●●● FREE delivery on orders above R450 in RSA ●●●
Click to enlarge
Click to enlarge
9780799399950

Fiksie: Romanses

Fiksie  -  Romanses
R 95
R 76You save R 19
Sy is nie wat hy as 'n “dokter” sou bestempel nie ... Anika Stadler verhuis van Bloemfontein af om as ginekoloog en verloskundige by die Krynauw Kliniek te begin werk. Haar eerste ontmoeting met Rynard Krynauw is toe sy “wederregtelik” op die dokters se parkering by Krynauw Kliniek met haar motorfiets parkeer en in haar leeruitrusting vasloop in dié uiters aantreklike man. Hy is dadelik bevooroordeeld teenoor haar met haar voorkoms en motorfiets. Hy het kort gelede die pos as administrateur by sy broer oorgeneem en was nie dié nuwe dokter te wagte nie. Daar is dadelik 'n vonk tussen hulle, en hulle het noodgedwonge heelwat kontak met mekaar, veral toe Rynard aanbied dat Anika op hul landgoed kan kom bly. Romanza is LAPA Uitgewers se romansereeks, wat vergelyk kan word met Mills & Boon en Harlequinromanses. Soen my, asseblief is Dina Botha se jongste romanse. Haar vorige romanses in die Romanza-reeks sluit die volgende in: - ʼn Storieboekromanse (Augustus 2018), - Elke dag, vir altyd (Maart 2019), - Soen ʼn vreemdeling (Julie 2019), en - Halsoorkop verlief (Oktober 2019).
Publication date: 2020-07-30
Click to enlarge
Click to enlarge
9780639600017

Fiksie: Romanses

Fiksie  -  Romanses
R 95
R 76You save R 19
Soms word diamante op die mees ongewone plekke gevind ... Tersia se ideale man is die filmster Ryan Gosling. Sy meet elke man wat sy ontmoet aan haar filmheld. Die woestynlandskap van Namibië is die teenoorgestelde van haar lowerryke tuiste in Durban en die teleurstelling toe haar pos by die koffieplek oorbodig word, strook glad nie met haar Hollywood-lewensuitkyk nie. Is die blonde Duitser saam met wie sy later gidswerk doen by die spookdorp Kolmanskop werklik, soos haar oupa en ouma vermoed, 'n diamantsmokkelaar? As dit waar is, draai haar ervarings in die Suid-Afrikaanse buurland al haar lewensverwagtinge op hul kop want die man kom nogal naby aan haar ideale beeld van 'n trouman. Maar Dieter is 'n man van vlees en bloed en al die tekens dui op 'n verhouding tussen hom en Tersia se hospita, Reinet. Wanneer Dieter egter tydens 'n safari na Sesriem en Sossusvlei van die radar af verdwyn, moet Tersia besluit of hy die moeite werd is om voor te veg. Die problematiese werkswêreld van vandag vir jongmense word voorgestel wanneer die heldin haar werk verloor kort nadat sy spesiaal na Namibië verhuis vir ʼn werk. Sy is vir ʼn kort rukkie werkloos daarna. Romanza is LAPA Uitgewers se romansereeks, wat vergelyk kan word met Mills & Boon en Harlequinromanses. Tersia se Namibdiamant is Ida Bester se jongste romanse. Haar vorige romanses in die Romanza-reeks sluit die volgende in: - Kammabruid (Junie 2016), - Die paartjieknoper (Julie 2017), - ʼn Machoman leer liefdestaal (Augustus 2017), en - ʼn Geur vir elke vrou (Oktober 2018).
Publication date: 2020-07-30
Click to enlarge
Click to enlarge
9780799399981

