●●● FREE delivery on orders above R500 in RSA ●●● DISCOUNT APPLIES TO ONLINE ORDERS ONLY ●●●
Click to enlarge
Click to enlarge
9780639605340

Fiksie: Romanses

Fiksie  -  Romanses
R 125
R 100You save R 25
Duiwel in 'n snyerspak
Brandt Faber is hard, onwrikbaar, onstuitbaar. Hy draai nie doekies om nie, Leana moet hom betaal - met haar vriendskap, geselskap, haar lyf. Om wraak te neem, het sy hom nodig. Maar hý lê die reëls neer.

Mooiste man
Hy's 'n mooi man. Te mooi. En mooi mans maak seer, vernietig. Nou is daar weer so 'n man in Zenlee se lewe, te mooi om waar te wees. Sal sy ooit aanvaar dat Bismarck Nel eerbaar kan wees?

Romanza Nostalgie is 'n terugblik na die eerste titels van ons gewildste Romanza-skrywers - daardie romanses wat lesers besonder baie geniet het. Daar verskyn ses titels in die Romanza Nostalgie-reeks: Madelie Human, Dina Botha, Rosita Oberholser, Didi Potgieter, Elsa Winckler en Alma Carstens.
Publication date: 2020-07-30
Click to enlarge
Click to enlarge
9780639600277

Fiksie: Romanses

Fiksie  -  Romanses
R 95
R 76You save R 19
Hannah of Anna? Wie is nou wie? Hannah is by 'n onverwagse werksonderhoud terwyl sy veronderstel is om gereed te maak vir 'n geleentheid saam met haar kêrel. 'n Onderhoud waarvan hy nie weet nie. Hy sal verstaan, praat sy haarself moed in wanneer sy agterkom sy gaan dit nie maak nie. Wat sy nie verwag nie, is dat haar tweelingsuster, Anna, besluit om haar plek in te neem omdat sy nie self kaartjies vir die vertoning kon bekom nie. Hierdie ondeurdagte besluit van Anna dompel hulle in 'n situasie waar Hannah haar suster vir die week in Derick se geselskap los. Dit lei egter tot 'n skokkende gebeurtenis. Hulle raak verloof. Derick is nie verloof aan sy wat Hannah is nie. O nee, sy was nie die een wat “ja” gesê het nie. Dit was Anna. Maar Derick weet dit nie en sy kan nie waag om hom te sê sonder om sy hart te breek nie. Hoe keer sy hierdie weghol-trein? En dan is daar Derick se vriend, Tony. Met sy swart hare, donker oë en die glimlag wat alewig om sy mond huiwer, maak hy iets onverwags in haar binneste wakker. Iets wat haar bang maak en hoe meer hy raaksien, hoe meer wil sy van hom af wegkom. Hy skrik haar af, maar terselfdertyd lok hy haar soos 'n by na nektar. Dit maak ook nie saak hoe gereeld sy hom probeer vermy nie; hy bly op haar spoor. Hy probeer immers net sy vriend beskerm, maar sy staan die gevaar om haar hart op die verkeerde man te verloor. 'n Man wat haar sal verag as hy ooit uitvind wat werklik aangaan. Romanza is LAPA Uitgewers se romansereeks, wat vergelyk kan word met Mills & Boon en Harlequin romanses. Dubbel die moeilikheid is Ciska Olivier se jongste romanse in haar nuwe Kruis jou vingers-reeks. Haar vorige romanses in haar Hartebrekers-reeks het die volgende titels ingesluit: Krummelpap in Parys (September 2018), Vir 'n oomblik, vir altyd (Oktober 2018), Blomme vir Melissa (Februarie 2019), Ek vertrou jou (Mei 2019), en Haar hartsbegeerte en meer (Julie 2019).
Publication date: 2020-07-24
Click to enlarge
Click to enlarge
9780639600253

