●●● GRATIS aflewering op bestellings bo R500 in RSA ●●● AFSLAG SLEGS OP AANLYNBESTELLINGS ●●●
Klik om te vergroot
Klik om te vergroot
9780798172998

Fiksie: Poësie

Fiksie  -  Poësie
R 220
'n Ryk geskakeerde bundel waarin dié bekroonde digter indringend fokus op temas soos, onder meer, skoonheid teenoor verval, die skoonheid in verval, die weerloosheid van die lewe en menswees, en die erotiek wat tog so deel vorm van elke mens. Die verse is pretensieloos en daar is geen poging om die leser te beïndruk met 'n verwikkelde verwysingswêreld nie. Eenvoud is die eerste wagwoord, en die tweede is eerlikheid.
Publikasiedatum: 2016-08-01
Klik om te vergroot
Klik om te vergroot
9780798180511

Fiksie: Poësie

Fiksie  -  Poësie
R 300
Krog is 'n internasionaal gerekende digter maar ook plaaslik geliefd. Vyftig jaar ná haar opspraakwekkende debuut, Dogter van Jefta, verskyn daar 'n splinternuwe versameling waarin meer as honderd gedigte uit haar elf bundels saampraat. Verse oor eerste liefde, oor moederskap, oor die landskap, en oor onreg; oplaas ook oor ouer word. 
'n Vry vrou bevat gunstelinge uit Krog se oeuvre maar ook minder bekende dog ewe verrassende verse. Saamgestel deur Karen de Wet, kenner van Krog se oeuvre.
Publikasiedatum: 2020-09-25
Klik om te vergroot
Klik om te vergroot
9780620747998

Fiksie: Poësie

Fiksie  -  Poësie
R 250
Boek met CD - Voorgelees deur Karin Hougaard met musiek deur Chris van der Westhuizen.

In 1998 het ek die oorspronklike bundel van 25 Shakespeare sonnette vertaal deur Anna Neethling-Pohl present gekry by die kopiereghouer Professor Cobus Ferreira. Meegaande was 'n kassetopname waarop Tant Anna 23 van die sonnette voorgelees het. Toe ek na die VSA verhuis het, was die bundel en kasset deel van my hartsdinge wat saamgereis het. Elke dag het my oog die bundel op die boekrak gevang en toenemend het ek gedink dat ek baie graag die sonnette opnuut sou wou voorlees en dalk selfs as CD vrystel. Uiteindelik het ek in 2017 die moed bymekaar geskraap om vir Prof Cobus te vra of hy aan my toestemming sou verleen om die bundel en vertalings van te laat herleef en bo my wildste verwagtinge in het hy ingestem. So gesê so gedaan.



Die oorspronklike bundel was vrygestel in 1997 en ek wou saam met die CD met my voorlesings, 'n nuwe edisie van die bundel vrystel. Die tweede hersiene edisie met nuwe voorwoord deur Prof Cobus Ferreira spog ook met 'n nuwe omslag ontwerp deur Anna Neethling-Pohl se kleindogter, Anna Lennox. Ek hier in die VSA het die bladuitleg hanteer en natuurlik die sonnette begin opneem.



Toenemend het ek gevoel ek wou iets meer doen as bloot net stemopnames en het ek Chris van der Westhuizen wat my gereeld in SA en Europa begelei, gekontak om te hoor of hy dalk sou oorweeg om toevallige musiek te komponeer en op te neem vir die sonnette. Op die stadium was Chris in Maccau werksaam as pianis en het ons letterlik alles via die internet moes doen. Ek sou 'n sonnet opneem en vir hom aanstuur en hy sou op sy beurt musiek daarvoor maak op Keltiese harp, Armeense herdersfluit, basblokfluit, die draailier (hurdy-gurdy) en dan vir my terugstuur. Ek het uiteindelik die finale stemopnames in Suid-Afrika by bekende radiopersoonlikheid Hennie Maas se ateljee gedoen, weer terug gegaan Amerika toe en die meng en druk daar gefinaliseer. Die was dus 'n heerlike internasionale samewerkingsprojek, baie 21ste eeus!
Publikasiedatum: 2018-02-23
Klik om te vergroot
Klik om te vergroot
9781869191092