Fiksie: Romanses

Fiksie  -  Romanses
R 95
R 76You save R 19
Los jy werklik jou probleme agter wanneer jy die deur daarop sluit? Marguerite Rossouw, of Magriet, soos almal haar noem, vlug na Sedgefield om beheer oor haar eie lewe te kry. Sy het lanklaas gevoel of sy haar eie toekoms bepaal: Haar pa het vir haar miljoene rande gelos en haar man is 'n beheervraat. Sy gebruik die naam Melissa en vind vrede in dié kusdorpie. Hier ontmoet sy Aaron Dorfling, 'n aantreklike vreemdeling wat vir haar blyplek aanbied nadat 'n ongeluk haar van haar geheue beroof. Wanneer sy uiteindelik haar geheue herwin, besluit sy om haar identiteit 'n geheim te hou en steeds die naam Nina, soos die verpleegsters haar in die hospitaal gedoop het, te gebruik. Sy besef ook dat sy vir Aaron lief geword het, maar haar ou lewe saam met Paul dreig om haar nuutgevonde geluk saam met Aaron te verwoes. Romanza is LAPA Uitgewers se romansereeks, wat vergelyk kan word met Mills & Boon en Harlequinromanses. Voor ʼn oop deur is Frieda van der Westhuizen se jongste romanse. Haar vorige romanses in die Romanza-reeks sluit die volgende in: - Derde keer gelukkig (Junie 2014), - Haar trouman (Januarie 2015), - Bosveldroos (Desember 2015), en - Liefde ruik soos katjiepiering (Junie 2019).
Publication date: 2020-07-30
Click to enlarge
Click to enlarge
9780639600048

Fiksie: Romanses

Fiksie  -  Romanses
R 95
R 76You save R 19
Laat staan die wewenaar! Is die roep van 'n naguiltjie Nurinke se beterwete wat haar probeer waarsku? Nurinke kan nie seker wees nie. Wat sy wel weet is dat haar impulsiewe geklouter op 'n spieëlkas om 'n reistas in die hande te kry vir 'n kuier by Frans (haar amperverloofde in Europa) asook die katastrofiese val daarna, meer as net 'n gebreekte enkel vir haar tot gevolg het: Behalwe 'n belowende loopbaan wat daarmee saam in die niet verdwyn het, is sy boonop genoop om by haar ouma op 'n Karooplaas te gaan herstel. Dis daar waar sy haar ouma se befoeterde wewenaar-buurman, Lood Verwey, met sy stom seuntjie ontmoet wat Nurinke se ewewig laat wankel. Hoekom ervaar sy opeens gevoelens waarmee sy nog nooit te doen gekry het nie, emosies wat dierbare Frans nog nooit in haar wakker gemaak het nie? Hoekom sê hierdie wewenaar vir haar dinge wat sy nie wil hoor nie, maar wat haar tot stilstand bring? Vuurwarm, hamer sy woorde in haar kop wanneer sy haar oë styf toe maak. Hoekom klink dit soos 'n vals noot in 'n andersins perfekte simfonie? Gaan impulsiewe Nurinke uiteindelik die regte besluit neem? Gaan sy haar ware emosies onderdruk of gaan sy toelaat dat haar hart vlerke kry? Die verhaal bevat ʼn element wat verwys na mensehandel en veral kinderontvoering - iets wat tans ʼn aktuele saak is in Suid-Afrika ná die ontvoering van Amy'Leigh de Jager gedurende September 2019. Dit fokus ook op die herstelproses van families ná die afsterwe van ʼn ouer en hoe die oorblywende ouer hul enkelouerstatus moet aanvaar en vrede daarmee maak (in hierdie verhaal speel die held se Christenskap ʼn rol om hierdie nuwe lewenswyse te aanvaar). Die onderdrukking van persoonlike eienskappe tot voordeel van die samelewing en tot nadeel van die individu is ook ʼn onderwerp in hierdie verhaal. Romanza is LAPA Uitgewers se romansereeks, wat vergelyk kan word met Mills & Boon en Harlequinromanses. Roep van 'n naguil is Rina Cilliers se debuut Romanza.
Publication date: 2020-07-30
Click to enlarge
Click to enlarge
9780639600314

Fiksie: Romanses

Fiksie  -  Romanses
R 250
R 200You save R 50
Dié lelike eendjie moet oortuig word van haar eie waarde ... Paloma het 20 jaar gelede alle mans afgesweer toe sy die dag voor haar troue uitvind dat haar verloofde haar verkul. Dit is net té seer, veral wanneer gene vir jou 'n peervormige lyf gegee het en jy net nie goed genoeg is nie. Sy lewe rustig saam met haar honde, hoenders en koffiewinkel klante vir geselskap. Haar familie het geëmigreer; gaan sy ry of gaan sy bly? Maar dan trek daar nuwe bure in aan weerskante; die baie aantreklike en geskeide Arno, en die ongelooflik sexy Sindisiwe aan die ander kant. Beide het lesse vir Paloma om te leer ... Arno raak betrokke by sy eiesoortige buurvrou met haar lang geblomde rompe en mooier-as-mooi kaal voete. Hy help haar toe haar hond uitgesit moet word, en maak vrede met haar astrante hoenderhaan Kallie wat tydig en ontydig by hom kom kuier. Paloma ontmoet sy familie, en vind uit dat alle families maar vreemd is op hul eie manier. Haar nuwe buurvrou dwing haar om 'n make-over te doen, en vir die eerste keer begin sy besef dat mens nie volmaak hoef te wees om liefgehê te word nie. Die man langsaan is 'n verhaal oor self-aanvaarding, en liefde en vriendskap op onverwagse plekke.
Publication date: 2020-06-15
Click to enlarge
Click to enlarge
9780639600079