Fiksie: Romanses

Fiksie  -  Romanses
R 95
R 76You save R 19
Moenie vriende soen nie, dit lei net tot moeilikheid! Toe Gabriella Tredoux een aand in 'n kuierplek op Mosselbaai vir Eben Joubert soen, verander alles. Die soen was veronderstel om haar te help om van 'n ander klewerige vent ontslae te raak. Eben is mos net 'n pel. Maar toe sy hom soen, terwyl 'n lied oor soenery in die agtergrond speel kan sy nie langer aan hom dink as net 'n pel nie. Miskien is almal tog reg toe hulle gesê het dat Jody nog lank nie klaar is met haar matchmaking nie. As tandarts op Mosselbaai, is Eben se lewe soos hy daarvan hou - ongekompliseerd. Wat hy van die huwelik weet, het hom vir altyd genees van gedagtes aan vir ewig en altyd, maar toe soen Gabriella hom en dis skielik onmoontlik om aan enigiets anders as aan haar te dink. Romanza is LAPA Uitgewers se romansereeks, wat vergelyk kan word met Mills & Boon en Harlequinromanses. Toe soen jy my is Elsa Winckler se jongste romanse in haar Jody-reeks. Haar vorige romanses in die hierdie reeks sluit die volgende in: Blameer die skoenlapper (Februarie 2018), My groot liefde (November 2018), Want die hart weet (Januarie 2019), Altyd net jy (Augustus 2019), en Want hy praat tjoklits (Desember 2019).
Publication date: 2020-07-24
Click to enlarge
Click to enlarge
9780639600239

Fiksie: Romanses

Fiksie  -  Romanses
R 95
R 76You save R 19
Het hy haar liefde nodig om homself weer te vind? Sunet en Bertie het as hoërskoolleerders in die KleinKaroo deel geword van die uitgebreide vriendekring waaronder sy ousus Roelien en haar pa Herman ook tel. Hulle verhouding was ongekompliseerd en speels dwarsdeur hul studentejare, maar hul emigrasie as verloofdes het nie vir albei glad verloop nie. Nou is Sunet terug in Suid-Afrika en terug in die KleinKaroo, veilig in die vriendekring en gevestig in haar beroep as landbounavorser. Dis onvermydelik dat sy soms via Roelien iets van Bertie sal hoor, maar andersins het sy hom uit haar lewe gesny. Wanneer Bertie egter met sy twee onhanteerbare seuntjies terugkeer na sy ousus se huis, word Sunet se lewe omvergegooi. Sy kom gou agter hy is nie meer die onbesorgde jongeling wat sy liefgehad het nie. Dit lyk nie of hy sy getraumatiseerde kinders kan hanteer nie en die tragiese dood van sy vrou het hy nog glad nie verwerk nie. Omstandighede dwing Sunet om Bertie en die seuntjies te nooi om haar huis te deel tot hy 'n eie plek kan aanskaf. Hier ontdek albei dat ou liefde inderdaad nie so maklik roes nie en dat die moeilike tweeling eintlik net stabiliteit kortgekom het. Romanza is LAPA Uitgewers se romansereeks, wat vergelyk kan word met Mills & Boon en Harlequinromanses. Herfsmelodie is Marilé Cloete se jongste romanse. Hierdie titel vorm deel van Marilé se Seisoenereeks: Hoogsomerliefde (September 2019), Nooit weer winter (Februarie 2020), en Vir altyd lente (April 2020).
Publication date: 2020-07-24
Click to enlarge
Click to enlarge
9780639600291

