●●● R50 delivery on orders above R500 in RSA ●●● DISCOUNT APPLIES TO ONLINE ORDERS ONLY ●●●
Click to enlarge
Click to enlarge
9780639609805

Fiksie: Romanses

Fiksie  -  Romanses
R 95
R 76You save R 19
'n Nuwe muse ... Gabi gaan op vakansie na Hampshire. Sy is 'n kunstenaar wat 'n nuwe muse moet vind ná 'n liefdesteleurstelling en die dorpie lyk na die ideale plek om haar wonde te lek. Kort na haar aankoms word sy byna vertrap op Robbers' Common deur die enigmatiese Sam Macleod en sy perd. Haar enkel word ernstig beseer en haar planne deeglik in die wiele gery. Sam neem verantwoordelikheid vir Gabi se besering, maar sy vermoed hy is net besorg oor haar omdat hy na ʼn kunsonderwyser soek. Sy weier om by'n man met bymotiewe betrokke te raak. Totdat die pragtige Cloisters en aantreklike Sam vir haar meer as net inspirasie word.
Publication date: 2021-10-31
Click to enlarge
Click to enlarge
9780639609782

Fiksie: Romanses

Fiksie  -  Romanses
R 95
R 76You save R 19
Soos 'n feniks uit die as ... Anja verdien 'n blaaskans en die toer na Thailand is net wat sy nodig het. Wat sy nie verwag nie, is om Martin hier in Bangkok raak te loop. Die man is nie net voor op die wa nie, hy het haar ook 'n snob genoem. Dis onmoontlik om hom te vermy in 'n toergroep van tien mense. In die tropiese poele van Erawan Park begin dinge vir haar uitmekaarval wanneer sy ontdek dat hy die lyf van 'n Men's Health-model het en dat daar meer agter sy donker oë skuil as net terg en tart. Doodgewone veldgids? Toe nie. Hy jaag haar bloeddruk op en laat haar weer hoop vir meer in haar lewe as net haar werk. Maar wat as hulle mekaar tot as verbrand? En is hy en Clarice werklik net vriende?
Publication date: 2021-10-31
Click to enlarge
Click to enlarge
9780639609768

Fiksie: Romanses

Fiksie  -  Romanses
R 95
R 76You save R 19
Hoe bou twee mense 'n toekoms saam wanneer beide hul fondasies verloor het? Reinet Schreuder en haar twee identiese susters sit almal sonder werk wanneer die pandemie alles ontwrig. Om geld te spaar, trek Reinet en Maret in by suster Anet op hulle grootworddorp in die Swartland. Wanneer die paniek en die selfbejammering uiteindelik bedaar, begin dié drieling se toekomsbeplanning. Reinet kom gelukkig reg wanneer sy die kans kry om 'n koffiestalletjie in 'n koringland langs die hoofpad te bestuur. Die geluk hou aan wanneer haar eerste kliënt Reinier is, 'n boer wat weens die droogte sy plaas in die Noordweste moes verlaat. Nes Reinet, is hy hier om by familie te bly terwyl hy weer op sy voete kom. Dis net logies dat die drie susters hierdie nuweling in hulle sirkel innooi, en so word die Vier Musketiers gestig. Terwyl hulle werskaf om 'n diens aan die gemeenskap te lewer en weer finansieel selfstandig te word, besef Reinet en Reinier die aantrekkingskrag tussen hulle kan nie onbepaald geïgnoreer word nie. Hierdieis die eerste boek van 'n beplande trilogie.
Publication date: 2021-10-31
Click to enlarge
Click to enlarge
9780639609744

Fiksie: Romanses

Fiksie  -  Romanses
R 95
R 76You save R 19
Om aan te beweeg gaan sy eers die verlede moet oopkrap. Antiekhandelaar Amelie Voster beplan om oor ses weke te trou, maar daar is net een onvoorsiene hindernis: Sy is weens een of ander misverstand nooit wettig van haar studenteliefde, Daniël Retief, geskei nie. Sy spoor hom op, maar Daniël is allesbehalwe die student wat sy onthou. Hy is 'n welaf sakeman met 'n yskoue hart. 'n Slu manipuleerder en 'n afperser. As sy nie instem om hom op 'n sakereis te vergesel nie, kry sy nie 'n handtekening op haar skeikontrak nie. Sy stem in, maar kort voor lank onthou sy al die intieme details van haar en Daniël se week lange studentewittebrood. Alles wat sy naarstiglik probeer vergeet het, keer terug. Daniël wroeg self om te vergeet, maar party herinneringe weier om weggepak te word. Na hul tyd saam, stem Daniël tot die egskeiding in, maar is dit wat Amelie regtig nog wil hê?
Publication date: 2021-10-31
Click to enlarge
Click to enlarge
9780639609669

