●●● GRATIS KOERIER AFLEWERING OP BESTELLINGS BO R500 ●●●
Klik om te vergroot
Klik om te vergroot
9780637003018

Fiksie: Romans

Fiksie  -  Romans
R 350
R 280Jy spaar R 70
Kan jy vlug van wie jy regtig is? Lula Prins wil oor begin op Heydendal. 'n Nuwe lewe, 'n nuwe dorp, 'n nuwe naam. Anoniem. Dan stap 'n nuwe man ongenooid by haar lewe in en haar verlede begin haar inhaal. Kriek Kruger wil uitvind wat met sy laatlambroer, Dian, gebeur het. Het hy werklik na sy dood gespring of wil iemand dit na selfdood laat lyk? En wie het daardie verdoemende verslag geskryf wat hom finaal laat knak het? Terwyl Kriek na antwoorde soek en Lula van die spoke in haar verlede vlug, gooi die noodlot hulle saam in 'n opwindende, gevaarlike wentelbaan. Gaan Kriek uitvind wie sy regtig is? En kan 'n mens ooit werklik van jou jouself weg vlug?
Publikasiedatum: 2024-04-30
Laai in mandjie
Let asseblief op die publikasie datum - versending sodra boek gepubliseer is
Klik om te vergroot
Klik om te vergroot
9780624094838

Fiksie: Romans

Fiksie  -  Romans
R 330
R 264Jy spaar R 66
Toe Ami hoor dat 'n man voor haar gim geskiet is, weet sy daar is moeilikheid. En die feit dat die Valke op die toneel is, sê vir haar nog iets: die man was belangrik. Was dit 'n sluipmoord? Wie is die jong blonde vrou wat saam met die slagoffer was? En wat is dit wat die speurder by die misdaadtoneel optel en in sy sak druk? Voor Ami hierdie raaisels kan oplos, kruis haar pad met dié van 'n Duitse joernalis, Marc Göttler. Hy ondersoek bewerings van 'n ontstellende voorval in Mosambiek, 'n paar kilometer anderkant die grens van Suid-Afrika. Is daar werklik 'n verband tussen die twee stories, soos Göttler vermoed? Die enigste oplossing is om die pad te vat, die wildernis in, waar Ami gedwing sal word om uit te vind wat vir haar die meeste saak maak. Al wat tel is die derde boek in Irma Venter se krimi-reeks met joernalis Ami Prinsloo as hoofkarakter. Al wat tel volg op Minder as niks en Die verkeerde vrou, maar kan ook alleen gelees word.
Publikasiedatum: 2024-04-15
Laai in mandjie
Let asseblief op die publikasie datum - versending sodra boek gepubliseer is
Klik om te vergroot
Klik om te vergroot
9780795710995

Fiksie: Romans

Fiksie  -  Romans
R 290
**Afrikaanse grafiese roman**
In 2021, is Damian De Jong biesag mette boek oo serial killers. Hy force homself ommie dae te onthou toe hy asse kind innie 90s oppie sandduine gespeel et en hoe die skoolhoof vi hulle gesêrit vanne groot gevaar wat daa byte is. En dat veral boys moet careful wies. Die man wattie media 'The Railway Ripper' noem, het begin coloured boys doodmaak en begrawe in vlak grafte innie bosse en sandduine rondomie Western Cape. Selfs daa waa Damian as kind gespeel et. 'n Niewe fear het kom daal oppie Cape Flats ennie soet smaak vanne niewe democracy kom vebitter. Hy praat met Michelle Wakefield - 'n ex-detective wie deel was vannie taskforce wattie moorde investigate et. Maa soe meer sy die feite vi Damian ytlê, soe minner vestaan hy wat rêrag daityd gebeerit. Die man wattie kinnes vang handel oore spesifieke tyd innie Cape Flats, ennie land, se geskiedenis tewyl it oek kommentaar lewer oo ôs hede. Trantraal is mettie Jan Rabie en Majorie Wallaceskrywersbeurs vi die grafiese roman bekroon.
Publikasiedatum: 2024-04-15
Laai in mandjie
Let asseblief op die publikasie datum - versending sodra boek gepubliseer is
Klik om te vergroot
Klik om te vergroot
9780637002974

