●●● FREE delivery on orders above R500 in RSA ●●● DISCOUNT APPLIES TO ONLINE ORDERS ONLY ●●●

Kinders
Prenteboeke

Results 1 to 15 of 348
Sorted by:  Publication date
Click to enlarge
Click to enlarge
9780639604565

Kinders: Prenteboeke

Illustrator: Carol Thompson
Kinders  -  Prenteboeke
R 135
R 108You save R 27
Storm! Storm! Reën ploeps teen die venster, wind pluk-pluk aan die deur. 'Kom ons gaan jag Suidoosterdrake,' sê Oupa. 'Pasop, drake. Hier kom ons!' Oupa en sy kleinkind gaan op 'n wilde en wonderlike avontuur af strand toe tydens 'n storm. Daar vind hulle draakvoetspore, draakjuwele en selfs 'n draakbaba, maar wat sal gebeur as hulle die rêrige Suidoosterdraak vind? Hierdie prenteboek is 'n vreugdevolle viering van spel en verbeelding, ideaal om te deel en voor te lees vir 'n jonger gehoor. Dit is 'n heerlike avontuur van 'n oupa, sy kleinkind en hulle hond. Saam trotseer hulle 'n storm op die strand, stoei teen 'n wilde, woeste Kaapse Suidoosterwind wat woed oor 'n tipiese Suid-Afrikaanse turkoois see.
Publication date: 2021-05-31
Click to enlarge
Click to enlarge
9781869195427

Kinders: Prenteboeke

Illustrator: Richard Scarry
Kinders  -  Prenteboeke
R 295
(Herdruk)
Hierdie boek is 'n versameling boeiende stories en rympies wat die gevierde kinderboekillustreerder Richard Scarry se immergewilde dierekaraktertjies insluit. Die vrolike verhale en prettige illustrasies maak dit die beste storieboek ooit ...
Publication date: 2021-03-31
Click to enlarge
Click to enlarge
9780639602288

Kinders: Prenteboeke

Kinders  -  Prenteboeke
R 290
R 232You save R 58
'N VERSAMELING VAN VYF VAN DIE COOLSTE PRENTEBOEKE VOL MOSSIENESTE, KRULLEBOLLE EN PARMANTIGE HAASMOLES Hierdie 5-in-1 versamelbundel bestaan uit vyf geillustreerde stories van vyf baie bekende skrywers. Die bundel sluit die volgende bekende en geliefde stories in: HAASMOLES Simon is verveeld. Dit reën al die hele dag lank buite. Maar dan BONS, BONS, BONS iets teen die trappe op. Twee lang ore verskyn agter sy bed … en nog twee … en nog twee … Dis weer HAASMOLES! PARMANT Parmant stap deur die bos, maar almal karring aan hom. Meerkat wil sy keel kielie en Vlakvark wil sy magie krap. “Nee!” sê Parmant elke keer: “Dit is my lyfie en ek sê: nee, nee, nee!” Sy ma is sommer baie trots op haar dapper seun wat al die diere so op hulle plek sit. DIE COOLSTE OUMA OP AARDE Is jou ouma so cool soos myne? Ontmoet 'n paar fantastiese oumas…Party oumas hou van rockmusiek of kan jou leer boomblim. Maar een ding is seker: 'n Regte, egte ouma is altyd hope pret! KARLA KRULLEBOL Karla Kriel met haar krullebol hou glad nie van hare was nie. Sy kam nie graag haar haarbos nie en maak dit ook nooit vas nie. Karla se ma is moeg gepraat. Daarom besluit sy Karla hoef nooit weer haar hare te was of te kam nie. Karla is natuurlik baie in haar noppies! Maar dan gebeur iets vreesliks … PRINSES MOSSIENES Vandat die mossies onder die stoepdak nesmaak, sit Dina elke dag vir hulle en kyk. Sy het die mossies nog nooit sien stry nie. Maar Mamma en Pappa stry deesdae aanmekaar. Daarom steek Dina vere in haar hare en sit 'n kroon op haar kop. Dan is sy nie meer Dina nie. Sy is Prinses Mossienes. En sy vlieg na 'n plek waar alles beter is … 'n Sensitiewe, verbeeldingryke verhaal oor wat gebeur wanneer ouers skei. Die boek bevat ook praktiese wenke vir kinders en ouers om die trauma van 'n egskeiding te hanteer.
Publication date: 2021-03-11
Click to enlarge
Click to enlarge
9781485311027