Fiksie: Romanses

Fiksie  -  Romanses
R 95
R 76You save R 19
Sy is die perfekte simbool van vroulike skoonheid en sagmoedigheid, nes die magnolia Hai-Lin kuier met vakansie in Sjanghai, China by haar ma se vriende, Su Fen en Laum. Sy gebruik die tyd om Sjanghai te verken en geniet die unieke atmosfeer van die stad en sy mense. Sy het nog net een ernstige verhouding gehad toe sy 'n student was, maar haar sogenaamd beste vriendin het hom skaamteloos afgevry. Eintlik het sy haar 'n guns bewys. Sy onthou hoe die einste vriendin lang trane gehuil het toe die rokjagter haar ook verneuk het. Dit het Hai-Lin 'n ewige gly gegee in gladdebek mans wat met al wat 'n rok dra wil flankeer. 'n Man sal eers haar vertroue moet wen, voor sy hom in haar wantrouige hart sal toelaat. Su Fen se seun, Laum is 'n droom van 'n man, maar dit lyk of hy maklik sal flankeer. Juis daarom moet sy daarop konsentreer om hom op 'n afstand te hou. Gaan haar tyd in China haar egter anders laat dink oor die liefde, en wat is die simboliek van die ivoorblom? Romanza is LAPA Uitgewers se romansereeks, wat vergelyk kan word met Mills & Boon en Harlequinromanses. Ivoorblom vir Hai-Lin is die laaste boek in 'n trilogie waarvan die eerste twee romanses, Liefdespalm vir Simoné en Reënboogbruid reeds gepubliseer is. Liefdespalm vir Simoné in 2008 (in LAPA Uitgewers se hardebandreeks) en Reënboogbruid in 2016.
Publication date: 2020-07-24
Click to enlarge
Click to enlarge
9780639605272

Fiksie: Romanses

Fiksie  -  Romanses
R 125
R 100You save R 25
Optelgoed is hougoed
Brink de Meyer se terugkoms Sitrusville toe het al wat hubare vroumens is op hol. Almal behalwe Tharien. Hy's van die bodorp en sy 'n motorwerktuigkundige. Maar Brink draai net om haar. Onthou hy nie hulle geskiedenis nie?

Jy is die een
De Wet Erasmus is skoon bombefoeterd oor sy nuwe huismaat. Daar's skielik net te veel goed, te veel vróú in sy huis. Roni versondig sy siel graag, nie bedag op wat in dié strak wetenskaplike skuil nie.

Romanza Nostalgie is 'n terugblik na die eerste titels van ons die gewildste Romanza-skrywers - daardie romanses wat lesers besonder baie geniet het. Daar verskyn ses titels in die Romanza Nostalgie-reeks: Madelie Human, Dina Botha, Rosita Oberholser, Didi Potgieter, Elsa Winckler en Alma Carstens.
Publication date: 2020-07-22
Click to enlarge
Click to enlarge
9780624090502

Fiksie: Romanses

Fiksie  -  Romanses
R 235
R 188You save R 47
'In Alinda se lampie werk Alinda al lank in Saoedi-Arabië, en van 'n prins op 'n Arabier-perd is daar geen sprake nie. Haar lewe is vervelig . . . tot 'n man op 'n dag voor haar staan met 'n silwerlampie. “Magic lamp will make you happy,” sê hy. Alinda kan doen met 'n bietjie geluk noudat prinses Irmina dr Danie Hartogh se hart gesteel het. Sy koop die lampie net daar. Wie weet, dalk kan 'n towergees haar help om sy liefde terug te wen . . .

In Narkose vir die hart het dr Saranie du Plessis haar worshond, haar lovebirds en haar narkotiseur-studies. Meer soek sy nie. Dat sy aan die verkeerde kant van dertig en steeds manloos is, is iets wat haar familie groter hoofbrekens besorg as vir haar. Daar is egter één man wat haar hart vinniger kan laat klop: die afsydige dr Franz Strauss. Hy staan bekend as die Walskoning, en Saranie sal voorwaar nie omgee om deur hom uit haar skoene gedans te word nie. Net jammer dat die draak Glenda Olckers reeds haar kloue in Franz geslaan het . . .'
Publication date: 2020-07-22
Click to enlarge
Click to enlarge

7

9780624090496

Fiksie: Romanses

Fiksie  -  Romanses
R 260
R 182You save R 78
'n Heildronk op die liefde
Serenade vir 'n nagtegaal
Hande wat heelmaak

In 'n Heildronk op die liefde keer Nicolene terug uit Londen, en ontmoet weer haar jeugvriend Jacques. Hy het nog altyd maklik verveeld geraak met sy meisies; daarom wou Nicolene nooit 'n verhouding met hom aanknoop nie. Maar toe hy haar een aand onverwags soen, is die gort gaar.