Fiksie: Romanses

Fiksie  -  Romanses
R 95
R 76You save R 19
Sy aanbod is aantreklik, maar kan sy bekostig om haar hart ook te verloor? Kiara, 'n suksesvolle skrywer van liefdesromans, se bankbalans lyk beroerd, haar ryding is onbetroubaar, haar persiese kat, Skat, stel haar gedurig in die verleentheid, en sy kry nie 'n held vir haar vurige heldin geskryf nie. Haar geheimsinnige buurman lyk dalk soos 'n held, het die naam van 'n engel, maar vir Kiara is hy eerder 'n kruising tussen Attila die Hun en die duiwel self. Sy vermoed ook dat hy haar hipnotiseer. Hoekom anders sou sy sy werksaanbod aanvaar? Veral 'n aanbod wat heeltemal teen haar beginsels is … Hierdie is 'n spesiale heruitgawe van Romanza se eerste titels om ons vyftiende bestaansjaar te vier. Die teks is deur die skrywer opgedateer en 'n nuwe omslag is ontwerp. Dit bevat ook 'n huldeblyk aan Cecilia Britz, die stigter van Romanza, wat in 2019 oorlede is.
Publication date: 2020-06-15
Click to enlarge
Click to enlarge
9780639600093

Fiksie: Romanses

Fiksie  -  Romanses
R 95
R 76You save R 19
Twee harte, een storie ...
Philip Marais is suksesvol en besig, besig, besig. Tyd is geld en geld is belangrik as hy, anders as sy pa, na sy gesin wil omsien. Maar Nandi vra meer van hom - sy wil 'n pa vir Buks hê en 'n man se lyf langs hare in die dubbelbed. Tog sou sy nooit kon raai dat dit op 'n egskeiding sou uitloop nie. Soms moet 'n ma doen wat 'n ma moet doen, maak nie saak hoe impulsief dit is nie. Maar Philip het blykbaar aanbeweeg, want daar is 'n melktert in die yskas en 'n paar pers pantoffels met tossels onder sy bed.
Nandi wil nie hê Buks moet sonder sy pa grootword nie, en sy wil ook nie hê 'n ander vrou moet aan haar kant van die bed slaap nie. Sy sal 'n plan moet beraam om vir Phillip te wys dat hulle 'n perfekte paartjie is ...
Hierdie is 'n spesiale heruitgawe van Romanza se eerste titels om ons vyftiende bestaansjaar te vier. Die teks is deur die skrywer opgedateer en 'n nuwe omslag is ontwerp. Dit bevat ook 'n huldeblyk aan Cecilia Britz, die stigter van Romanza, wat in 2019 oorlede is.
Publication date: 2020-06-15
Click to enlarge
Click to enlarge
9780639600130

Fiksie: Romanses

Fiksie  -  Romanses
R 95
R 76You save R 19
Hy lyk soos 'n Keltiese kryger en aanvaar nie “nee” vir 'n antwoord nie
Brian O'Connor is 'n man wat weet wat hy wil hê én hoe om dit te kry. Hy draai elke vrou om sy pinkie, maar het niemand nog toegelaat om sy hart in te palm nie - todat hy die beeldskone Misha Malan ontmoet. Misha staal haar teen die betowerende uitwerking wat hierdie charismatiese Ier op haar het. Maar dis moeilik, want hulle moet ʼn huis op Mauritius saam met ses ander deelnemers aan ʼn realiteitsprogram deel. Die prysgeld is 'n halfmiljoen dollar en agt weke is lank ...
Hierdie is 'n spesiale heruitgawe van Romanza se eerste titels om ons vyftiende bestaansjaar te vier. Die teks is deur die skrywer opgedateer en 'n nuwe omslag is ontwerp. Dit bevat ook 'n huldeblyk aan Cecilia Britz, die stigter van Romanza, wat in 2019 oorlede is.
Publication date: 2020-06-15
Click to enlarge
Click to enlarge
9780639600116