Kinders: Prenteboeke

Illustrator: Flip Hattingh
Kinders  -  Prenteboeke
R 180
R 144You save R 36
“Nee, vergeet liefs van visvingers,
want waar dink jy is hul tone?
Lankal in 'n blik gedruk
met tamatiesous en bone”
Hierdie kinderverse is 'n kraakvars versfees wat nie probeer korrek of prekerig wees nie. Dis lekker aweregs, subversief en wild. Oupa kry geld vir slegte maniere (ongeskiktheidspensioen) Ouma is 'n koningin want sy kondig aan dat sy op die troon gaan sit. Al die kind se katjies raak stukkend, want hulle moet altyd reggemaak word. Rooikappie ruk 'n rewolwer uit, skiet die wolf dood met die uitroep: 'Welkom by ons nuwe Suid-Afrika!' Ma se bonesop maak moles in die klaskamer. Die kinders is stout en vindingryk en immer in die moeilikheid. Dit herinner aan Roald Dahl en David Walliams. Die Afrikaans is uit die boonste rak en die metrum onweerstaanbaar.
Publication date: 2021-02-28
Click to enlarge
Click to enlarge
9780798181976

Kinders: Prenteboeke

Illustrator: David Litchfield
Kinders  -  Prenteboeke
R 175
Saadjie en Spikkel is soos vinkel en koljander, maar terwyl hulle vriendskap groei, word hulle self ook groter. Vir Saadjie beteken dit dat hy wortels kry. Maar Spikkel kry vlerke - en sy kan nie wag om hulle uit te toets nie. Al skei die lewe hulle van mekaar, vind ware vriende altyd hulle pad terug, en niemand is groter maats as Spikkel en Saadjie nie.
Publication date: 2021-02-25
Click to enlarge
Click to enlarge

5

9781990957246

Kinders: Prenteboeke

Illustrator: Martie van Niekerk
Kinders  -  Prenteboeke
R 190
R 152You save R 38
Corgi's het hulle eie manier van dinge doen. Dit is juis wat hulle so spesiaal maak, só dink Bella. Bella is op soek na die ideale maatjie. Sodra Nico, haar eienaar, weg is vir die dag, besef sy alles is stil en dinge moet nou lewe kry. Daarom begin sy na die allerbeste maatjie soek.
Sal sy ooit hierdie beste maatjie vind?
Publication date: 2021-02-15
Click to enlarge
Click to enlarge
9780639604114

Kinders: Prenteboeke

Translator: Jaco Jacobs
Illustrator: Sharon Rentta
Kinders  -  Prenteboeke
R 155
R 124You save R 31
Aandag alle avonturiers!
Die Diereverkenners-reeks is 'n inspirasie om jou drome na te jaag. Tobie is 'n jong tier wat daarvan droom om die donkerste dieptes van die oseaan te verken. Al wat hy nodig het, is waagmoed, deursettingsvermoë - en 'n tuisgemaakte duikboot! Kom saam met Tobie op 'n pretbelaaide avontuur, en ontdek daarna die inspirerende verhale van drie regte oseaanverkenners.
Met pragtige, skerp illustrasies en stories wat op ware verkenners gebaseer is, is Diereverkenners 'n reeks wat kinders sal inspireer om hulle drome te volg.
Publication date: 2021-02-13
Click to enlarge
Click to enlarge

4

9780639602028

Kinders: Prenteboeke

Illustrator: Piet Grobler
Kinders  -  Prenteboeke
R 155
R 124You save R 31
Kiets is anders as die ander katte in die agterstrate van Parys. Sy kan enige iets doen waarop sy haar kop sit. Selfs wanneer ander nie in haar glo nie. Sy verlaat haar katfamilie en gaan ontdek die stad waar sy die aande om dans en sing. Op haar reis ontmoet sy die legendariese Édith Piaf en Josephine Baker. Kort voor lank is sy ook beroemd. Maar is dit regtig die lewe wat sy wil hê? Katte het bowenal nege lewens, jy weet ...

