●●● GRATIS aflewering op bestellings bo R500 in RSA ●●● AFSLAG SLEGS OP AANLYNBESTELLINGS ●●●

Kinders
Tieners

Results 1 to 15 of 193
Gesorteer volgens:  Publikasiedatum
Klik om te vergroot
Klik om te vergroot
9780639604220

Kinders: Tieners

Kinders  -  Tieners
R 250
R 200Jy spaar R 50
Lily Linvelt se enigste missie is om 'n oeroue blommetjie in Ierland, in die Burren, te vind. Sy moet 'n elikser maak om haar ma te red wat 'n paar maande gelede deur 'n bloedsuiervlermuis in die einste Burren gebyt is.
Terwyl sy daar is, ontmoet Lily vir Sterling Ashford. Hy is 'n natuurbewaarder en -kenner in die Burren en hy help vir Lily om die seldsame blommetjies op te spoor. Hy is beeldskoon en enigmaties. Geheimsinnig en verleidelik. Sy hele wese drup van … betowering. Lily kom egter voor meer uitdagings te staan. Sy ontdek 'n geheim oor Sterling wat die wind uit haar seile neem en 'n bonatuurlike wêreld vir haar oopsluit, een wat sy gedink het net in fantasieë bestaan. Cobalt, die parfumeur by wie sy enfleurage leer doen, en sy honde het boonop sy eie duistere agenda. Die magiese blommetjies groei ook net in die diepste gevaarlikste deel van die Graganwoud en vele vyandige wesens staan haar en Sterling teë om betyds die elikser vir haar ma te maak …
'n Vampier romanse, soortgelyk aan Twilight, vir ouer tieners / jong volwassenes.
Publikasiedatum: 2021-05-31
Klik om te vergroot
Klik om te vergroot
9780624092476

Kinders: Tieners

Kinders  -  Tieners
R 210
R 168Jy spaar R 42
Na die ontstellende gebeure by die viering van sy ma terugkeer, vlug Josh van Liba af weg. Op soek na slaapplek dwaal hy en Charlie die misterieuse Geelwoud binne. Hier vind Josh tydelik geluk wanneer die kinders van die Nuwe Jerusalem hulle in hulle boomdorpie laat bly. En Jandja, die tienerleier van die groep, is 'n seun soos hy. Maar Josh weet Kalimbula brand. Hy moet iets doen. Dan is daar nog vrae: Het Njeri hom regtig verraai? En wat lê agter tannie Verona se obsessie met die Wafu-water?
Publikasiedatum: 2021-05-24
Klik om te vergroot
Klik om te vergroot
9780798181785

Kinders: Tieners

Kinders  -  Tieners
R 160
R 128Jy spaar R 32
Rugbyballe en bikini's 
Daar's 'n ou in my aarbei-smoothie
My hart klop muffins

Drie van die gewildste Eerste Liefde-stories in een.
In Rugbyballe en bikini's kan niks Anelle se vakansie op Duinebaai bederf nie. Maar hoekom laat Martin haar so anders voel?

In Daar's'n ou in my aarbei-smoothie steek 'n geheime bewonderaar boodskappe in Yolandé se tas weg.

In My hart klop muffins laat die ou met die Franse naam Kat se hart jaag. Maar wat is Pierre se donker geheim?
Publikasiedatum: 2021-05-20
Klik om te vergroot
Klik om te vergroot
9781485312291

Kinders: Tieners

Kinders  -  Tieners
R 160
R 128Jy spaar R 32
Uiteindelik kan Daniël en sy vriende vir 'n naweek na die plot gaan en ontspan - en sommer ook wegkom van Peet wat al weer op hulle spoor is. Maar Daniël se sussie, Chrissie, is siek met iets wat aansteeklik lyk en die dokter het gesê hulle mag nie naby haar kom nie. Daniël vind die perfekte oplossing: Hulle kan langs die rivier kamp! Terwyl hulle met binnebande in die rivier afdryf, sien hulle iets wat verdag lyk by oom Giel Larson se plek. Dalk is dit niks, maar sê nou die oom is werklik in die moeilikheid. Hulle rustige kampnaweek raak baie vinnig baie gevaarlik wanneer hulle gaan ondersoek instel …


Kamp is nie vir sissies nie!
Publikasiedatum: 2021-04-06
Klik om te vergroot
Klik om te vergroot
9780639602370

Kinders: Tieners

Kinders  -  Tieners
R 195
R 156Jy spaar R 39
Wie het Demi Crowley vermoor?
Ses vriende woon 'n musiekfees in die Cederberg by. Net vyf kom terug. Vir haar sewentiende verjaarsdag nooi Demi Crowley haar vyf beste vriende saam met haar na 'n musiekfees vir die partytjie van die dekade. Maar wat veronderstel was om die beste nag van hulle lewens te wees, verander in 'n nagmerrie wat nie een van hulle ooit sal vergeet nie. Skerwe is 'n holderstebolder, wegholverhaal oor liefde, verlies en vriendskap wat jou lank gaan bybly.
Publikasiedatum: 2021-03-31
Klik om te vergroot
Klik om te vergroot
9780639604206