Fiksie: Romanses

Fiksie  -  Romanses
R 95
R 76You save R 19
Hy is arrogant, onkonvensioneel, dodelik aantreklik en 'n rokjagter ...
Rob Kellerman trek vroue soos 'n magneet na hom toe aan. Almal sê dit gaan nog sy ondergang beteken. Boonop is hy suksesvol en skatryk. Hy maak sy eie reëls en toe hy besluit dat Mia Retief vir hom moet kom werk is dit 'n gedane saak. Mia is vasbeslote om nie vir hom te val nie. Maar dit is makliker gesê as gedaan aangesien sy daagliks in sy geselskap is. Haar uithouvermoë word elke minuut beproef, want Rob is 'n meester in die kuns om werk en plesier te meng.
Hierdie is 'n spesiale heruitgawe van Romanza se eerste titels om ons vyftiende bestaansjaar te vier. Die teks is deur die skrywer opgedateer en 'n nuwe omslag is ontwerp. Dit bevat ook 'n huldeblyk aan Cecilia Britz, die stigter van Romanza, wat in 2019 oorlede is.
Publication date: 2020-06-15
Click to enlarge
Click to enlarge

14

9780799399332

Fiksie: Romanses

Fiksie  -  Romanses
R 95
R 76You save R 19
Soms lei 'n afdraaipad na die regte eindbestemming ... Ayla vind met 'n skok uit dat sy swanger is. Die simptome was daar, maar sy het bly hoop dat sy iets anders makeer. Sy is sedert haar skooljare verlief op Adam Durandt, die kroonprins van die Durandt-sakeryk. Maar sy en haar alkoholispa het aan die verkeerde en armste kant van die dorp, Bloekomlaan gebly. En in Randdahl bepaal 'n mens se agtergrond jou sosiale status. Daarom sal Ayla nooit goed genoeg wees vir die ryk Adam Durandt nie, al droom sy al jare lank oor hom. Haar pa is intussen oorlede, en sy sorg vir haarself en het baie drome vir haarself gehad - ook om uiteindelik Randdahl te verlaat. Haar swangerskap verpletter egter haar drome, ook nog meer toe Adam aanvanklik niks wil weet van die baba nie. Hulle het tydens 'n vriendin se verlowingspartytjie te ver gegaan, maar nou wil hy niks met die gevolge van daardie een aand te doen hê nie. Adam se skatryk familie verwag van hom om met die ewe ryk Patricia Bicknell te trou, maar dis glad nie wat hy wil hê nie. Aanvanklik lyk die nuus waarmee Ayla die mat onder sy voete uitruk na 'n ramp, maar hy besef gou dat dit eerder as 'n seën gesien moet word en hom die uitkoms bied waarna hy verlang. Romanza is LAPA Uitgewers se romansereeks, wat vergelyk kan word met Mills & Boon en Harlequin-romanses. Ayla se sonde is Alma Carstens se jongste romanse. Haar vorige romanses in die Romanza-reeks sluit die volgende in: Lenteliefde (Februarie 2018), Somersprokie (Julie 2018), Winterdroom (Oktober 2018), Liefde uit Italië (Junie 2019), en Die onwillige strooimeisie (Desember 2019)
Publication date: 2020-05-13
Click to enlarge
Click to enlarge
9780799399394

Fiksie: Romanses

Fiksie  -  Romanses
R 95
R 76You save R 19
Hy móét die kampeernaweek enduit voer, want sy hele erfenis hang daarvan af! Christelle het die perfekte lewe met die perfekte maat (haar wit Labrador, Walter) of so het sy gedink tot Joshua Steyn haar hele selfgemaakte prentjie kom omvêr gooi. Wat sy ook al van Joshua dink sal haar nie kan voorberei op die sterk band wat amper oombliklik tussen hulle vorm nie, maar sal dit genoeg wees om tot voorspelbare en loopbaangedrewe Joshua deur te dring? Joshua het nie nou tyd of lus vir enige afwyking in sy toekomsplanne nie maar die noodlot het duidelik ander idees daaromtrent. Christelle se chaotiese manewales laat hom pens en potjies in die warmwater en buite sy gemaksones beland, en hy kan dit nie help nie maar hy hou daarvan! Romanza is LAPA Uitgewers se romansereeks, wat vergelyk kan word met Mills & Boon en Harlequin-romanses. Kiekies en koffie is Louise van der Merwe se eerste romanse in die Romanza-reeks.
Publication date: 2020-05-13
Click to enlarge
Click to enlarge

