoorloos. Die onsekerheid en verlange spook lank daarna nog by haar.
As enkelouer stort sy jare later al haar liefde uit op haar seun, Sebastian. As hy tog net nie bevriend was met Bertina, die wildewragtige dogter van Max Viljoen, nie! Toe Bertina swanger raak, staan Kaila se seun se toekomsdrome gevaar om verpletter te word.
Wat gemaak met die swangerskap wat soveel mense se lewe in skerwe laat spat? Max is vasbeslote dat sy dogter nie alleen met die baba in die arms gaan bly staan nie terwyl Kaila haar seun wil beskerm. Eintlik het Kaila en Max mekaar nodig, maar Kaila se hart breek wanneer sy die pyn in haar jong seun se oë sien.
En Kaila weet, sy weet, 'n mens het meer nodig as 'n blom in jou hare om gelukkig te wees.

In hierdie liefdesroman/gesinsdrama/verhoudingsroman ervaar die leser weereens Kristel Loots se vermoë om haar karakters se pyn, vrees en worsteling weer te gee in hul alledaagse lewe én om dit met humor te doen. Die roman spreek alledaagse realiteite van gewone vroue aan, veral die krisis wat ontstaan as 'n droomhuwelik nie die toets van die tyd weerstaan nie. Met die aanvang van die roman is Kaila 'n tiener met al tieners se frustrasies en wrokke teen die gesin en samelewing. Sy word geleidelik groot en teen die einde leer die leser Kaila as volwasse en deurleefde vrou ken. Die verwikkeldheid en delikaatheid van verhoudings tussen kinders en ouers, tussen man en vrou en tussen vriende is 'n deurlopende tema.
Publikasiedatum: 2018-03-06
Klik om te vergroot
Klik om te vergroot
9780799386141

Fiksie: Uitverkoping

Fiksie  -  Uitverkoping
R 280
R 129Jy spaar R 151
Hoë politici sweer saam om Suid-Afrika in 'n diktatorskap te dompel. Die armes het genoeg gehad en kom in opstand. Die land brand. Mense vir wie Thys Krige omgee, kry seer. Iemand moet daarvoor boet.
Hierdie keer word hy betrek by korrupsie en komplotte op regeringsvlak. 'n Korrupte president speel in die hand van buitelandse moondhede met imperialistiese ambisies wat 'n voet in die deur soek. Sagte kolonisasie, noem mens dit. Staatskaping noem die media dit. Die tentakels daarvan al so diep in die struktuur van mense in sleutelposte dat niemand meer seker is wie betrokke is en wie vertrou kan word nie. In sulke gevalle protesteer mense gewoonlik. Hulle kan byvoorbeeld so aggressief gemaak word dat hulle mekaar begin uitroei. Traangas word gedokter met dwelms wat ten doel het dat mense mekaar te lyf gaan. Grootskaalse chaos maak 'n land onregeerbaar. Dryf die mense se frustrasie tot breekpunt. Sweep hulle teen mekaar op. Maar daar is maniere om hulle stemme stil te kry.
In Krige se stryd het drie vroue deel van sy wêreld geword: sy halfsuster, 'n gestremde IT-spesialis en 'n genie wat die donkerweb met die donkerbewuste in die mens se psige in verband bring. Al drie gaan gebuk onder pyn en trauma, soos Krige, en vir al drie ervaar hy iets wat aan liefde gelykgestel kan word.
“Hy voel die wonderlike pyn wegsak, diep in, dieper, dieper, tot dit sag word en tot rus kom op die koue en harde ding in hom.”
Publikasiedatum: 2017-11-07
Klik om te vergroot
Klik om te vergroot
9781485904021