Fiksie: Romans

Fiksie  -  Romans
R 290
R 232Jy spaar R 58
Die donker het 'n manier om jou in te haal. Op die plaas Die Laagte in die hartjie van die Boland, waar vyf geslagte Jouberts 'n bestaan gemaak het, word Tina in 'n huis vol donkerte groot: Daar is haar bullebakpa, Servaas, haar sagte, maar swakkelingma, Annie, en haar outboet, Sarel, die “sondekind”. Wanneer haar pa sy woede op hulle uithaal, paai haar ma: “Vergewe hom maar. Sy kindertyd was donker.” In 'n poging om van haar eie donker kindertyd te vlug, word Tina uiteindelik 'n verpleegster. In stede van haat, sal sy heling bring. Sy kom egter gou agter dis nie so maklik om van jou verlede te ontsnap nie, en die donker het 'n manier om jou in te haal.
Publikasiedatum: 2024-03-30
Laai in mandjie
Let asseblief op die publikasie datum - versending sodra boek gepubliseer is
Klik om te vergroot
Klik om te vergroot
9780795802683

Fiksie: Romans

Fiksie  -  Romans
R 300
R 240Jy spaar R 60
'n Weerspannige web van gevoelens weef deur die dorp - begeertes, morele verpligtinge, gekwetsde egos, verwyte, afguns en angs loop kruis en dwars van mens tot mens, snaarstyf en trillend liggeraak. Dat die dokter wat mynbaas Hans-Peter Kranz aangestel het al die tyd 'n vrou is, het die dorpenaars op Kolmanskop vroeg in die
twintigste eeu heeltemal oorhoops. Dokter Alexandra Stackelberg kom om die x-straalmasjien by die diamantmyn te bedryf - nie bloot om mediese redes nie, maar ook om diamantdiewe vas te trek. Haar werk raak 'n morele dilemma en twee mans ding mee om haar aandag, terwyl oorlogswolke op die horison saampak . . . Soos Kolmanskop se mense deur die sand sif na diamante, so sif een van hulle later jare deur herinneringe, op soek na sekerheid en die waarheid agter een van hulle se dood. Hemel en aarde en ons is 'n whodunit met 'n konsepsuele kinkel, 'n verkenning van identiteit, bewussyn, verwording en vergetelheid.
Publikasiedatum: 2024-03-15
Laai in mandjie
Let asseblief op die publikasie datum - versending sodra boek gepubliseer is
Klik om te vergroot
Klik om te vergroot
9780798184236

Fiksie: Romans

Fiksie  -  Romans
R 340
R 272Jy spaar R 68
Hoe Sara Koordom op Rooiduin in die verre Noord-Kaap aangeland het, is 'n raaisel. Sy het gekom soos die woestynwind - een dag was sy daar, en niemand weet van waar nie. En hoekom sy op Rooiduin bly, is selfs 'n groter raaisel. Dis nie lank nie of die hele dorp merk op watter raakvatter Sara is. Tot meneer Thüneman van die Algemene Handelaar het gevra of sy twee keer 'n week die pos kan kom uitsorteer. En vir klein Kuikentjie Boskat is sy soos 'n eie ma. Sara voel veral tuis by ouma Spriet en oom Alles, wat met die helm gebore is. En by ant Korreltjie, wat haar geleidelik leer van patrone uitlê en rokkies maak. Maar die bedreiging wat Piet Boskat inhou, roep die spoke van Sara se verlede op. Kan sy vir haar 'n weg ooptrap om vry te kom van die gevare van die hede én van die verlede? En terselfdertyd die mense beskerm vir wie sy so lief geword het? 'n Aangrypende, meelewende roman deur die skrywer van die hoog aangeskrewe debuut, Die kinders van Spookwerwe.
Publikasiedatum: 2024-03-15
Laai in mandjie
Let asseblief op die publikasie datum - versending sodra boek gepubliseer is
Klik om te vergroot
Klik om te vergroot
9780798184212

Fiksie: Romans

Fiksie  -  Romans
R 350
R 280Jy spaar R 70
Nêrens is ook 'n plek. As jy nêrens anders het nie.

Die hel is los in Mooibaai. Konstabel Petunia Moraleng en sersant JP Hendriks moet die geheime van die Heemstra-familie ontrafel voordat die moordenaars en hul helpers met hul gruwelike buit ontsnap.
Publikasiedatum: 2024-03-08
Laai in mandjie
Let asseblief op die publikasie datum - versending sodra boek gepubliseer is
Klik om te vergroot
Klik om te vergroot
9781776403592

Fiksie: Romans

Fiksie  -  Romans
R 340
R 272Jy spaar R 68
Dit het in Auschwitz begin, maar nie daar geëindig nie.
Dekades later word 'n identiese tweeling 'n week uitmekaar duisende kilometer van mekaar gebore.
Geld, mag en die superioriteit van die Ariese ras is die boustene van 'n spannende intrige drie geslagte later.
'n Suid-Afrikaanse joernalis is ontstuitbaar as haar man die slagoffer van 'n gruwelike komplot word. Stuk-stuk ontrafel sy die verbintenisse tussen die beenwerf van die verlede en die onreg in die hede. Maar sal sy die misdaad teen lewe kan stuit?
Publikasiedatum: 2024-02-21
Laai in mandjie
In voorraad - VERSENDING tussen 1 en 3 werksdae.
Klik om te vergroot
Klik om te vergroot
9781776380442

