Nie-fiksie / Non-fiction
Taal & Letterkunde / Language & Literature

Results 1 to 15 of 33
Gesorteer volgens:  Publikasiedatum
Klik om te vergroot
9781920188535

Gespreksgenoot: 'n brieweboek

R 395
Hierdie lywige bundel van sowat 700 bladsye is deur Heilna du Plooy saamgestel uit briewe van Elize Botha en verskeie skrywers en ander bekendes. Skrywers en digters soos Audrey Blignault, Hennie Aucamp, NP van Wyk Louw, Elisabeth Eybers, Lina Spies en baie ander het met Botha gekorrespondeer. Party briewe is diep ontroerend, ander laat jou hardop lag en 'n klompie lees jy herhaaldelik om die besonderse insig daarin. Die briefskrywers skets die klein en groot gebeure in hulle lewens, deel hul menings oor boeke en mense en vertel van die dinge wat hul lewens moeilik of vreugdevol maak. Dit is 'n intieme teks wat by baie lesers byval sal vind.
Publikasiedatum: 2017-09-01
Klik om te vergroot
9781928355144

Die reis gaan inwaarts - Die kuns van sterwe in kreatiewe werke van Karel Schoeman

R 325
By Schoeman word individuasie nie 'n selfsugtige wegkeer van die realiteit nie - daarvoor is sy werk té betrokke by die situasies van die dag. Maar dit help om afstand te skep. Die onthegting van die omringende is nie 'n selfsugtige inkeer na binne nie, nie 'n verlammende onttrekking nie, maar 'n inwaartse reis wat stimuleer tot kreatiewe ondersoek van die onbewuste. Die romans neem die leser op daardie stille reis. Hulle bied ervarings van 'n ontmoeting met die stilte, met die self. Hierdie werk van Wepener slaag daarin om iets van hierdie proses en inwaartse reis te verduidelik, sonder om voorskriftelik of moraliserend te raak. Juis daarom gee Wepener uiteindelik op 'n praktiese manier leiding aan diegene wat met die dood gekonfronteer word.'
Vanuit die Voorwoord deur Willie Burger, Mei 2017
Publikasiedatum: 2017-07-01
Klik om te vergroot

11

9781776092154

'n Wolf in skaapsklere

R 160
R 128Jy spaar R 32
Hierdie boek is 'n versameling Afrikaanse idiome deur die skepper van Idees vol vrees, Kobus Galloway. Dit bevat 150 idiome, elk geïllustreer met 'n grappige volblad-spotprent, asook 'n kort verklaring van elke idioom se betekenis.

Verder is daar 'n lys met nóg honderde idiome en verklarings agter in die boek.
Publikasiedatum: 2017-06-01
Klik om te vergroot
9780627029875

Om te skryf

R 319
Hoe leer jy skryf? Hoe skryf mens oor jouself, oor ander, oor plekke en gebeure of oor idees en oortuigings? Hoe begin jy 'n treffende teks, hoe sluit jy dit af? Mens leer vinnig as jy langs 'n goeie ambagsman gaan staan en mooi loer wat hy doen en die tegnieke wat hy benut in jou eie werk begin toepas. Dit is die lekkerste en vinnigste manier. Hier is 'n boek in Afrikaans wat saamgestel is om jou daarmee te help. Om te skryf bevat vertalings van bekende Engelse prosa en oorspronklike Afrikaanse tekste, maar die boek gaan nie oor wat die skrywers se nie - belangrik soos dit mag wees - maar oor die hoe: die tegnieke waardeur hulle hul boodskap helder oordra. Na elke uittreksel, word daar vrae gestel wat die leser help om die woordmeesters se styl, tegniek en vaardighede aan te leer. Inhoud behels persoonlike skryfwerk, die karakterskets en beskrywing, asook meer abstrakte konsepte soos die uiteensetting van 'n agument en 'n poging om ander mense te oortuig. Later volg tegnieke om 'n stuk te begin en te eindig, skryfwerk oor kuns en media en ten slotte 'n afdeling oor die nuanses van individuele styl. Die boek bevat ook 'n woordelys met bondige definisies van terme wat in die oefenvrae in die boek gebruik word. Die eerste Afrikaanse boek van sy soort vir aspirant skrywers, joernaliste, en enigiemand wat lief is vir literatuur of daarin belangstel om sy skryfvaardighede te verbeter; bevat oor 'n honderd uittreksels uit werk van van die voorste skrywers in die geskiedenis (van Plato tot V.S. Naipaul), asook van die beste skryfwerk uit ons eie literere en joernalistieke erfenis (van Etienne Leroux tot Dana Snyman); opsigselfstaande afdelings bied lesers buigsaamheid om by enige afdeling te begin; oefeninge maak dit moontlik om toe te pas wat gelees is.
Publikasiedatum: 2017-05-01
Klik om te vergroot
9780620740401