Kinders: Tieners

Kinders  -  Tieners
R 190
R 152Jy spaar R 38
Liefde op die maat van die musiek ... Toe Maya en Joe mekaar een aand by 'n kuierplek raakloop waar hulle dieselfde Franco de Jong-liedjie sing, begin haar netjies-beplande lewe verander. Te danke aan Joe vergeet sy van haar eks, Mark, en die rampspoedige einde van hulle verhouding. Sy kry die geleentheid om in Joe se band te sing, en nou is sy nie meer so seker dat sy medies wil gaan studeer nie ... Maar toe sy danksy Joe se band die kans kry om haar musiekheld, Franco de Jong, te ontmoet vind sy iets uit wat haar hele lewe in twyfel roep. Boonop is Mark se ma dodelik siek en sy begin al hoe meer tyd saam met haar eks, wat nog steeds vir haar lief is, spandeer. Wanneer alles waarin Maya geglo het skielik uitmekaarval, moet sy leer om haar eie wysie te skryf. Op die maat van Maya is 'n pragtige liefdesverhaal, maar vertel ook 'n dieper storie oor die band tussen 'n meisie en haar ouers. Die verhaal sal beslis aanklank vind by musiekliefhebbers, asook almal wat van 'n ietjie liefde hou. Die boek was op die kortlys van LAPA se Jeugromankompetisie 2019
Publikasiedatum: 2021-03-11
Klik om te vergroot
Klik om te vergroot
9781485311836

Kinders: Tieners

Illustreerder: Annet Schaap
Kinders  -  Tieners
R 295
R 236Jy spaar R 59
Lampie handel oor geheimsinnige seebewoners en rowwe seerowers. Oor die Swart Huis van die admiraal, waar daar glo 'n monster woon. Oor 'n grys vuurtoring op 'n eiland, wat nog net-net aan die vasteland vassit. Oor Lampie, die vuurtoringwagter se dogter, wat elke aand die een-en-sestig trappies uitklim om die lig aan te steek. Oor 'n stormagtige aand, wanneer die vuurhoutjies op is en alles skeefloop. Maar veral oor dapperheid en hoe jy meer kan regkry as wat jy ooit gedink het.

“Fan-tas-ties! Vir seker 'n reusegenot.” Trouw
“'n Indrukwekkende debuut. [ …] 'n Grootse, doldraaiende, sprokiesagtige avontuur wat jy op een slag deurlees.” NRC Handelsblad

OOR DIE OUTEUR
Annet Schaap (1965-) is veral bekend vir die kinderboekillustrasies van meer as 200 kinderboeke (o.a. vir titels van die kinderboekskrywers Francine Oomen, Jacques Vriens, Mieke van Hooft, Thea Dubelaar en Janneke Schotveld). Sy debuteer in 2017 as skrywer met die kinderboek Lampje, waarvoor sy die Nienke van Hichtum-prys ontvang. Dit is die eerste keer dat hierdie prys aan 'n debuutwerk toegeken is. Lampje word vervolgens ook in 2018 bekroon met die Gouden Griffel (in Nederland) en die Boekenleeuw (in België), en is ook in Afrikaans beskikbaar as Lampie (vertaal deur Zandra Bezuidenhout).
Publikasiedatum: 2021-03-04
Klik om te vergroot
Klik om te vergroot
9781485311805

Kinders: Tieners

Vertaler: Daniel Hugo
Kinders  -  Tieners
R 330
R 264Jy spaar R 66
'N JONG HELD.
'N BELANGRIKE OPDRAG.
'N ONGELOOFLIKE AVONTUUR.

Tiuri verbreek die reëls wat bepaal dat hy met niemand mag praat die nag voor hy tot 'n ridder geslaan word nie. Hy maak die deur oop van die kapel waar hy oor sy toekoms moet nadink.

Die versoek om hulp blyk 'n gevaarlike opdrag te wees. Tiuri word agtervolg deur boosaardige Rooi Ruiters wat hom wil doodmaak. Maar hy is vas van plan om die uiters belangrike brief by koning Unauwen af te lewer. Die Swart Ridder met die Wit Skild het nie verniet met sy lewe geboet nie …

'n Middeleeuse verhaal wat jou hart vinniger laat klop.
'n Boek vir jonk en oud.