Fiksie: Romans

Fiksie  -  Romans
R 310
R 248Jy spaar R 62
Daar is mense wie se lewens van die begin af anders verloop. Sulke mense se liefde lê nie op die gewone plekke en paaie nie, maar juis daar waar min ooit die moed sal hê om hul toekoms te gaan haal. Twalie is die enigste meisiekind onder die eksentrieke Albrechts wat in 'n dorre landskap om oorlewing veg. Hulle is 'n geharde, eenkant gesin vol geheime. Twalie se pa verwerp haar en haar ma maak haar gedurig stil. Dan red die Namavrou Letgoed haar uit 'n sandstorm en leer haar die geheime van Die Poort, wat tydens die heuningmaan 'n magiese plek word. Hier maak tyd soms 'n deur agtertoe oop … Twa die Tydloper is 'n aangrypende roman oor een mens se groei wat lesers sal meevoer en met nuwe oë na die wêreld om hulle sal laat kyk.
Publikasiedatum: 2024-02-05
Laai in mandjie
In voorraad - VERSENDING tussen 1 en 3 werksdae.
Klik om te vergroot
Klik om te vergroot
9780639779409

Fiksie: Romans

Fiksie  -  Romans
R 220
'n Fiktiewe biografie oor Ronnie Ryger, 'n sluipende, dronkgat digter wat vlug vir sy verlede, maar sy eskapades, sekskapades haal hom in, in die vorm van drie psigopatiese wrekers. Hy probeer sy geliefdes beskerm teen die donker wat kom, maar die skaduwees word langer en Ryger word al hoe maller. Daar is baie seks, baie drank en baie David Bowie in hierdie oorwegend onstellende werk, die nuutste op die rak deur een van Suid-Afrika se gunsteling alternatiewe skrywers. Skeep 'n stoel nader, maak 'n biertjie oop en kom!
Publikasiedatum: 2023-11-26
Laai in mandjie
In voorraad - VERSENDING tussen 1 en 3 werksdae.
Klik om te vergroot
Klik om te vergroot
9781991256270

Fiksie: Romans

Fiksie  -  Romans
R 290
Voorblad is 'n misdaadroman vol intrige en afdraaipaaie wat die leser op die punt van sy stoel hou.

Wanneer die liggame van twee vooraanstaande sakemanne binne 'n week na mekaar in hulle motors aangetref word, is die joernalis, Alex Rheeder, in albei gevalle eerste op die toneel. Die ondersoekbeampte, Kaptein Harold Beukes, wil weet waar Rheeder sy inligting kry, maar Rheeder is self in die duister oor die motiewe van die moordenaars wat hom van inligting voorsien. Binne 'n aantal weke is daar nog vier moorde. Rheeder moet nie slegs die moordenaar of moordenaars ontmasker nie, hy moet ook die agterdog wat die ondersoekbeampte teen hom koester, besweer en twee aanslae op sy lewe trotseer.

Hy kry hulp uit 'n onverwagte oord in die persoon van Vingertjies Mintoor, 'n hawelose sakkrapper en rommel-entrepeneur wat belangrike inligting oor die moorde met hom deel.

'n Keurder het die volgende gesê: “Die lakmoestoets vir hierdie genre is dat die leser nie die boek wil neersit as hy eers begin lees het nie. Die skrywer slaag hierdie toets. Hierdie skrywer kán skryf!”
Publikasiedatum: 2023-11-22
Laai in mandjie
Voorraad by verskaffer - Versending binne 3 tot 8 werksdae
Klik om te vergroot
Klik om te vergroot
9780798184205

Fiksie: Romans

Fiksie  -  Romans
R 360
Een van Deon Meyer se mees geliefde boeke is nou ook te sien as die TV-reeks Devil's Peak.
“My naam is Bennie Griessel en ek is 'n alkoholis.” Om sy lewe terug te kry, moet speurder-inspekteur Bennie Griessel eers vir Artemis keer: die vigilante wat die doodstraf teruggebring het, wat besig is om misdaad teen kinders met 'n lang lem en 'n skrikwekkende meedoënloosheid te wreek.En met die media wat skree, die politici wat druk toepas, 'n span onbeholpe jong speurders en verskeie kollegas wat hom in die rug steek, stel Bennie Griessel 'n lokval. Maar hy het nie rekening gehou met die liefde van 'n
sekswerker vir haar kind, die haat van die Sangrenegra-dwelmkartel en sy eie smagting na die helende kragte van die bottel nie.
Publikasiedatum: 2023-10-30
Laai in mandjie
Voorraad by verskaffer - Versending binne 3 tot 8 werksdae
Klik om te vergroot
Klik om te vergroot
9781991256409