7

9780799399363

Fiksie: Romanses

Fiksie  -  Romanses
R 95
R 76You save R 19
Sy vlug nog altyd van hom, maar hy hou haar hart veilig in sy hand Rachelle de Villiers raak aan die begin van haar matriekjaar smoorverlief op haar stiefbroer, Jakobus (Jakes) Fouché, maar sy voel deurentyd asof hy haar skaars kan verdra. Hy gesels met en terg haar vriendinne, maar vir haar hou hy op 'n afstand. Tot aan die einde van haar matriekjaar, toe hy een aand met haar dans en haar vertel dat hy haar betowerend vind. Ongelukkig vind daar 'n ernstige rusie tussen Jakes en Rachelle plaas en sy besluit om eerder Stellenbosch toe te gaan vir haar studie as om in Pretoria, haar tuisstad, te swot. Sy verban Jakes uit haar lewe en oortuig haarself dat sy niks van hom dink nie. Meer as ses jaar verloop voordat sy teruggaan Pretoria toe om by haar stiefpa te kuier, vas onder die indruk dat Jakes nog lank oorsee gaan wees met 'n projek waaraan hy werk. Maar Jakes kom vroeër terug, en die ou aantrekkingskrag tussen hulle vlam weer op. Hy stel voor dat hulle mekaar as volwassenes leer ken en ter wille van sy pa van al die vyandigheid tussen hulle ontslae raak. Rachelle besef gou dat haar lank-gelede verliefdheid nou haar groot liefde is. Sy hoor 'n gesprek wat sy nie moes hoor nie en begin ernstig twyfel of sy en Jakes ooit vir mekaar bestem is. Maar wat die verstand dink en wat die hart voel is nie altyd versoenbaar nie ... Romanza is LAPA Uitgewers se romansereeks, wat vergelyk kan word met Mills & Boon en Harlequin-romanses. Om die sterre te raak is Renda de Waal-Fourie se eerste romanse in die Romanza-reeks.
Publication date: 2020-05-13
Click to enlarge
Click to enlarge

10

9780799399424

Fiksie: Romanses

Fiksie  -  Romanses
R 250
R 200You save R 50
Dis of sy vir die heel eerste keer kan vóél … Terwyl Natasha haar huwelik probeer ontbind, klou haar ontroue man onverwags daaraan, beslis nie omdat hy skielik ontdek het hy het haar eintlik lief nie. Saam met die stuiptrekkings van hierdie huwelik, verskyn 'n ander komplikasie in haar lewe: 'n man wat sy vier jaar gelede op haar wittebrood gesien het en nooit kon vergeet nie. Nooit, ooit sal sy haar weer in 'n huwelik begewe omdat dit die regte ding is om te doen nie, neem sy haar voor, of om iemand anders te behaag. Dit kos haar egter nie juis oorreding om Marc daarvan te oortuig nie. Hy glo trouens glad nie in die huwelik nie, en omdat hy so dikwels vir sy werk in Londen moet wees, is dit nie eens 'n opsie nie. Al twee weet hul fisieke aantrekkingskrag kan vir hulle net pyn bring. En al twee vind dit ewe moeilik om van mekaar af weg te bly. Toe gebeur daar iets wat hul lewe totaal omvergooi en hulle moet sterk staan in omstandighede wat nie een van hulle voorsien het nie. Lesers kry weer met die karakters op Assordante te doen wat in As dit proe soos liefde was. As dit voel soos liefde is Didi Potgieter se tweede langer romanse. Didi se boeke kan vergelyk word met dié van Dina Botha, Marilé Cloete en Elsa Winckler.
Publication date: 2020-05-13
Click to enlarge
Click to enlarge
9780799399301