Ons praat Afrikaans - diverse mense - een taal

R 265
Ons praat Afrikaans - diverse mense - een taal is meer as net nog 'n fotoboek: dit is die eindproduk van 'n projek wat sy ontstaan gevind het in een individu se liefde vir die Afrikaanse kultuur en taal, Douw Greeff. Die projek is geloods in 2016 toe fotograwe (amateur en ook professioneel) genader is om werke in te skryf wat hulle voel die Afrikaanse kultuur en taal raakvat. Verskeie inskrywings is ontvang en die top foto's het deurgegaan na 'n beoordelings-rondte, waar 'n paneel die beste foto's gekies het om in hierdie pragpublikasie te pronk.
Publikasiedatum: 2017-05-01
Klik om te vergroot
9780928316674

Ons kom van vêr

R 250
Die gesprek oor Afrikaans en die bruin mense wat die skrywers in hierdie boek aanroer, is tydig in die opsig dat ná al die ambivalensie oor die Afrikaans van ons hart en die onverkwiklike manier waarop ons in hierdie taal verdruk en misken is, ons ons vry heid gekry het - wat
ook verantwoordelikheid meebring om minstens onder mekaar klaarheid te vind oor wat nou vorentoe met ons taal moet gebeur.

Dit is onomstootlik so dat ons as bruin mense die aard van die Khoisan en swart African met ons saamdra. Dit is net so waar dat ons ook Europees in die Anglosaksiese sin van die woord is. Ons is tewens ook trots bewus van ons Asiatiese herkoms. Afrikaans is ook die taal van ons slawevoorouers. Ons moet al hierdie tradisies vir onsself toe-eien.

Bydraes deur
Fatima Allie · Herman Bailey · Jacques Beukes · Charles Beukes · Willa Boezak · Wannie Carstens · Johan Coetser · Gavin Davis · John Diergaardt · Cecyl Esau · Willem Fransman · Edwena Go · Henry Jereys · Gaireyah Fredericks · Basil Kivedo · Nico Koopman · Michael le Cordeur · Marlene le Roux · Llwellyn MacMaster · Basil May · Patrick Mettler · Selwyn Milborrow · Reggie Nel · Elias Nel · Robert Pearce ·
Mary-Anne Plaatjies-Van Huel · Rosalie Small · Conrad Sidego · Cornelius omas · Danny Titus · Christo van der Rheede · Raymond van Diemel · Danie van Wyk · Ronel van Oort · Archie Vergotine
Publikasiedatum: 2017-03-01
Klik om te vergroot
9780627031069

Perspektief en profiel - 'n Afrikaanse literatuurgeskiedenis Deel 3

R 549
Die Afrikaanse literatuur het 'n aangrypende lewe in Afrika oopgeskryf. Hierdie lewe kry sy beslag in 'n boeiende takelwerk verse, in 'n kennis van die aand en deur die oë van 'n siener in die suburbs. Kannas kom huis toe en Poppies loop die lange swerfjare deur.

Nie slegs die belletrie (die arbeid van skeppende skrywers) is indrukwekkend nie, maar ook die getuienis van kundige lesers - die leesaktiwiteite van akademici wat sin moet maak van skeppende arbeid, wat die patrone moet oplê en die teoretiese lense instel op die gedig, die toneelstuk, die essay, die drama of roman.

Akademies gesproke is Perspektief en profiel 'n onontbeerlike handleiding. Dit is tans die belangrikste beskouing van ons skryfwerk in Afrikaans en die begeleidende literêre gesprek. Dit bied insig in die oeuvres van die belangrikste skrywers (die 'profiel' in die boektitel), maar is ook 'n bestekopname van verskuiwende teoretiese gesigspunte en aksente en 'n kartering van die gebied, vandaar die 'perspektief'.

Dit toon by implikasie oortuigend aan hoedat die Afrikaanse letterkunde aansluit in suid-suidverband met ander literature van die halfrond, en ondersoek die historiese en tydgenootlike noordsuid-bande en -spanninge. Ook verken dit die skryftegnieke en die produksie en resepsie van die Afrikaanse teks in Afrika. Dis 'n boek wat sensitief is vir die polities-kulturele omgewing wat steeds omvorm word deur die momentum geskep deur die koms van demokrasie in 1994.