In Serenade vir 'n nagtegaal is sang Ann se hele bestaan, en haar sangdosent, Carl, is die liefde in haar lewe. Maar dan verbreek hy hul verhouding net wanneer sy op vertrek staan na Europa. En nou verskyn daar 'n donkerkopman op die toneel . . .

En in Hande wat heelmaak keer Libby terug na haar tuisdorp om as fisioterapeut te werk. Daar maak sy kennis met 'n jong pasiënt wie se ouers verongeluk het. Sy oom Andrew moet vir hom sorg. As tiener was Libby verlief op dié man, maar nou het hy stug en afgetrokke geword. En tog, soms kan ou gevoelens herleef.
Publication date: 2020-07-08
Click to enlarge
Click to enlarge
9780799399981

Fiksie: Romanses

Fiksie  -  Romanses
R 95
R 76You save R 19
Los jy werklik jou probleme agter wanneer jy die deur daarop sluit? Marguerite Rossouw, of Magriet, soos almal haar noem, vlug na Sedgefield om beheer oor haar eie lewe te kry. Sy het lanklaas gevoel of sy haar eie toekoms bepaal: Haar pa het vir haar miljoene rande gelos en haar man is 'n beheervraat. Sy gebruik die naam Melissa en vind vrede in dié kusdorpie. Hier ontmoet sy Aaron Dorfling, 'n aantreklike vreemdeling wat vir haar blyplek aanbied nadat 'n ongeluk haar van haar geheue beroof. Wanneer sy uiteindelik haar geheue herwin, besluit sy om haar identiteit 'n geheim te hou en steeds die naam Nina, soos die verpleegsters haar in die hospitaal gedoop het, te gebruik. Sy besef ook dat sy vir Aaron lief geword het, maar haar ou lewe saam met Paul dreig om haar nuutgevonde geluk saam met Aaron te verwoes. Romanza is LAPA Uitgewers se romansereeks, wat vergelyk kan word met Mills & Boon en Harlequinromanses. Voor ʼn oop deur is Frieda van der Westhuizen se jongste romanse. Haar vorige romanses in die Romanza-reeks sluit die volgende in: - Derde keer gelukkig (Junie 2014), - Haar trouman (Januarie 2015), - Bosveldroos (Desember 2015), en - Liefde ruik soos katjiepiering (Junie 2019).
Publication date: 2020-07-07
Click to enlarge
Click to enlarge

6

9780799399950

Fiksie: Romanses

Fiksie  -  Romanses
R 95
R 76You save R 19
Sy is nie wat hy as 'n “dokter” sou bestempel nie ... Anika Stadler verhuis van Bloemfontein af om as ginekoloog en verloskundige by die Krynauw Kliniek te begin werk. Haar eerste ontmoeting met Rynard Krynauw is toe sy “wederregtelik” op die dokters se parkering by Krynauw Kliniek met haar motorfiets parkeer en in haar leeruitrusting vasloop in dié uiters aantreklike man. Hy is dadelik bevooroordeeld teenoor haar met haar voorkoms en motorfiets. Hy het kort gelede die pos as administrateur by sy broer oorgeneem en was nie dié nuwe dokter te wagte nie. Daar is dadelik 'n vonk tussen hulle, en hulle het noodgedwonge heelwat kontak met mekaar, veral toe Rynard aanbied dat Anika op hul landgoed kan kom bly. Romanza is LAPA Uitgewers se romansereeks, wat vergelyk kan word met Mills & Boon en Harlequinromanses. Soen my, asseblief is Dina Botha se jongste romanse. Haar vorige romanses in die Romanza-reeks sluit die volgende in: - ʼn Storieboekromanse (Augustus 2018), - Elke dag, vir altyd (Maart 2019), - Soen ʼn vreemdeling (Julie 2019), en - Halsoorkop verlief (Oktober 2019).
Publication date: 2020-07-02
Click to enlarge
Click to enlarge
9780639600017