Dianne Hofmeyr is een van Suid-Afrika se voorste kinderboekskrywers wat met verskeie pryse vereer is, insluitend die Sanlam Goue toekenning vir jeugliteratuur, wat sy al meer as een keer ontvang het. Haar boeke is in 18 tale vertaal. Piet Grobler is 'n bekende, veel bekroonde Suid-Afrikaanse illustreerder en skrywer van meer as tagtig boeke vir kinders.
Publication date: 2021-01-21
Click to enlarge
Click to enlarge
9781990957185

Kinders: Prenteboeke

Illustrator: Martie van Niekerk
Kinders  -  Prenteboeke
R 165
Agt stories, een vir elke aand, oor 'n
dogtertjie en haar ouma. Poppedonsie is 'n kleuter wat pas begin stap het en saam met haar onhebbelike ouma, wat die een flater na die ander begaan, allerlei avonture beleef.
Poppedonsie is die verteller wat alles raaksien en Ouma is altyd in die moeilikheid by Mamma.
Ouma word elke keer uitgevang, maar sy
word ook elke keer vergewe, want sy en
Poppedonsie is onafskeidbaar.
Ouma glo dat jellie speelgoed is, klim
met klere en al saam met Poppedonsie in die skuimbad en meng Poppedonsie se ertjies met Smarties sodat dit lekkerder proe.
Dit is mos hoe 'n ouma moet wees.
Publication date: 2020-12-15
Click to enlarge
Click to enlarge

7

9780620891622

Kinders: Prenteboeke

Illustrator: Marisa du Toit
Kinders  -  Prenteboeke
R 150
R 120You save R 30
Wipper en Dapper is beste vriende. Hulle is ook Husse ; Husse met lang ore. Husse word gewoonlik blameer waneer dinge onverklaarbaar vreemd is en dit is presies wat vandag gebeur. Die Goedemoed landgoed se wingerde is oornag verwoes en die skuldige het spoorloos verdwyn. Terwyl Wipper en Dapper uit die werfhond se kake probeer bly, soek hulle na antwoorde. Wie het die wingerde verniel? En wie se klein spoortjies lê die hele plaas vol? Die Husse moet hulle onskuld bewys, maar hoe?
Publication date: 2020-11-28
Click to enlarge
Click to enlarge
9781776250400

Kinders: Prenteboeke

Translator: Jaco Jacobs
Illustrator: Zinelda McDonald
Kinders  -  Prenteboeke
R 140
Ek en jy lyk dalk verskillend,
ons klink verskillend,
ons bly op verskillende plekke
en ons eet verskillende kos,
maar wanneer ek in jou oë kyk,
sien ek myself.

'n Warm, vertroostende boek oor vriendskap en ubuntu wat beide ons ooreenkomste en verskille vier.
Publication date: 2020-11-15
Click to enlarge
Click to enlarge
9780620896337

Kinders: Prenteboeke

Illustrator: Judy Maré
Kinders  -  Prenteboeke
R 160
Skrywer Liza M Roux en illustreerder Judy Maré het in die afsonderingstydperk saamgespan om ʼn boek met die titel 'Voetspore in die fynbos' te skep, wat kinders op ʼn ander wyse aan die seldsame luiperd bekendstel.
Publication date: 2020-11-15
Click to enlarge
Click to enlarge
9781485311584

Kinders: Prenteboeke

Translator: Esta Grobler
Illustrator: Piotr Socha
Kinders  -  Prenteboeke
R 395
'n Treffende, veelvlakkige en humoristiese boek oor een van die natuur se grootste geskenke: die by.