Eerder as om 'n literatuurgeskiedenis te probeer wees wat die fi nale woord wil spreek en ondubbelsinnig kanoniseer, word die literatuur hier as strydperk aangebied. Hierdie veelstemmige gesprek matig sigself as literatuurgeskiedenis nie objektiwiteit aan nie, maar huldig verskeidenheid en teenspraak.

Perspektief en profiel toon aan dat die Afrikaanse letterkunde diep geënt is in die kontinent Afrika.
Dit boekstaaf die geestesprestasie van mense aan die suidpunt van 'n uitdagende kontinent. Dit is
mense wat rekenskap gee van hul ontheemding en twyfel, maar ook van inburgering en liefde vir die land, van verwantskap met landgenote wat ander geskiedenisse en huistale het. Dis 'n literatuur van hierwees en aanhanklikheid aan plant en dier, landskap en leemte.

Perspektief en profiel verskyn tydens die groot wending. Dis 'n tyd waarin die Boek soos geslagte dit sedert Gutenberg geken het weens die oorgang na digitaliteit onder beleg kom. Die tydsbesteding aan ernstig lees as aktiwiteit verskraal en hierdie boek is 'n tydige herinnering aan die tydsaamheid en denke wat in 'n literatuur opgesluit is.

Die boek verdien 'n staanplek in elke Afrikaanssprekende gesin se boekrak of lêplek in hul e-boek-biblioteek. Dit is onontbeerlik vir die student en die akademikus. As jy wil weet hoe jou voorgeslagte hul hierwees verwoord het en hoe jou tydgenote jou eie situasie stem gee, is hierdie boek jou toevlug.

Etienne van Heerden
Hofmeyr Professor
Skool vir Tale en Letterkunde
Universiteit van Kaapstad


Perspektiewe
Perspektief op die Afrikaanse poësie - Die poësie van voor 1900 tot 1960 - Heinrich Ohlhoff
Die Afrikaanse poësie 1960-2012 - B.J. Odendaal
Die Afrikaanse uitgewersbedryf - Francis Galloway & Rudi (M.R.) Venter

Profiele
Riana Scheepers | Karel Schoeman | A.H.M. Scholtz | Dan Sleigh | Adam Small | Bartho Smit | Hettie Smit | Lina Spies | J.C. Steyn | Wilma Stockenström | Alexander Strachan | Barend J. Toerien | Totius | Jochem van Bruggen | C.M. van den Heever | Toon van den Heever | Marita van der Vyver | Ernst van Heerden | Etienne van Heerden | Johannes van Melle | Marlene van Niekerk | Piet van Rooyen | Eben Venter | F.A. Venter | A.G. Visser | G.A. Watermeyer | George Weideman | Ingrid Winterbach
Publikasiedatum: 2016-11-01
Klik om te vergroot
9781431615643

Here, ek weet U luister

R 180
In jou diepste stilword-oomblikke praat jy met God oor alles, oor enigiets. Johan Smit bied vir lesers ekstra bemoediging in hierdie kosbare oomblikke met Here, ek weet U luister.
65 gebede vir lesers se stiltetyd word elk ondersteun deur 'n kort oordenking, kragtige teksverse en inspirerende aanhalings. Die temas sluit in: lofgebede aan God, gebede vir jou huwelik, gesin en vriendskappe, jou werk en teleurstellings.
Here, ek weet U luister beloof om lesers se gebedsoomblikke met God se teenwoordigheid te vul. Hulle sal ongetwyfeld weet dat God daar is en dat Hy luister.
Publikasiedatum: 2016-07-01
Klik om te vergroot
9780627031052

Perspektief en profiel - 'n Afrikaanse literatuurgeskiedenis Deel 2

R 509
Perspektief en profiel - 'n Afrikaanse literatuurgeskiedenis in drie dele (1998, 1999, 2006) is die enigste omvattende Afrikaanse literatuurgeskiedenis wat tans op die mark is. Dit word wyd benut hier én in die buiteland. Van die belangrikste skrywers soos Etienne van Heerden, Marlene van Niekerk, Eben Venter, Alexander Strachan, Ingrid Winterbach en Breyten Breytenbach het egter sedert die verskyning van die deel waarin hulle oeuvres behandel is, van hul beste werk gelewer. Dit het daarom tyd geword om 'n totaal bygewerkte uitgawe die lig te laat sien. Boonop bied dit die geleentheid om van die perspektiewe by te werk én selfs nuwes (bv oor die uitgewerswese en kinder- en jeugliteratuur) in te sluit. Dit kan met reg beweer word dat hierdie literatuurgeskiedenis toenemend bykans alle relevante aspekte van die Afrikaanse literêre veld dek.