Fiksie: Romanses

Fiksie  -  Romanses
R 95
R 76You save R 19
Soms word diamante op die mees ongewone plekke gevind ... Tersia se ideale man is die filmster Ryan Gosling. Sy meet elke man wat sy ontmoet aan haar filmheld. Die woestynlandskap van Namibië is die teenoorgestelde van haar lowerryke tuiste in Durban en die teleurstelling toe haar pos by die koffieplek oorbodig word, strook glad nie met haar Hollywood-lewensuitkyk nie. Is die blonde Duitser saam met wie sy later gidswerk doen by die spookdorp Kolmanskop werklik, soos haar oupa en ouma vermoed, 'n diamantsmokkelaar? As dit waar is, draai haar ervarings in die Suid-Afrikaanse buurland al haar lewensverwagtinge op hul kop want die man kom nogal naby aan haar ideale beeld van 'n trouman. Maar Dieter is 'n man van vlees en bloed en al die tekens dui op 'n verhouding tussen hom en Tersia se hospita, Reinet. Wanneer Dieter egter tydens 'n safari na Sesriem en Sossusvlei van die radar af verdwyn, moet Tersia besluit of hy die moeite werd is om voor te veg. Die problematiese werkswêreld van vandag vir jongmense word voorgestel wanneer die heldin haar werk verloor kort nadat sy spesiaal na Namibië verhuis vir ʼn werk. Sy is vir ʼn kort rukkie werkloos daarna. Romanza is LAPA Uitgewers se romansereeks, wat vergelyk kan word met Mills & Boon en Harlequinromanses. Tersia se Namibdiamant is Ida Bester se jongste romanse. Haar vorige romanses in die Romanza-reeks sluit die volgende in: - Kammabruid (Junie 2016), - Die paartjieknoper (Julie 2017), - ʼn Machoman leer liefdestaal (Augustus 2017), en - ʼn Geur vir elke vrou (Oktober 2018).
Publication date: 2020-07-02
Click to enlarge
Click to enlarge
9780639600048

Fiksie: Romanses

Fiksie  -  Romanses
R 95
R 76You save R 19
Laat staan die wewenaar! Is die roep van 'n naguiltjie Nurinke se beterwete wat haar probeer waarsku? Nurinke kan nie seker wees nie. Wat sy wel weet is dat haar impulsiewe geklouter op 'n spieëlkas om 'n reistas in die hande te kry vir 'n kuier by Frans (haar amperverloofde in Europa) asook die katastrofiese val daarna, meer as net 'n gebreekte enkel vir haar tot gevolg het: Behalwe 'n belowende loopbaan wat daarmee saam in die niet verdwyn het, is sy boonop genoop om by haar ouma op 'n Karooplaas te gaan herstel. Dis daar waar sy haar ouma se befoeterde wewenaar-buurman, Lood Verwey, met sy stom seuntjie ontmoet wat Nurinke se ewewig laat wankel. Hoekom ervaar sy opeens gevoelens waarmee sy nog nooit te doen gekry het nie, emosies wat dierbare Frans nog nooit in haar wakker gemaak het nie? Hoekom sê hierdie wewenaar vir haar dinge wat sy nie wil hoor nie, maar wat haar tot stilstand bring? Vuurwarm, hamer sy woorde in haar kop wanneer sy haar oë styf toe maak. Hoekom klink dit soos 'n vals noot in 'n andersins perfekte simfonie? Gaan impulsiewe Nurinke uiteindelik die regte besluit neem? Gaan sy haar ware emosies onderdruk of gaan sy toelaat dat haar hart vlerke kry? Die verhaal bevat ʼn element wat verwys na mensehandel en veral kinderontvoering - iets wat tans ʼn aktuele saak is in Suid-Afrika ná die ontvoering van Amy'Leigh de Jager gedurende September 2019. Dit fokus ook op die herstelproses van families ná die afsterwe van ʼn ouer en hoe die oorblywende ouer hul enkelouerstatus moet aanvaar en vrede daarmee maak (in hierdie verhaal speel die held se Christenskap ʼn rol om hierdie nuwe lewenswyse te aanvaar). Die onderdrukking van persoonlike eienskappe tot voordeel van die samelewing en tot nadeel van die individu is ook ʼn onderwerp in hierdie verhaal. Romanza is LAPA Uitgewers se romansereeks, wat vergelyk kan word met Mills & Boon en Harlequinromanses. Roep van 'n naguil is Rina Cilliers se debuut Romanza.
Publication date: 2020-07-02
Click to enlarge
Click to enlarge