Fiksie: Romanses

Fiksie  -  Romanses
R 95
R 76You save R 19
Is daar vir hulle 'n toekoms? Amanda White se loopbaan as ontwerper is op dreef. Sy het al drie Steely Sisters se trourokke ontwerp en sy is self amper verloof. Daar is egter ʼn klippie in haar skoen: Clinton Anderson, die hardkoppige veearts wat sy deur die Steely Sisters leer ken het. Clinton red weggooi-perde omdat hy self ʼn weggooi-kind was. Hy soek nie hulp nie, veral nie van ʼn beeldskone vrou wat sy kop deurmekaarkrap nie. Die liefde is egter sterkter as vooropgestelde idees en die twee besef vinnig dat die aangetrokkenheid tussen hulle dalk tot meer kan lei. Maar Amanda is verloof en die wêreld wag in afwagting vir haar troue, en Clinton is steeds die man met die duister verlede. Is daar vir hulle 'n toekoms? Hart van kant is die vierde boek in Didi Potgieter se gewilde Harte-reeks. Temas sluit in aanneming en disfunksionele gesinne - Didi is bekend daarvoor dat sy sensitiewe onderwerpe versigtig hanteer en toepaslike navorsing doen.
Publication date: 2021-08-31
Click to enlarge
Click to enlarge
9780639609683

Fiksie: Romanses

Fiksie  -  Romanses
R 95
R 76You save R 19
Hoekom blom die liefde vir almal behalwe die bloemis? Christie is bly haar susters en broer het hulle sielsgenote gevind, regtig, sy is. Maar daai tipe geluk is nie noodwendig vir almal beskore nie. Dalk moet hierdie bloemis maar vrede maak daarmee dat sy nie haar asem moet ophou vir 'n ruiker rose van haar eie nie. Wanneer dokter Renier Visser, net so onverantwoordelik aantreklik soos die res van die Visser-broers, vir Christie vir advies vra met sy liefdeslewe, probeer sy opreg help. Dis nie asof daar enige tekens van 'n vonk tussen hulle is nie. Tot hulle op 'n dag oor die tou trap. Renier beweer nog altyd hy is nie van plan om ooit te trou nie. Maar hoe meer tyd hy saam met Christie deurbring, hoe meer besef hy, by haar maak die lewe sin. Hierdie is die laaste titel in Winckler se geliefde Omdat jy ... reeks.
Publication date: 2021-08-31
Click to enlarge
Click to enlarge
9780639609706

Fiksie: Romanses

Fiksie  -  Romanses
R 95
R 76You save R 19
ʼn Oomblik oor die lippe, ʼn leeftyd op die heupe. Jonette het nooit gedink sy sal iemand haat nie, maar Brink van Heerden haat sy soos sy destyds haarself gehaat het. En nou kom hy ná al die jare terug Kiepersolkop toe as haar werkgewer. Daarby het hy nie meer die vaagste benul wie sy is en wat hy aan haar gedoen het jare gelede nie. Sy wil bedank en weggaan maar telkens word haar planne in die wiele gery. Boonop blyk dit hy is ook nie meer dieselfde mens as wat sy hom onthou nie. Dié man dra deesdae sy eie donker rond. Teen haar kop se beterwete, vind haar verraderlike hart dit al hoe moeiliker om aan haar haat vir hom vas te klou. Maar hy sê hy stel nie daarin belang om haar geneentheid te wen nie, so dalk moet sy hierdie keer vir haar kop eerder as haar hart luister.
Publication date: 2021-08-31
Click to enlarge
Click to enlarge
9780639609720

Fiksie: Romanses

Fiksie  -  Romanses
R 95
R 76You save R 19
Hanna maak 'n plan ... Die lewe het nie vir Hanna Dekker wafferse kaarte gedeel nie: Sy moes 'n belowende loopbaan in die stad laat vaar om haar pa op 'n Namakwalandse dorpie te versorg. Boonop los haar kêrel haar soos 'n warm patat op 'n stadium toe sy al trouklokkies hoor. Met haar hart aan skerwe, beur Hanna voort, maar nog ellende lê voor. Op onverklaarbare wyse het sy die onwillige leier van die dorpsgemeenskap geword, 'n gemeenskap wat alles in 'n ontwikkeling gaan verloor ... tensy Hanna 'n plan kan maak. Daniël Barnard, suksesvolle eiendomsontwikkelaar, het groot planne vir 'n gehuggie langs die N7. Daarby gee die Turatara-projek hom ook 'n kans om na sy wortels terug te keer en'n mislukte verhouding te ontsnap. Maar die voshaarmeisie agter die toonbank van Madeliefie, die bakkery, krap sake om. Gaan Daniël se standaardfilosofie - om nie by ontwikkelingslagoffers betrokke te raak nie - hom hierdie keer in die steek laat? Nellie Alberts is bekend vir haar unieke skryfstyl, eklektiese karakters en verwysings na popkultuur. 'n Belangrike tema in die verhaal is alzheimersiekte. Die skrywer het baie navorsing oor die onderwerp gedoen en hanteer dié tema meesterlik.
Publication date: 2021-08-31
Click to enlarge
Click to enlarge
9780639607412