'n Nuwe uitgawe het ook die voordeel dat dit die geleentheid bied om jonger literatore as medewerkers te betrek. Nie net is hulle die akademici van die toekoms nie, maar bring hulle meestal ander (teoretiese) perspektiewe wat verrykend inwerk op die geheel.
Hierdie nuwe uitgawe is ingrypend herstruktureer; telkens met enkele perspektiewe en 'n aantal profiele, alfabeties ingedeel. Hierdie uitgawe (Deel 2) bevat die volgende perspektiewe: Drama: 'n oorsig vanaf 1990-2010; perspektief op die Afrikaanse drama: 1906-1966; die Afrikaanse vroueskrywer; 'n perspektief op die Afrikaanse literêre tydskrifte én ? perspektief op kinder- en jeugliteratuur. Die profiele strek van P.J. Haasbroek tot Ina Rousseau (H-R).


Perspektiewe
Drama: 'n Oorsig vanaf 1990-2010
Perspektief op die Afrikaanse drama: 1906-1966
Die Afrikaanse vroueskrywer
'n Perspektief op die Afrikaanse literêre tydskrifte
'n Perspektief op kinder- en jeugliteratuur

Profiele
P.J. Haasbroek (korter prosa) | P.J. Haasbroek (langer prosa) | Joan Hambridge | Daniel Hugo | Ingrid Jonker | Elsa Joubert | Olga Kirsch | Koos Kombuis | Uys Krige | Antjie Krog | Louis Kruger | C.J. Langenhoven | C. Louis Leipoldt | Etienne Leroux | Anna M. Louw | N.P. van Wyk Louw | W.E.G. Louw | Lucas Malan | D.F. Malherbe | Eugene Marais | Johann Lodewyk Marais | Dalene Matthee | M.E.R. | John Miles | Deon Meyer | Petra Muller | W. Odendaal | D.J. Opperman | Deon Opperman | P.J. Philander | H.J. Pieterse | S.J. Pretorius | Koos Prinsloo | Jan Rabie | Ina Rousseau
Publikasiedatum: 2016-01-01
Klik om te vergroot
9780799356601

So kry ons Afrikaans

R 200
So kry ons Afrikaans ... vertel die geskiedenis van Afrikaans so al met 'n klomp hoogtepunte langs. Die fokus val op Afrikaans en die mense wat Afrikaans praat. Hoe pas almal se stukkies in die legkaart van Afrikaans in, as mens agterna daarna kyk? In hierdie vertelling word gekyk na die raakpunte tussen Afrikaans en sy sprekers. Hoe het hulle hulle rolle in die geskiedenis van Afrikaans gespeel?

Hierdie boek het 'n paar vertellings in die oog: Die eerste Afrikaans wat gepraat is, en hoe die eerste optekening van die oudste geskrewe Afrikaans lyk. Hoekom Afrikaans se taalgebied daarna drasties verander het. Daarmee is die storie nog maar net aan die begin. Afrikaans is ook geskryf. 'n Storie of twee is ook daaraan verbonde. En nog steeds gaan die verhaal aan ...

'n Taal, soos Afrikaans, bestaan uit al sy variëteite. 'n Paar van Afrikaans se variëteite kom hier aan die bod. Wat is die betekenisse van sy variëteite vir Afrikaans? Van die interessantste kante van die taal lê juis daar, én 'n groot taalrykdom. Daar is altyd redes vir die bestaan van variëteite. Om te verstaan hoe variëteite werk, moet ons ver terug loop op die spore van sy sprekers. Hierdie boek onderneem 'n paar sulke reise.