14

9781485311546

Fiksie: Romanses

Fiksie  -  Romanses
R 295
R 236You save R 59
Om Amelie se tafel
Liefde in laslap
Liefde deur 'n lens

Om Amelie se tafel
Amelie doen nie groepwerk nie. Sy doen nie motorbestuur nie, en sy doen ook nie mans wat vir haar lelies of juweliersware aandra nie. Ja, sy't 'n bietjie bagasie - en wie het nogal nie? Maar wanneer spanbou-spesialis en bedryfsielkundige Chris op die prentjie verskyn, en boonop veroorsaak dat Amelie 'n ver ent pad moet ry om sowaar in simpel groepies te gaan rondfoeter, word haar wêreld omgekeer. Die man sukkel met haar en weet nét watter knoppies om te druk. Wanneer sy Chris leer ken en besef hy't 'n groot, luide familie - presies die soort wat sy so graag om 'n gesellige etenstafel in haar eie tuin sou wil sien, die soort waaroor sy droom sedert haar ouers se ontydige dood - is haar kop aan die draai. Dit verg allerlei ompaaie, en harde werk van Chris se kant, om deur Amelie se bagasieknope te sny. Sal sy haar dinge kan laat staan en die familie wen waarna sy so smag? En dít voor Chris besluit sy's net té veel moeite?

Liefde in laslap
Natalie Olivier het geen familie van haar eie nie, maar by haar vriendin Amelie se mense voel sy tuis. Totdat Amelie se swaer van Italië terugkeer. Neethling Meyer se sjokoladebruin oë onthuts Natalie heeltemal. En toe hy haar boonop soen, wil haar hart net nie meer normaal klop nie. Maar Neethling is 'n beroemde skrywer van rillerromans wat duidelik sy lewe as vrygesel geniet. Natalie weet mos hy is nie die tipe wat langtermynverhoudings aanknoop nie. Wat ook al tussen hulle is, sal nie hou nie. Jare ná haar kinderdae in die weeshuis vind Natalie uiteindelik meer oor haar verlore familie uit en begin sy om haar lewensverhaal in 'n laslapdeken uit te beeld. Maar Neethling se silhoeët duik telkens in haar uitbeeldings op. Is hul stories werklik bestem om te vervleg?

Liefde deur 'n lens
Wanneer Nicola Meyer agter haar kamera skuil, voel sy veilig en in beheer. Dit laat enige onstuimigheid in haar binneste bedaar. Selfs toe sy, in haar beroep as fotograaf, vlugtelinge oorsee afgeneem het, het sy al die hartseer in haar foto's gekanaliseer en dit só van haar afgeweer. Sy huil nooit nie. Maar toe sy na Suid-Afrika terugkeer, dreig haar onderdrukte emosies om uit te borrel - en dis alles Francois Olivier, haar skoonsus se baie aantreklike broer, se skuld. Hy soen haar onverwags, vat aan haar, en laat haar wêreld tol. Hy sien die hartseer raak wat sy diep wegsteek en daag haar uit om te erken hoe sy voel. Nicola probeer om met haar kamera afstand tussen hulle te skep. Maar as sy haar weer kom kry, fokus sy op sy sterk gelaatstrekke. En wat is die uitdrukking wat sy daar sien? Geen man het al ooit só na haar gekyk nie. Sal Nicola haar verskansing kan laat vaar?
Publication date: 2020-06-30
Click to enlarge
Click to enlarge
9780639600314