Fiksie: Poësie

Fiksie  -  Poësie
R 190
R 29Jy spaar R 161
Aan 'n beentjie sit en kluif is 'n tematiese verruiming van Marius Crous se oeuvre. Waar sy debuutbundel Brief uit die kolonies (2003) van 'n teoretiese kennis oor postkoloniale diskoerse getuig, is die fokus van Aan 'n beentjie sit en kluif die praktyke van die liggaam.
Publikasiedatum: 2006-10-01
Klik om te vergroot
Klik om te vergroot
9781869191283

Fiksie: Poësie

Fiksie  -  Poësie
R 160
R 29Jy spaar R 131
Soos in Bezuidenhout se debuut, Dansmusieke, val Aardling se woordrykheid op. Nie net woordrykheid nie, maar ook die keuse en sinvolle gebruik van woorde wat selde voorkom. Daar is 'n ryke gebruik van toonaarde en taalregisters. Hierdie spel laat die indruk van 'n gesofistikeerde en berekende skrywer wat die leser interesseer en uitdaag.
Publikasiedatum: 2006-12-01
Klik om te vergroot
Klik om te vergroot
9781919825977

Fiksie: Poësie

Fiksie  -  Poësie
R 160
R 29Jy spaar R 131
“Afstande” bevestig Malan se prominente plek as belangrike digter en toon volgehoue groei in sy oeuvre.
Hy skryf nou 'n effens vryer vers en balanseer die gedigte fyn tussen waarneming, beelding en meditasie. Die verse toon 'n sterk onderlinge samehang en verkry maksimum impak eers nadat dit in samehang gelees is binne die oorkoepelende tematiese geheel. Die bundel ondersoek veral verlies, afstand doen en oud word. Hierdie afstande geskied op verskeie maniere, soos 'n bewussyn van fisiese verwydering van geliefdes, verwydering tussen dooies en lewendes, verlies aan samesyn met vriende, afstand tussen hede en verlede. Dit word ook 'n beskrywing van die vervlietende, waar die oomblik vasgevang word in skerp waarneming. Die bundel is in vier genommerde afdelings verdeel. Die eerste afdeling bevat verse oor selfportrette en outobiografiese verse. “Selfportret” gee aan die hand van Rembrandt se talle skilderye van homself oor die jare die swier en hoop van die jeug en die aftakeling en verdriet van die ouderdom, wat dan op die self van toepassing gemaak word. Die somber ondertoon van die bundel word in 'n gedig soos die geestige “Stella - 'for star'” ietwat opgelig, met die paring van twee honde en die gewaande verdriet van die teef wanneer sy daarna verlaat word as tema. “Huis Herfsblaar” verwys na die oord waar Ernst van Heerden sy laaste dae geslyt het. In “Genepoel” betrag die spreker homself en sien hoe hy nes die voorgeslagte besig is om liggaamlik te verval, met die troos dat die lyf se verval slegs verduur kan word, maar dat inbors 'n meer standhoudende keuse is. Die tweede afdeling behandel gestorwe vriende en geliefdes, met “Die swart skip kom” wat 'n elegie is aan Ernst van Heerden en “Kambro-kind” wat geskryf is na aanleiding van F.A. Venter se dood. Die drie “Telkom-gesprek met my ma” gedigte is denkbeeldige gesprekke met die oorlede moeder en hekel die verknogtheid wat die mens aan die aardse lewe het en die dinge wat hier vir ons belangrik is. In “8 April 2001” word die onafwendbaarheid van die naderende dood beskryf, met die wete dat vele dinge wat beplan maar onuitgevoer is, nou versaak sal moet word. Dit lei egter tot groter aanvaarding en berusting en die besef dat verlies die grootste sekerheid in die lewe is. Plante en diere is die oorheersende temas in die derde afdeling, met “Phaseolus vulgaris”, “Luctuca sativa” en “Cucurbita maxima”, die Latynse plantname vir onderskeidelik die boontjie, slaaikoppie en pampoen, wat telkemale die onderwerp vermenslik. Ook die vlieg, die vark, die by, die kweper, die skilpad, voëls, die bobbejane en paddas word in bekoorlike verse beskryf. In die laaste afdeling is gedigte met die spanning of afstand tussen mens en natuur as deurlopende tema.
Publikasiedatum: 2002-10-01
Klik om te vergroot
Klik om te vergroot
9781869190521