Hoe lank is heuningbye al op aarde? Wat is die rol van die koninginby en haar onderdane, en hoe maak bye die sidderdans? Wat doen die byeboer - die landheer van die byekolonie - en watter toerusting het hy nodig? Is bye werklik in gevaar en wat kan ons doen om hulle te beskerm?

Hierdie korf van 'n boek beantwoord hierdie vrae en nog baie ander met indrukwekkende illustrasies in groot formaat. Piotr Socha volg die geskiedenis van bye van antieke tye tot vandag. Dit gons van informasie oor die besige by-familie wat saam 'n georganiseerde samelewing vorm waarin elke lid 'n spesifieke rol het en die belang van bye en hulle kosbare heuning in die geskiedenis en in die res van die natuurlike wêreld.
Publication date: 2020-11-15
Click to enlarge
Click to enlarge
9781920335830

Kinders: Prenteboeke

Illustrator: Karen van den Merwe
Kinders  -  Prenteboeke
R 120
Ontmoet in hierdie vermaaklike boekie die twee klein donkies Vaaltyn en Diktand. Vaaltyn is die slimste - hy dink soms self so. Maar wanneer hy skrik of iets hom ontstel, laat vat hy met sy ore plat getrek terwyl sy stert stokstyf staan en hy sy oë styf toeknyp. En so beland hy kort-kort KAPLAKS! in die rivier.

Ou Diktand kyk net gewoonlik na dié spulletjie en bly Vaaltyn se beste maat. Al kan hy soms baie lekker lag wanneer Vaaltyn in die verknorsing beland.

Maak ook in Vrolike Vaaltyn en sy verhale kennis met hul ander maats en lees van al hul manewales. Dit is 'n vrolike boekie vol prettige illustrasies vir voor- of selflees en behoort in 'n wye verskeidenheid lesers of luisteraars se smaak te val. Die verhaaltjies is oorspronklik deur 'n ma vir haar kinders uitgedink en vertel.
Publication date: 2020-10-13
Click to enlarge
Click to enlarge
9781431428953

Kinders: Prenteboeke

Illustrator: Charles Gibbons
Kinders  -  Prenteboeke
R 130
Almal in hierdie gesin lyk anders. Pa is lank en donker. Ma het ligbruin hare met groen oë. Sommige van die kinders het reguit hare; ander het krulle. Mense beskou hulle nuuskierig totdat een van die kinders eendag die moed bymekaarskraap om trots oor haar identiteit te praat nadat sy geleer het waar sy vandaan kom en waarom sy anders lyk.
Hierdie prenteboek in rym geskryf, handel oor die identiteitskrisisse waarvoor baie kinders te staan ​​kom as hulle anders as hul familielede lyk. Die boek lei kinders deur die unieke en dikwels onvertelde geskiedenis van Suid-Afrika, en verduidelik hoe 'n erfenis van gemengde rasse tot hul fisiese verskille kan bydra, en tog kan hulle steeds deel van een gesin wees.

Hierdie boek kan ook gebruik word deur opvoeders of ouers wat hul kinders van diversiteit wil leer.
Publication date: 2020-09-15

© All Rights Reserved 2018
A Product of CEIT Development
Koop Afrikaanse en Engelse boeke aanlyn en spaar tot 20% op Nuwe Vrystellings, Topverkopers en Engelse algemene publikasies. Graffiti vir nuwe boeke, topverkopers, opvoedkundige boeke, Christelike boeke en winskopies. Kry ook jou Moleskine Joernaal hier teen 20% afslag.Buy Afrikaans and English books online and save up to 20% on Afrikaans New Releases and Bestsellers, as well as on English general publications. Graffiti for new releases, bestsellers, Christian books, educational books and bargains. Stockist of Moleskine Journals.