OOR DIE OUTEUR
Antonia “Tonke” Johanna Willemina Dragt (geb. 12 November 1930) is 'n Nederlandse kinderboekskrywer en -illustreerder. De brief voor de Koning is in 1963 bekroon met die Nederlandse Prijs voor het Beste Kinderboek en met die Griffel der Griffels 1955-2004. In 1976 is die Staatsprijs voor Jeugdliteratuur aan Tonke Dragt toegeken. Die Nederlandse film De brief voor de Koning verskyn in 2008, en die sesdelige Netflix-reeks The Letter for the King in 2020.
Publikasiedatum: 2021-03-04
Klik om te vergroot
Klik om te vergroot

2

9781776250363

Kinders: Tieners

Kinders  -  Tieners
R 180
R 144Jy spaar R 36
Elke droom begin met 'n dromer. Megan se droom is om saam met ander tieners 'n vliegtuig te bou en daaarmee van Kaapstad na Kaïro te vlieg. Haar doel is om kinders in ander Afrikalande te inspireer om ook hulle drome vlerke te gee. Toe die vliegtuig uiteindelik meer as 'n jaar later gereed is, pak sy en haar medevlieëniers 'n reis vol avonture en naelbyt-oomblikke aan.
As jy droom is 'n storie van durf, deursettingsvermoë, hoop en hartseer. 'n Avontuur met soveel adrenalien dat jy dit dalk vergesog sou noem - as dit nie die waarheid was nie ...

Daniëlla van Heerden is 'n TV-nuusleser en -joernalis. Vir haar werk by eNuus op kykNET is sy onder meer bekroon as die Nasionale Persklub se TV-nuusjoernalis van die jaar, en sy het ook 'n ATKV-mediaveertjie ontvang vir die beste TV-insetsel. Die Afrikaanse Taalraad het haar vereer met 'n
Kokertoekenning vir haar bydrae tot Afrikaans, en in 2017 word sy aangewys as die Noordwes-Universiteit se Jong Alumnus van die Jaar. Daniëlla en haar fotograafman Cornél het 'n dogtertjie, Simoné. Die gesin woon saam met hulle Jack Russells in Roodepoort.

Megan Werner is 'n 19-jarige vlieënier en motiveringspreker en stigter van die U Dream Global-inisiatief. Sy woon naby die Lanseria-lugawe in Johannesburg. Megan het in 2019 gematrikuleer en is tans besig met haar kommersiële vlieglisensie.
Publikasiedatum: 2021-02-19
Klik om te vergroot
Klik om te vergroot

15

9780639604176

Kinders: Tieners

Kinders  -  Tieners
R 200
R 160Jy spaar R 40
Vreesloos? Elle is eerder vrek bang. Haar matriekjaar spoed ten einde. Sy wil brieke gooi, want sy weet nie of sy kans sien vir 'n lewe anderkant die rooibaksteenmure van Gravitas nie. Waar ander meisies planne maak vir hul groot matriekvakansie, probeer sy daarvan vergeet. Sy wil elke laaste oomblik met oorgawe geniet. Soos die matriekdans. Op hierdie dans gaan sy 'n laaste kans kry om haar stempel af te druk. Dit moet onvergeetlik wees, veral vir die nuwe hoofmeisie en die graadelfs. Alles is droommooi: van die statige ou skoolgeboue tot haar metgesel in sy donker pak. Alles is supermega-stylvol: van die oerwoud in die skoolsaal tot die gourmet disse op die tafel. Mevrou Bender is op haar pos, goedkeurend en in beheer. Wat kan verkeerd loop? Net mooi alles. As haar droomdans dan wel onvergeetlik is, maar om al die verkeerde redes, moet Elle keuses maak. Sy en Refilwe moet die gevolge dra, want hulle is die gesig van Gravitas. En wat wag vir Elle en Refilwe aan die einde van die eksamen? Gaan dit 'n vakansie in 'n pienk bikini wees, of 'n verblyf in 'n tronksel in 'n oranje oorpak? Vreesloos is die laaste boek in die uiters gewilde ELLE-reeks.
Publikasiedatum: 2021-02-18
Klik om te vergroot
Klik om te vergroot
9780799397925

Kinders: Tieners

Kinders  -  Tieners
R 155
Verse vir tieners deur tieners
In hierdie unieke boek is versies opgeneem wat deur hoërskoolleerders geskryf is. Marita van der Vyver, bekroonde skrywer van Al wat ek weet, het die leerders begelei tydens die skryfproses.
'n Voorbeeldversie:
Is jy regtig lief vir my?
Want jy't nog tyd om rond te gly
Is jy regtig lief vir my?
Want jy laat my keer op keer seerkry
Is jy regtig lief vir my?
Just let me know and I'll let you stay
Publikasiedatum: 2021-02-13
Klik om te vergroot
Klik om te vergroot
9780639602165