Fiksie: Romanses

Fiksie  -  Romanses
R 95
R 76You save R 19
'n Voël in 'n kou sing steeds Ali Grey se lewe is aan skerwe. Haar skitterloopbaan as sangeres in New York is in die weegskaal, want na 'n ongeluk is haar spraak aangetas en sy het 'n lelike litteken aan haar wang. Hoe kan God dit aan haar doen? Maar dan verskyn haar jeugliefde, Jason Vermeulen, weer in haar lewe en hy oortuig haar om by hom in die stad te bly sodat sy behandeling vir haar beserings kan ontvang. Sy worstel om haar geloof te behou ten spyte van alles en wanneer sy begin herstel, kan sy nie besluit of sy wil teruggaan Amerika toe of nie. Wil Jason haar daar hê? Hy sê niks en die onsekerheid maak haar gek. Moet sy teruggaan New York toe of moet sy by hom bly? Kan sy die besluit op haar eie neem, of moet sy vertrou dat God 'n groter plan met haar lewe het? Lentemelodie is die vierde boek in die Soeteweide-reeks, en volg op Somerson, Herfswind en Winternag. Dit is 'n spirituele inspirasieverhaal wat die lewe vier sonder om te prekerig voor te kom. Die verhaal speel deels in New York af, en dis duidelik dat Human haar navorsing gedoen het om die milieu eg raak te vang.
Publication date: 2021-07-14
Click to enlarge
Click to enlarge
9780639607375

Fiksie: Romanses

Fiksie  -  Romanses
R 95
R 76You save R 19
1808, Engeland. Wanneer Eloise Clark ʼn beseerde man langs die pad probeer help, kom sy van aangesig tot aangesig te staan voor iets wat slegs as ʼn wolf beskryf kan word. Dis ʼn skrikwekkende ervaring, maar dit bring haar in aanraking met baron Wesley Bloodsworth en Eloise verloor haar hart op ʼn man wat net goed vir haar is. Wanneer sy egter met die waarheid van sy werklike aard gekonfronteer word, moet sy haar vrese en vooroordele te bowe kom. En sy moet ʼn keuse maak. Luister sy na haar hart of na haar verstand? Magdaleen Walters is 'n geliefde skrywer, en wys hier dat sy tot in haar sestigs kanse vat deur haar eerste romantiese fantasieverhaal te skryf. Die 1800's word oortuigend opgewek en ingekleur met historiese detail.
Publication date: 2021-07-14
Click to enlarge
Click to enlarge
9780639607399

Fiksie: Romanses

Fiksie  -  Romanses
R 95
R 76You save R 19
Liefde laat nie op hom wag nie ...
Danika Lombaard hoort in die stad, maar sy gaan dié Kersfees op haar ouers se plaas moet wees vir 'n familiefees. Danika is mooi, suksesvol en baie, baie onafhanklik. Sy wil nie 'n man hê nie en klaar. Maar sy is ook die oudste van vier dogters en haar ma speel al vir jare paartjieknoper. Op die plaas loop sy vir Bismarck Lombaard raak, oftewel Meneer Ongeskik. Die sexy boer met dieselfde van en haar ouers se buurman. Die een sonder familie. Die een wat haar lelik genoem het. En die een wat haar hart aan die klop kry. Vir hierdie man moet sy ligloop. Hy dra haar tasse, hy skink vir haar wyn en sy hande rus gereeld op haar lyf. Dis asof haar ma se droom van 'n kêrel vir Danika waar geword het. Sonder haar medewete.
Publication date: 2021-07-14
Click to enlarge
Click to enlarge
9780639607436