Fiksie: Romanses

Fiksie  -  Romanses
R 95
R 76You save R 19
Sy is tuis tussen vriende en dis al wat nou saak maak, of ís dit? Jennie Mouton is 'n verstandige meisie wat 'n enkele dwase besluit in haar lewe geneem het. Sy het op haar eie in Europa gaan toer en halsoorkop by 'n vurige Pool ingetrek. Die verhouding word gou afbrekend en toksies van aard. Toe sy uitvind sy is swanger, besef sy sy moet wegbreek en terugkeer na haar ouers en haar vriendekring in die Klein-Karoo. By haar ouers aangekom is daar aanvanklik nie vir haar genade nie en dit is in haar vriendekring waar sy met liefde ontvang en aanvaar word. Herman Fick is die macho-haarkapper, die hartebreker, die grapmaker, maar ook die man wat sy dogter alleen grootgemaak het. Niemand op die dorp weet wat tussen hom en die ma van sy kind gebeur het en wat van haar geword het nie. Definitief sal niemand ooit vermoed dat hy die een kon wees wat in sy huwelik mishandel is nie. Herman en Jennie vind dat hulle nie die ou vriendskapsbande so gemaklik kan optel nie. Wanneer hy sy geheim met haar deel, vorm dit die grondslag vir 'n veel dieper verhouding. Romanza is LAPA Uitgewers se romansereeks, wat vergelyk kan word met Mills & Boon en Harlequin-romanses. Vir altyd lente is Marilé Cloete se jongste romanse. Haar vorige romanses in die Romanza-reeks sluit die volgende in: Reg vir my (September 2018), Perfek vir my (Januarie 2019), en Genoeg vir my (Junie 2019). Vir altyd Lente vorm deel van Marilé se Seisoene-reeks: Hoogsomerliefde (September 2019), en Nooit weer winter (Februarie 2020).
Publication date: 2020-05-07
Click to enlarge
Click to enlarge

13

9780799399127

Fiksie: Romanses

Fiksie  -  Romanses
R 95
R 76You save R 19
Tyd kan nie teruggedraai word nie, maar ʼn paartjie kán tog oor begin
Luzaan en Jacques was jare gelede in hulle matriekjaar in ʼn verhouding. Pas nadat sy haar maagdelikheid aan hom geskenk het, het hy haar soos ʼn warm patat laat staan en Luzaan was die groot bespotting van haar skoolvriende.
Wat Luzaan nie geweet het nie, is die feit dat Jacques se ma destyds ʼn ultimatum aan hom gestel het: Hy laat staan vir Luzaan of sy sal sorg dat Luzaan se toekoms verwoes word.
Nou is dit sewe jaar later en Luzaan is aan die vooraand om vennootskap in ʼn ouditeursfirma te kry. Jacques kontak haar werkgewer en Luzaan moet teen wil en dank as deel van ʼn ouditspan na Jacques se vakansieoord gaan. Omdat sy bang is dat hy sal agterkom dat sy steeds nie van hom kon vergeet nie, oortuig sy haar ouditmaat, Marko, om haar te help om voor te gee dat hulle in ʼn verhouding betrokke is.
Dinge boemerang vinnig, want Luzaan se hart behoort nou maar eenmaal aan Jacques. Bo en behalwe vir die feit dat Jacques se ma steeds soos ʼn rots tussen hulle staan, is daar nog Brittany du Preez om mee rekening te hou en dan raak Marko óók nog verlief op Luzaan! Tog kry hulle dit reg om die verlede agter hulle te sit en alle struikelblokke te oorkom, want die liefde seëvier altyd.

Romanza is LAPA Uitgewers se romansereeks, wat vergelyk kan word met Mills & Boon en Harlequin-romanses. Oudit op haar hart is Antoinette Venter se eerste romanse in die Romanza-reeks. Ander titels wat sy onder die RomanzaLiefde-druknaam uitgegee het sluit die volgende in:
-Bie op haar hart (Junie 2018),
-Val vir sy hart (Januarie 2019), en
-Salf vir haar hart (Junie 2019).
Publication date: 2020-03-30

© All Rights Reserved 2018
A Product of CEIT Development
Koop Afrikaanse en Engelse boeke aanlyn en spaar tot 20% op Nuwe Vrystellings, Topverkopers en Engelse algemene publikasies. Graffiti vir nuwe boeke, topverkopers, opvoedkundige boeke, Christelike boeke en winskopies. Kry ook jou Moleskine Joernaal hier teen 20% afslag.Buy Afrikaans and English books online and save up to 20% on Afrikaans New Releases and Bestsellers, as well as on English general publications. Graffiti for new releases, bestsellers, Christian books, educational books and bargains. Stockist of Moleskine Journals.