Fiksie: Poësie

Fiksie  -  Poësie
R 160
R 29Jy spaar R 131
Die digter M.M. Walters ontgin met hierdie bundel die sober eenvoud van die Japannese poesie. Hierdie gedigte verwoord die eeue oue letterkundige tradisie van hierdie beskawing. Die inleiding bied 'n oorsig tot die geskiedenis van die Japannese digkuns en verduidelik die verskillende tydperke waarin die digkuns opgedeel word. Die bloemlesing probeer gedigte uit die hele spektrum aanbied. Die brugtaal was deurgaans noodsaaklikerwys Engels. Vanwee die lang tydperk waarin Japan vir dele van die Weste geslote was, is vertalings in Germaanse tale minder bekend en bekombaar. Die versameling is ook noodwendig onvolledig vanwee die beperkte ruimte. Maar dit bied 'n fassinerende blik op 'n redelik onbekende sfeer van die wereldliteratuur.
Publikasiedatum: 2006-01-10
Klik om te vergroot
Klik om te vergroot
9780624069386

Fiksie: Poësie

Fiksie  -  Poësie
R 210
Die poësie is per definisie iets buitengewoons, dit is waaraan Charl-Pierre Naudé se digkuns by uitstek gestalte gee. Die poësie is 'n ander manier van kyk - die metafoor laat jou iets deur die lens van iets anders sien, en so word die wêreld nuut, iets wat van voor af ontdek moet word. Die poësie, wys Naudé, is iets wat algemeen aanvaarde waarhede problematiseer, dit vreemd maak sodat dit weer beleef kan word. In Naudé se poësie is die vreemde belangrik. Vreemde ruimtes, word betree om dit wat bekend is te herontdek, deur as't ware van buite na binne te kyk. Op hierdie manier besin die digter oor onder meer sy plek in Afrika, oor die verwerking van 'n Europese oorsprong, sy geplaastheid in 'n klein minderheidstaal, oor die praktyk van poësie-skryf en die soeke na insig wat verby eenvoudige digotomieë streef. Hierdie digterlike besinnig loop dikwels uit op 'n besef van die waarde van die vlugtige, die efemere, die nie-vaspenbare.
Publikasiedatum: 2014-09-01
Klik om te vergroot
Klik om te vergroot
9781928426738

Fiksie: Poësie

Fiksie  -  Poësie
R 220
Alchemie van my muse is 'n veelvlakkige debuut oor die lewe, die liefde en die lettere waarin die spel met die tradisie van die digkuns ontgin word.

Die digter besin oor digterskap en tree postmodernisties in gesprek met ander digters soos Louw, Kirsch, Boerneef, gert vlok nel, e.a. Daar word satiries gekyk na die posisie van Afrikaans. Die liefde word weerloos besing en oor besin, met nostalgie, humor en pyn. Die lewe en die onafwendbare dood word, soms tong-in-die-kies, ander kere oop-en-bloot ontredderd, berym en ontrym.