Fiksie: Romanses

Fiksie  -  Romanses
R 95
R 76You save R 19
Sy gaan alles moet waag om sy hart te wen ...
Katryn kan nie verstaan waarom almal in haar lewe mal is oor Daniël Roux nie. Ja, hy is aantreklik, maar dis al. Sý wil meer in 'n man sien as net sy mooi gesig, sy gespierde lyf en sy gladde mond. Stadigaan begin sy tog besef dat Daniël anders is. Maar afgesien van die skade wat sy aangerig het met haar aanvanklik bevooroordeelde houding teenoor hom, weet sy nie of sy hom kan vertrou nie. Sy het mos al voorheen haar vingers verbrand. En nou beskuldig Daniël haar dat sy met sy gevoelens speel. Daar blyk geen einde aan die spanning tussen hulle te wees nie. Katryn moet besluit of sy die moed het om haarself bloot te stel deur met
vertroue 'n nuwe verhouding aan te knoop.
Die verhaal kyk na hoe vooropgestelde idees ons verhoudings kan beïnvloed, en is 'n subtiele kopknik na Jane Austen se Pride and Prejudice. Dit speel af oor twee tydlyne, en ons sien hoe die heldin se vormingsjare haar latere besluite as volwassene beïnvloed.
Publication date: 2021-07-14
Click to enlarge
Click to enlarge
9780639607313

Fiksie: Romanses

Fiksie  -  Romanses
R 95
R 76You save R 19
Die vonke spat behoorlik ... Christi is die jongste lid van die suksesvolle Country-groep, Steely Susters. Haar skoonheid laat die meeste mense twyfel in haar talent en sy is daarop uit om hulle verkeerd te bewys. Na haar vorige verhouding traumaties geëindig het, weet sy dit is nou haar kans om op haar loopbaan te fokus. Dan loop sy weer vir Richard Barret raak. Die sexy Ierse musikant en een van die grootste foute van haar lewe. Sy weet dit is die beste om heeltemal uit sy pad te bly, maar wanneer 'n familietragedie dié twee forseer om saam op Steely Hills te bly, spat die vonke behoorlik! Hart van klip is Didi Potgieter se derde boek in die gewilde Harte-reeks. Die leser word op reis geneem na Ierland en ons maak selfs 'n draai by die Parkers (haar vorige reeks se karakters) se befaamde bal.
Publication date: 2021-07-02
Click to enlarge
Click to enlarge
9780639607290

Fiksie: Romanses

Fiksie  -  Romanses
R 95
R 76You save R 19
Hy is nie van plan om sy hart te verloor nie. Estelle dra steeds swaar aan die een groot fout wat sy in die verlede gemaak het. Daarby is sy 'n ekstrovert wat bitter swaar kry tydens inperking, terwyl sy ook nie haar beroep as skoonheidsdeskundige mag beoefen nie. Bernard kan van die huis af werk, maar die alleenheid van sy woonstel kry hom onder. Toe hy die kans kry, woon hy die braai by Estelle se suster-hulle by, hoewel hy goed weet dis onverantwoordelik. Wanneer hy siek word, gebruik hy die kans om by Estelle te gaan aansterk, aangesien sy by dieselfde partytjie was. Daar span hulle saam; haar sangtalent en sy tegnologiese kennis help om haar wanhopige finansies te beredder. Maar hy is nie van plan om sy hart op die vurige donkerkop te verloor nie.
Publication date: 2021-07-02
Click to enlarge
Click to enlarge
9780639606088

Fiksie: Romanses

Fiksie  -  Romanses
R 95
R 76You save R 19
Veg, vlug of vlieg? Meriet vlug uit Upington om te ontsnap van die hartseer van haar mislukte huwelik en kry werk op 'n wynplaas in die Paarl. Maar haar tyd op die plaas word versuur deur 'n gesofistikeerde Kapenaar in die kantoor. Die wynmaker, op sy beurt, voel blykbaar net in die koue, steriele kelder tussen die wynvate tuis. Dis gek om aangetrokke te voel tot só 'n man. Boonop is alles nie pluis met die eienaar van die landgoed nie en Meriet moet fyntrap om nie haar eie toekoms op die spel te plaas nie. Jeanette Stals is 'n bekende krimiskrywer wat hier spanning en romanse perfek verweef. Temas soos witboordjiemisdaad en die blywende trauma van egskeidings word bespreek, met 'n held wat as komplekse karakter die leser sal boei van begin tot einde.
Publication date: 2021-07-02

© All Rights Reserved 2018
A Product of CEIT Development
Koop Afrikaanse en Engelse boeke aanlyn en spaar tot 20% op Nuwe Vrystellings, Topverkopers en Engelse algemene publikasies. Graffiti vir nuwe boeke, topverkopers, opvoedkundige boeke, Christelike boeke en winskopies. Kry ook jou Moleskine Joernaal hier teen 20% afslag.Buy Afrikaans and English books online and save up to 20% on Afrikaans New Releases and Bestsellers, as well as on English general publications. Graffiti for new releases, bestsellers, Christian books, educational books and bargains. Stockist of Moleskine Journals.