By uitsondering verwys die teks na persone. Partykeer na vroeë reisigers en hulle waarnemings. Sonder sulke reisigers se getuienis kan die geskiedenis van Afrikaans nie vertel word nie. Ander kere is 'n naam genoem om die aandag op 'n besondere bydrae tot Afrikaans te vestig.
Publikasiedatum: 2015-09-01
Klik om te vergroot
9781485301141

Stylboek: Riglyne vir paslik skryf

R 395
Hierdie omvattend herbewerkte uitgawe van die Stylboek wat in 2006 gepubliseer is, is 'n ideale naslaanbron vir almal wat in Afrikaans skryf. Dit is gerig op studente, akademici, redakteurs, joernaliste, resensente, redigeerders, taalpraktisyns en opvoeders.
Skryfbeginsels word in die teks op eenvoudige en verstaanbare wyse verduidelik en met talle voorbeelde toegelig.
In die afdelings oor styl word verduidelik op watter wyse 'n teks oortuigend en aantreklik, duidelik en bondig aangebied kan word sodat effektief gekommunikeer kan word. Die gepaste toon vir verskillende kontekste, wat van formeel na informeel kan wissel, word uiteengesit en in 'n aparte hoofstuk word toeligtend oor die styl van wetenskaplike tekste geskryf. Twee toevoegings by die oorspronklike boek is 'n afdeling oor die styl van literêre analises en resensies en 'n hoofstuk gewy aan 'regte' en 'verkeerde' taalgebruik.
Publikasiedatum: 2015-05-01
Klik om te vergroot
9780627031045

Perspektief en profiel - 'n Afrikaanse literatuurgeskiedenis Deel 1

R 499
Perspektief en profiel - 'n Afrikaanse literatuurgeskiedenis in drie dele (1998, 1999, 2006) is die enigste omvattende Afrikaanse literatuurgeskiedenis wat tans op die mark is. Dit word wyd benut hier én in die buiteland. Van die belangrikste skrywers soos Etienne van Heerden, Marlene van Niekerk, Eben Venter, Alexander Strachan, Ingrid Winterbach en Breyten Breytenbach het egter sedert die verskyning van die deel waarin hulle oeuvres behandel is, van hul beste werk gelewer. Dit het daarom tyd geword om 'n totaal bygewerkte uitgawe die lig te laat sien. Boonop bied dit die geleentheid om van die perspektiewe by te werk én selfs nuwes (bv. oor die uitgewerswese en kinder- en jeugliteratuur) in te sluit. Dit kan met reg beweer word dat hierdie literatuurgeskiedenis toenemend bykans alle relevante aspekte van die Afrikaanse literêre veld dek.

'n Nuwe uitgawe het ook die voordeel dat dit die geleentheid bied om jonger literatore as medewerkers te betrek. Nie net is hulle die akademici van die toekoms nie, maar bring hulle meestal ander (teoretiese) perspektiewe wat verrykend inwerk op die geheel.

Hierdie nuwe uitgawe is ingrypend herstruktureer, telkens met enkele perspektiewe en 'n aantal profiele, alfabeties ingedeel. Hierdie uitgawe (Deel 1) bevat die volgende perspektiewe: 'Klein begin is aanhou wen' (oor die ontstaansgeskiedenis van die Afrikaanse letterkunde); 'n blik op die Nederlandstalige Suid-Afrikaanse letterkunde, 1652-1925; inleiding tot buite-kanonieke Afrikaanse kulturele praktyke; en 'n perspektief op die Afrikaanse prosa. Die profiele strek van Hennie Aucamp tot Henriette Grové (A-G).


Perspektiewe
Klein begin is aanhou wen - 'n perspektief op die aanvangsfase van die Afrikaanse letterkunde
Nederlandstalige Suid-Afrikaanse letterkunde, 1652-1925
'n Inleiding tot buite-kanonieke Afrikaanse kulturele praktyke
Prosa: 'n Oorsig van die Twintigste eeu

Profiele
Hennie Aucamp | Hennie Aucamp as digter | Pirow Bekker | Eleanor Baker | Chris Barnard | Gerhard J. Beukes | Peter Blum | Boerneef | Breyten Breytenbach | André P. Brink | Eveleen Castelyn | Jan F.E. Celliers | T.T. Cloete | Sheila Cussons | W.A. de Klerk | Johann de Lange | Abraham de Vries | Izak de Villiers | Reza de Wet | E.K.M. Dido | I.D. du Plessis | P.G. du Plessis | Elisabeth Eybers | Louis Estherhuizen | H.A. Fagan | Pieter Fourie | Jeanne Goosen | Tom Gouws | Rachelle Greeff | J.F.W. Grosskopf | Henriette Grové
Publikasiedatum: 2015-01-01
Klik om te vergroot
9780987025692

Ons gaan 'n taal maak

R 461
'Ons gaan 'n taal maak': Afrikaans sedert die Patriot-jare deur die taalhistorikus, prof. J.C. Steyn, vertel die verhaal van Afrikaans as moderne taal. Die titel van hierdie monumentale werk eggo die leuse van een van die vroegste taalstryders wat geglo het dat Afrikaans 'gemaak' kan word.