Pieter Hugo was een van die debutante in Nuwe stemme 4 van 2010. Van sy gedigte het ook al verskyn in New Contrast, Nuwe verset, Toulopers, Sterkykers en as strokiesgedigte in Rapport. Hy was voorheen 'n onderwyser en 'n gemeenskapsontwikkelaar. Hy woon tans in Kaapstad en dien op die bestuur van die Wes-Kaapse Provinsiale Biblioteekdiens. Pieter is die broer van die bekende digter Daniel Hugo.
Publikasiedatum: 2019-08-26
Klik om te vergroot
Klik om te vergroot
9780795707919

Fiksie: Poësie

Fiksie  -  Poësie
R 225
'n Splinternuwe digbundel deur 'n gerekende en opspraakwekkende Kaapse digter. In Alles het niet kom wôd dig Nathan Trantraal oor die onderwerpe wat hy in Chokers en suvivors met sy kenmerkende energie en emosie belig het. In sy tweede bundel dig Trantraal oor Afrikaans, oor klas, ras, en die politiek, maar neem nou ook seksualiteit, en die religieuse en stedelike milieu waarin hy grootgeword het, in oënskou. 'n Outobiografiese en kontroversiële bundel deur die wenner van die Ingrid Jonkerpys.
Publikasiedatum: 2017-02-01
Klik om te vergroot
Klik om te vergroot
9780620905022

Fiksie: Poësie

Vertaler: De Waal Venter
Fiksie  -  Poësie
R 285
Tomas Gösta Tranströmer (15 April 1931 - 26 Maart 2015) was 'n Sweedse digter wat in 2011 die Nobelprys vir sy poësie ontvang het. Sy poësie het dikwels die lang, koue winters in Swede beskryf en die uitsonderlike natuurskoon van sy land. Dele van sy oeuvre is in meer as sestig tale vertaal. Hy het 'n baie ingrypende invloed gehad op digters en digkuns reg oor die wêreld, iets wat nog steeds geld. Tranströmer het in sy jonger jare heelwat gereis en lande in Asië, Afrika en Europa besoek. Hy het ook bekend geraak in die VSA en daar lesings gelewer. In 1990 het hy 'n beroerte gekry wat hom aan die regterkant verlam het en sy spraak feitlik onverstaanbaar gemaak het. Hy het egter bly skryf daarna.
Tranströmer het sy hele lewe lank klavier gespeel. Na sy beroerte het hy homself geleer om die klavier met sy linkerhand te bespeel. Daar is spesiaal vir hom klavierstukke gekomponeer vir die linkerhand. Talle van sy gedigte is ook deur verskeie komponiste getoonset.

OOR DIE OUTEUR
Charl-Pierre Naudé skryf oor die digter:
Tomas Tranströmer is een van die belangrikste digters wat ná die Tweede Wêreldoorlog in Europa op die toneel gekom het. In sy gedigte neem die natuur, en die vervloeiing van wakker- en slaaptoestande die sentrale posisie in. Tranströmer se werk is tipeerbaar met die woord 'post-surrealisties'. Hier is amper niks te sien van die 'ontsporing van die sintuie' van die vroeë surrealisme nie, waarin grillige verbande en 'n enigmatiese woord-'chaos' die botoon gevoer het soos by Arthur Rimbaud, byvoorbeeld. By Tranströmer is daar 'n versigtige soeke na nuwe geordenhede maar nié nuwe sekerhede nie. Dít is vir altyd op sy kop gekeer. Die gedigte is baie beeldryk en sintuiglik, maar tegelyk oorwoë en deurdink. Elke gedig beding van nuuts af die individu se psigiese oorlewing.
Dis tentatiewe, misterieuse gewaarwordings wat die leser telkens oorbluf laat - gedigte gewy aan 'n sublieme onrustigheid.\
Publikasiedatum: 2021-01-21
Klik om te vergroot
Klik om te vergroot
9781869196905