Fiksie: Uitverkoping

Fiksie  -  Uitverkoping
R 290
R 79Jy spaar R 211
JJ van Solms, so hardegat soos wat hy hardwerkend is, se rykdom lê in Afrika se kobaltriwwe. In die Kongo vestig hy 'n myn saam met twee vennote, maar toe die geld begin inrol, raak hy vir hulle oorbodig. Ná 'n aanslag op sy lewe moet hy vlug.
Dit is naby die Brandberg in Namibië waar JJ saam met sy gesin skuiling soek. Hier probeer hy 'n sukkelende tantalietmyn en sy mislukte huwelik red. In die skaduwee van die alomteenwoordige Brandberg wat oor die landskap waak, wonder hy wat sy lot sal bepaal: diegene op sy spoor, of die vrees en paranoia wat aan sy gemoed vreet.
Publikasiedatum: 2019-09-02
Klik om te vergroot
Klik om te vergroot
9780799390353

Fiksie: Uitverkoping

Fiksie  -  Uitverkoping
R 165
R 75Jy spaar R 90
Liefde kom nie altyd in die pakkie wat jy bestel het nie
Miranda, 'n skrywer, se adrenalien-verslaafde verloofde Lukas sterf net voor hul troue in 'n motorfietsongeluk. Sy ontmoet Lukas se ewebeeld, 'n wildvanger en wildplaaseienaar, Markus op die Kaapstadse lughawe net ná albei uitgevind het dat hul maats ontrou was.
Later ontmoet hulle weer in die Kruger Wildltuin, en die vonk tussen hulle is ooglopend, maar beide is so bang vir seerkry dat hulle nie sien wat reg voor hulle is nie. Liefde kom nie altyd in die pakkie wat jy bestel het nie, en hul paadjies skei. Albei moet deur hul eie vrese werk om te besef dat dit erger is om sonder daardie persoon te wees as om jou vrese in die oë te kyk.
Welmenende familielede, asook Markus se geliefde hond, Max veroorsaak interessante kinkels in die verhaal.
Publikasiedatum: 2018-09-04
Klik om te vergroot
Klik om te vergroot
9780799387377

Fiksie: Uitverkoping

Fiksie  -  Uitverkoping
R 285
R 79Jy spaar R 206
Diamant uit Afrika - Jacolet van den Berg
Matilda het die ekspedisie na Angola se diamantmyne haarfyn uitgewerk. Niks sou verkeerd gaan nie. Totdat rebelle hulle ontvoer en die enigmatiese Roald Young nog boonop haar hart én lewe omverwerp.

Teken van sy liefde - Ida Bester
In die woestyn verloor Ezanne vir die eerste keer haar hart op 'n man saam met wie sy navorsing doen. Maar terwyl hy ylend van koors is, se hy 'n ander vrou se naam ...

Op mekaar aangewese - Elsa Drotsky
Kirsten se erflating is nie sonder 'n prys nie: 'n Aangetroude familielid moet toesig hou oor haar sake. En sy verstaan nie hoekom sy al hoe meer uitsien na sy ongewenste besoeke nie.
Publikasiedatum: 2019-02-11
Klik om te vergroot
Klik om te vergroot
9781869190682

Fiksie: Uitverkoping

Fiksie  -  Uitverkoping
R 150
R 29Jy spaar R 121
One night-stand

Die scène is deurgaans dieselfde:
ontmoeting-drankie-verleiding
en bed.

Die volgende dag deurlopend eend
skuldgevoelens-stilte-lyding
en vertrek.

Om lief te hê, is om uit te trek.
Publikasiedatum: 2004-03-01

© All Rights Reserved 2018
A Product of CEIT Development
Koop Afrikaanse en Engelse boeke aanlyn en spaar tot 20% op Nuwe Vrystellings, Topverkopers en Engelse algemene publikasies. Graffiti vir nuwe boeke, topverkopers, opvoedkundige boeke, Christelike boeke en winskopies. Kry ook jou Moleskine Joernaal hier teen 20% afslag.Buy Afrikaans and English books online and save up to 20% on Afrikaans New Releases and Bestsellers, as well as on English general publications. Graffiti for new releases, bestsellers, Christian books, educational books and bargains. Stockist of Moleskine Journals.