Die boek vertel die verhaal vanaf die taal se nederige begin in die 19de eeuse koerant, Die Afrikaanse Patriot, tot by vandag se trotse taalbakens soos kykNET, Naspers en LitNet. Dit volg die ontwikkeling van die eerste beskeie Afrikaanse toneelopvoerings tot by hedendaagse kunstefeeste en van die ontstaan van die Genootskap van Regte Afrikaners tot by instellings soos die Solidariteit Beweging.

'Ons gaan 'n taal maak' kyk nie net na die groei en ontwikkeling van Afrikaans nie, maar ondersoek ook die talryke terugslae en probleme wat die taal se sprekers moes oorkom - van die onderdrukking deur die Milner-bewind tot die benadeling deur die ANC-regering; van die skade weens apartheid tot by die verliese vanweë transformasie.

Rolspelers in hierdie verhaal sluit onder andere bekendes in soos S.J. du Toit, Gustav Preller, C.J. Langenhoven, N.P. van Wyk Louw en Breyten Breytenbach, maar ook ander minder bekendes (wie se bydraes dikwels onderskat word) soos Oom Lokomotief, Jannie de Waal, Vader Kestell en F.V. Engelenburg.

Die ernstige taalkwessies wat in 'Ons gaan 'n taal maak' ondersoek word, word deurlopend met humoristiese staaltjies en soms treurige anekdotes afgewissel.

'Ons gaan 'n taal maak': Afrikaans sedert die Patriot-jare is in opdrag van Kraal Uitgewers geskryf en daarmee rond Steyn die kultuurhistoriese en taalpolitieke navorsing af waarmee hy meer as 'n kwarteeu besig is.
Publikasiedatum: 2014-09-01
Klik om te vergroot
9780624063186

Sêgoed met slaankrag

R 245
Profetiese woorde, bekkighede en raakvat-sêgoed wat die toets van die tyd deurstaan het - alles deur Suid-Afrikaners - is saamgevat in dié boek. Temas soos die Afrikaner, man en vrou, lewenswyshede, politiek, sterwenswoorde en spyt-kom-te-laat woorde word gedek. Die boek bied 'n blik op Suid-Afrika se hede en verlede met aanhalings wat saakmaak deur bekende en gewone landsburgers. Segoed met slaankrag
Publikasiedatum: 2014-07-01
Klik om te vergroot
9781869199791

Maties en Afrikaans

R 150
Sedert die totstandkoming van die Universiteit van Stellenbosch het 'n noue verband met Afrikaans bestaan. Die behoefte aan 'n tersiêre inrigting met Afrikaans/Nederlands as voertaal was immers die vernaamste enkele rede vir die ontstaan van dié universiteit. In die 1990's het Afrikaans as voertaal by tersiêre instellings toenemend onder druk gekom, en Stellenbosch het nie die veranderende sienings en hewige debatte oor die rol van Afrikaans vrygespring nie. In 2002 het dié debat oor Afrikaans op Stellenbosch tot die openbare terrein toegetree toe Die Burger in 'n prominente voorbladberig die US se Konvokasie se kritiek op die voorgestelde nuwe taalbeleid van die Universiteit aangekondig het. 'n Komitee het aanbeveel dat US nie meer net 'n Afrikaanse universiteit moet wees nie maar 'n meertalige universiteit wat Afrikaans bevorder. Die Konvokasie het die teenoorgestelde aanbeveel: US moet 'n Afrikaanse universiteit wees wat meertaligheid bevorder.
Dié debat het spoedig uitgekring en verskillende bevolkingsgroepe oor die hele land betrek. Die taalhistorikus Jaap Steyn het daarna verwys as die vyfde groot taaldebat oor die plek en rol van Afrikaans. (Die tweede van hierdie vyf debatte het ook op Stellenbosch afgespeel, in besonder tussen 1905 en 1918).
Aan die hand van uitgebreide dokumentasie wat korrespondensie, e-posbriewe en koerantartikels insluit, teken die skrywer die verhaal van Afrikaans op Stellenbosch op en bespreek die taaldebat van verskillende kante en vra ook indringende vrae oor die manier waarop die taalkwessie in die toekoms hanteer behoort te word.
Publikasiedatum: 2014-01-01

© All Rights Reserved 2017
A Product of CEIT Development