Fiksie: Poësie

Fiksie  -  Poësie
R 170
Hierdie bundel het nie verniet die subtitel ''n Reisjoernaal' nie, want hier word poëties verslag gedoen van 'n reis na Europa. Byna soos in 'n dagboek word die voorbereidings, die heen- en terugvlugte, die besoek aan vier lande en die afloop van die reis aan die leser voorgehou.
Die verslag bestaan egter nie net oor beskrywings van toeriste-aantreklikhede nie, maar sluit ook boeiende interaksies met die inwoners van die ooste van Engeland, Vlaandere, Nederland en Tsjeggië in. Die verteller is deurentyd bewus van die lae van die geskiedenis oor hierdie plekke en die neerslag wat dit in verskillende kunsvorme gevind het.
Nuus uit Suid-Afrika staan dikwels ook in ironiese kontras met wat die reisigers in die vreemde ervaar. Duiwe vorm 'n deurlopende motief: Die enigmatiese figuur van die duiwedanser stuur die verteller en sy reisgenoot weg, maar hulle weet dat hulle soos die duif wat Noag uitgestuur het, weer sal terugkeer. Aan die einde van die bundel neem die duiwedanser 'n onheilspellende gedaante aan, en die verteller besin oor die ligtheid en kortstondige vreugde van die reis, soos 'n donsveer wat in die wolke weggeblaas word.
Publikasiedatum: 2012-03-01
Klik om te vergroot
Klik om te vergroot
9781485306047

Fiksie: Poësie

Fiksie  -  Poësie
R 180
Anna Enquist is die skrywersnaam van die Nederlandse digter en prosaskrywer Christa Widlund-Broer. Sy het sowel psigoanalise as musiek gestudeer en albei hierdie terreine word in haar skryfwerk weerspieel. Haar gewildheid in Nederland kan onder meer toegeskryf word aan die herkenbare alledaagse werklikheid in haar poesie, waarby lesers aansluiting vind. Alhoewel haar gedigte oenskynlik verstandelik en nugter is, word die leser juis getref deur die vasberade erns en innerlike krag waarmee sy byvoorbeeld die verlies van haar dogter verwerk deur daaroor te skryf. Die emosionele word egter altyd gebalanseer deur redelikheid, sodat haar gedigte nie sentimenteel is nie, maar tog die leser raak, soos in die gedig 'Habanera' Daar was 'n kind. Met haar het ek deur die kamer gedans, ons het van hoek tot kant galop, ons het luidkeels 'n lied gesing. Sy het 'n warm gesig gehad. Sy was my dogter. As ek asemhaal vonk sy na in die gedig.
Publikasiedatum: 2016-10-01
Klik om te vergroot
Klik om te vergroot
9781869190149

Fiksie: Poësie

Fiksie  -  Poësie
R 180
R 29Jy spaar R 151
Wanneer die son verduister, staan mense stil om na te dink oor lig en donker. So word daar oor veel meer as hierdie natuurlike verskynsel besin. Sinisme en humor bly nie agterwee nie maar die groot gedagte skyn weemoed en verwondering te wees. In hierdie 94 gedigte praat bekende digters en debutante saam; prosaskrywers, joernaliste, musikante en ander openbare figure waag hulle hand aan die poesie. Die resultaat is 'n sonderlinge verkenning van die kreatiewe kragte wat vaardig raak wanneer die natuur sy heerskappy bevestig.
Publikasiedatum: 2002-10-01
Klik om te vergroot
Klik om te vergroot
9780624085614

Fiksie: Poësie

Fiksie  -  Poësie
R 240
Asof geen berge ooit hier gewoon het nie is 'n opwindende en verweefde debuut uit 'n jong digter se pen. Met 'n eietydse en aktuele aanslag skryf Odendaal oor die politiek van verskil in 'n multikulturele samelewing, die natuur en ons ekologiese voetspoor, verganklikheid, menswees, die liefde, asook die onlangse studentepolitiek. Ten einde vra hy: Re mang? Wie is ons? En wie is hulle?
Publikasiedatum: 2018-08-14

© All Rights Reserved 2018
A Product of CEIT Development
Koop Afrikaanse en Engelse boeke aanlyn en spaar tot 20% op Nuwe Vrystellings, Topverkopers en Engelse algemene publikasies. Graffiti vir nuwe boeke, topverkopers, opvoedkundige boeke, Christelike boeke en winskopies. Kry ook jou Moleskine Joernaal hier teen 20% afslag.Buy Afrikaans and English books online and save up to 20% on Afrikaans New Releases and Bestsellers, as well as on English general publications. Graffiti for new releases, bestsellers, Christian books, educational books and bargains. Stockist of Moleskine Journals.