Fiksie: Romanses

Fiksie  -  Romanses
R 250
R 225You save R 25
Dié lelike eendjie moet oortuig word van haar eie waarde ... Paloma het 20 jaar gelede alle mans afgesweer toe sy die dag voor haar troue uitvind dat haar verloofde haar verkul. Dit is net té seer, veral wanneer gene vir jou 'n peervormige lyf gegee het en jy net nie goed genoeg is nie. Sy lewe rustig saam met haar honde, hoenders en koffiewinkel klante vir geselskap. Haar familie het geëmigreer; gaan sy ry of gaan sy bly? Maar dan trek daar nuwe bure in aan weerskante; die baie aantreklike en geskeide Arno, en die ongelooflik sexy Sindisiwe aan die ander kant. Beide het lesse vir Paloma om te leer ... Arno raak betrokke by sy eiesoortige buurvrou met haar lang geblomde rompe en mooier-as-mooi kaal voete. Hy help haar toe haar hond uitgesit moet word, en maak vrede met haar astrante hoenderhaan Kallie wat tydig en ontydig by hom kom kuier. Paloma ontmoet sy familie, en vind uit dat alle families maar vreemd is op hul eie manier. Haar nuwe buurvrou dwing haar om 'n make-over te doen, en vir die eerste keer begin sy besef dat mens nie volmaak hoef te wees om liefgehê te word nie. Die man langsaan is 'n verhaal oor self-aanvaarding, en liefde en vriendskap op onverwagse plekke.
Publication date: 2020-06-11
Click to enlarge
Click to enlarge
9780639600079

Fiksie: Romanses

Fiksie  -  Romanses
R 95
R 67You save R 28
Sy aanbod is aantreklik, maar kan sy bekostig om haar hart ook te verloor?
Kiara, 'n suksesvolle skrywer van liefdesromans, se bankbalans lyk beroerd, haar ryding is onbetroubaar, haar persiese kat, Skat, stel haar gedurig in die verleentheid, en sy kry nie 'n held vir haar vurige heldin geskryf nie. Haar geheimsinnige buurman lyk dalk soos 'n held, het die naam van 'n engel, maar vir Kiara is hy eerder 'n kruising tussen Attila die Hun en die duiwel self. Sy vermoed ook dat hy haar hipnotiseer. Hoekom anders sou sy sy werksaanbod aanvaar? Veral 'n aanbod wat heeltemal teen haar beginsels is …

Hierdie is 'n spesiale heruitgawe van Romanza se eerste titels om ons vyftiende bestaansjaar te vier. Die teks is deur die skrywer opgedateer en 'n nuwe omslag is ontwerp. Dit bevat ook 'n huldeblyk aan Cecilia Britz, die stigter van Romanza, wat in 2019 oorlede is.
Publication date: 2020-06-11

© All Rights Reserved 2018
A Product of CEIT Development
Koop Afrikaanse en Engelse boeke aanlyn en spaar tot 20% op Nuwe Vrystellings, Topverkopers en Engelse algemene publikasies. Graffiti vir nuwe boeke, topverkopers, opvoedkundige boeke, Christelike boeke en winskopies. Kry ook jou Moleskine Joernaal hier teen 20% afslag.Buy Afrikaans and English books online and save up to 20% on Afrikaans New Releases and Bestsellers, as well as on English general publications. Graffiti for new releases, bestsellers, Christian books, educational books and bargains. Stockist of Moleskine Journals.