Fiksie: Romans

Vertaler: Johann Rossouw
Fiksie  -  Romans
R 320
Vernietig is die Afrikaanse vertaling van die jongste en stellig die snydendste, wydlopendste roman nog uit die pen van Frankryk se invloedrykste en mees omstrede lewende romansier, Michel Houellebecq.
Soos slegs hy kan, vertel Houellebecq aan die hand van die pakkende verhaal van die hooggeplaaste Franse Tesourie-amptenaar, Paul Raison en sy familie ook die verhaal van hoe die Weste onder die bedreiging van vernietiging staan - sowel van sy vyande as deur sy eie wortels aan te val. Moderne begeerte, die massamedia, die stryd van bejaardes en eensames, en menslike sterflikheid word ondersoek.
Terselfdertyd 'n tragiese ideeroman, 'n politieke riller en 'n bytende satire van die woke-kultuur en eietydse geklikhede in die naam van spiritualiteit, bied vernietig 'n unieke insig in die lot van die hedendaagse wêreld wat die leser eweseer van die lag laat uitbars as tot trane van droefheid beweeg.
Met hierdie vertaling bring die bekende Afrikaanse filosoof, romansier en openbare intellektueel, Johann Rossouw hierdie groot roman na die Afrikaanse leser op soek na onvergeetlike literêre fiksie.
Publikasiedatum: 2023-10-25
Laai in mandjie
In voorraad - VERSENDING tussen 1 en 3 werksdae.
Klik om te vergroot
Klik om te vergroot
9781485315216

Fiksie: Romans

Fiksie  -  Romans
R 420
Die tienjarige Jaco Blignaut se lewe verander wanneer hy een Saterdag 'n rugbytoets teen die Franse bywoon. Daarna leef, eet en drink hy did spel. Maar hy kom go agter dat rugby om meer as net die plesier van skop, breek en lak gaan. Die bal is nie verniet gemaak om reg te spring wanneer jy dit nie verwag nie, en ewe dikwels verkeerd, sonder dat jy iets daaraan kan doen. Hy leer dat die lewe ook so werk, veral wanneer dit by vroue kom. Wanneer die groot liefde in sy lewe skeefloop, neem dit hom op 'n nuwe lewenspad deur Europa. Later, goed gevestig as 'n wetenskaplike, kan hy nie ontslae raak van die kruise van sy verlede nie en beind hy hom skielik midde in 'n moordkomplot.
Publikasiedatum: 2023-10-23
Laai in mandjie
In voorraad - VERSENDING tussen 1 en 3 werksdae.
Klik om te vergroot
Klik om te vergroot
9780624094630

Fiksie: Romans

Fiksie  -  Romans
R 330
In 2020, tien jaar nadat Sabine uit die Laeveld weggesteier het, keer sy terug om nog net een maal weer hulle familieplaas Donkerhoek te sien en 'n neersitplek te soek vir die bondel wat sy al so lank saamdra. Sy het egter nie 'n telefoonnommer vir die nuwe eienaar nie en Google Maps weet nie van so 'n plek nie. In tien jaar het die aarde hierlangs geswig voor grondeise en armoede en die media berig van 'n onbekende virus wat reeds dood op die planeet begin saai het. 'n Raps meer as 'n eeu gelede is haar ouma Henrietta ook inderhaas terug Donkerhoek toe om weg te kom voor die Groot Griep wat tydens die Eerste Wêreldoorlog 'n doodskleed oor die mensdom uitgesprei het. Toe en nou het die mensgemaakte virus van mag en geweld in ieder geval reeds hier gemaai. In die stilte van klip woon eeue se kennis en pyn.
Publikasiedatum: 2023-10-20
Laai in mandjie
In voorraad - VERSENDING tussen 1 en 3 werksdae.

© All Rights Reserved 2024
A Product of CEIT Development
Koop Afrikaanse en Engelse boeke aanlyn en spaar tot 20% op Nuwe Vrystellings, Topverkopers en Engelse algemene publikasies. Graffiti vir nuwe boeke, topverkopers, opvoedkundige boeke, Christelike boeke en winskopies. Kry ook jou Moleskine Joernaal hier teen 20% afslag.Buy Afrikaans and English books online and save up to 20% on Afrikaans New Releases and Bestsellers, as well as on English general publications. Graffiti for new releases, bestsellers, Christian books, educational books and bargains. Stockist of Moleskine Journals.