Kinders: Tieners

Kinders  -  Tieners
R 225
R 180Jy spaar R 45
WARNO SAL MOET KEER, WANT NOU'S DAAR MÉÉR. MEER SKRIKKE. MEER SKOKKE. MEER SPOKE. Gedink jy kan nie verder verras word nie? O ja, jy kán … Dis tyd vir oorlog en die spooksoeker van Sekelrivier se aartsvyand, Henry, gaan alles in die stryd werp. Hy speel graag speletjies - en hy speel graag vuil. Niks wat Warno en Allies al geleer het, kon hulle gereed kry vir wat hier aankom nie. Nuwe onthullings. En nuwe gevare. Wat is die slangvrou se geheim? Hoe het Warno se pa gesterf? Watter wrede jong gedaante dwaal deur die dorp? En wat wag in die begraafplaas? Hierdie laaste Spooksoeker-boek is soos 'n wegholperd. Jy beter jou sit ken en klou vir al wat jy werd is! Hierdie boek volg op Spooksoeker #2 deur dieselfde skrywer en is die laaste boek in die trilogie.
Publikasiedatum: 2021-01-26
Klik om te vergroot
Klik om te vergroot
9780639601984

Kinders: Tieners

Kinders  -  Tieners
R 225
R 180Jy spaar R 45
Hannah is vasgekeer. Tussen die boom se blare waar sy soms vir haar lewe wegkruip en per ongeluk vir Lua, die coolste meisie wat sy ken, afloer. Sy is vas tussen die soet geure van haar ma se koekskeppings en haar uitgewaste jeans. Vas tussen haar pa se rugbesering terwyl hy plastiek-warlord speel en die wêreld vanuit sy studeerkamer probeer red. Vas in haar onvermoë om haarself te laat geld. Sy is moeg vir wegkruip, moeg om die enigste agter-die-klip-tiener te wees en te vries wanneer sy moet vlieg. Tot Lua onverwags ʼn paar ou rolskaatse vir Hannah gee en haar help om kelnerin by die akwarium se koffiewinkel te word. Hannah kom voor ʼn keuse te staan: veg, vlug of vries? Sy kies! Sy kyk video's oor hoe om bo te bly, want skaats gaan sy skaats. Die De Lange-broers kruis haar pad. Leo leer haar skaats, Ben wys haar die dolfyne en Hannah se vlerke kry vere. Sy vlieg en wanneer sy land ... land sy op wiele!
Publikasiedatum: 2021-01-26
Klik om te vergroot
Klik om te vergroot
9781485311232

Kinders: Tieners

Kinders  -  Tieners
R 250
Alfie het op veertien nie net koning geword nie, maar ook die Redder van die Ryk. Ná die Redder se verlore stryd teen die Swart Draak, het Professor Lock en sy mag ondooie Vikings Brittanje oorgeneem. Die reusetaak om sy land weer terug te wen weeg swaar op die jong koning se skouers, en hy moet 'n weermag oproep om hom daarmee te help. Intussen voer Hayley 'n rebellie in Londen se agterstrate. Alfie maak staat op sy vriende se hulp om dié epiese stryd aan te pak.
Dis die laaste boek in 'n aksiebelaaide trilogie.
Publikasiedatum: 2021-01-15
Klik om te vergroot
Klik om te vergroot
9780639604039

Kinders: Tieners

Kinders  -  Tieners
R 195
“Alle kinders is bang vir iets. As hulle sê hulle is nie, lieg hulle.”
'n Fantasieroman vir tieners. Joshua Reinders maak 'n groot fout. As hy net nie so bang was nie, het sy pa nooit daardie aand 'n kind geskiet nie. Dis hoekom hulle na Droomhoek moes vlug. Maar ook in Droomhoek teister die vrees hom. Skaduwees is nie net skaduwees nie. Geluide is nie net geluide nie. En mense is nie almal mense nie ...
“Almal het geheime,” waarsku Joshua se nuwe vriend Gio. Joshua besef net nie hoe naby daardie geheime aan hom lê nie. En wanneer hy dit uitvind, gaan sy hele wêreld op sy kop keer.
Die weerwolwe wag vir hom ...
Publikasiedatum: 2020-11-11

© All Rights Reserved 2018
A Product of CEIT Development
Koop Afrikaanse en Engelse boeke aanlyn en spaar tot 20% op Nuwe Vrystellings, Topverkopers en Engelse algemene publikasies. Graffiti vir nuwe boeke, topverkopers, opvoedkundige boeke, Christelike boeke en winskopies. Kry ook jou Moleskine Joernaal hier teen 20% afslag.Buy Afrikaans and English books online and save up to 20% on Afrikaans New Releases and Bestsellers, as well as on English general publications. Graffiti for new releases, bestsellers, Christian books, educational books and bargains. Stockist of Moleskine Journals.