Kinders
Tieners

Results 1 to 15 of 168
Sorted by:  Publication date
Click to enlarge
Click to enlarge
9780799383805
R 160
R 128You save R 32
Stories oor die pyn en vreugdes van verlief wees. Stories oor die waagmoed, twyfel en uitdagings van jonk wees. Stories wat jou sal laat glimlag of 'n traan laat wegvee. Stories wat wéét hoe dit voel om sestien te wees.
Bekende skrywers soos Christine Barkhuizen le Roux, Christo Davids, Carina Diedericks, Nelia Engelbrecht, Jaco Fouché, HemelBesem, Jaco Jacobs, Eldridge Jason, Anzil Kulsen, Christien Neser, Nathan Trantraal, Jan van Tonder, Jan Vermeulen en Fanie Viljoen span saam met 'n klompie opwindende nuwe stemme in hierdie fantastiese nuwe bloemlesing wat op ouer tieners gemik is.
Marieta Nel en Adinda Vermaak het as samestellers reeds twee topverkoper-kortverhaalbundels die lig laat sien: Sweef (2009) en Skreeu (2010). Albei bloemlesings het wyd lof ingeoes en is landwyd deur skole voorgeskryf. Hul nuutste bloemlesing bevat 27 splinternuwe stories deur van die mees gerekende skrywers in Afrikaans. Dit is gemik op lesers in graad 10 en 11 en is net so vars, vernuwend en toeganklik soos sy voorgangers.
Publication date: 2017-11-30
Click to enlarge
Click to enlarge
9780798170284
R 150
R 49You save R 101
'n Bundel unieke kort liefdesstories wat tienerlesers sal wegvoer na 'n moderne sprokieswêreld vol aantreklike helde en romantiese heldinne. Elke verhaal is op 'n bekende sprokie of feëverhaal gebaseer - maar met 'n heerlike moderne kinkel.
Publication date: 2017-11-17
Click to enlarge
Click to enlarge
9780799383867
R 150
R 120You save R 30
'n Ramp.
Daar is geen ander manier om dit te beskryf nie. Elle is in matriek. Dit is veronderstel om die beste jaar van haar hele skoolloopbaan te wees. Sy is immers vanjaar hoofmeisie, sy het die beste vriende waarvoor enige meisie kan vra, sy gaan met die ou van haar drome uit, en daar is hope opwindende dinge by die skool om na uit te sien.
Maar die jaar skop op 'n aaklige noot af. Dinge tussen haar en Alex loop skielik skeef. En by die skool wag 'n groot skok op almal toe die hoof, mevrou Bender, onverwags ernstig siek word. Die waarnemende hoof, doktor Grimm, voel 'n veer vir die skool se tradisies en die spesiale projekte waaraan Elle-hulle soveel tyd en aandag bestee het. Al waarin die vreemde man met sy strikdas en sy fobie vir katte belang stel, is wiskunde. Hy is vasbeslote om Gravitas die beste wiskundeskool in die land te maak.
Elle besluit sy kan nie net toekyk hoe Gravitas se trotse tradisies die een ná die ander sneuwel nie. Maar kort voor lank kom haar hoofmeisiebalkie in gedrang …
Publication date: 2017-11-10
Click to enlarge
Click to enlarge
9780624081937
R 160
R 128You save R 32
2017 Sanlam Prys vir Jeuglektuur - Goud

Sedert die ongeluk bietjie meer as drie jaar gelede is dit elkeen vir homself wanneer die brokstukke van die Vorster-gesin in verskillende rigtings spat.Totdat Paternoster besluit om weer die Hoof van sy Eie Huis te wees - soos dit in 'n normale gesin hoort. Blou is nie 'n kleur nie is die sestienjarige Vicky se weergawe van 'n gesin se verswelging deur voorstedelike angs en ander bagasie.
Publication date: 2017-11-08
Click to enlarge
Click to enlarge
9780624081968
R 180
R 144You save R 36
2017 Sanlam Prys vir Jeuglektuur - Silwer

Peet Rautenbach het 'n donker geheim: sy obsessie met die blonde juffrou Reynolds. En die stem in sy kop. Hy hoor dit al sy lewe lank. Toe die polisie begin vrae vra oor meisies wat verdwyn en gerugte van 'n reeksmoordenaar die rondte begin doen, is immer-voorbeeldige Peet skielik die middelpunt van die ondersoek. Hy leer ken Port Elizabeth se Goth-onderwêreld, waar die makeup en maskers meer as net die identiteit van die partytjiegangers toesmeer, en waar Peet se stem uiteindelik 'n naam kry.
Publication date: 2017-11-08
Click to enlarge
Click to enlarge
9780624073123
R 150
R 39You save R 111
Gabriella wil haar oorlede ma se geliefde perd se bloedlyn op hulle plaas in Namibië hervestig. Donnabelle was 'n Oldenburger, 'n skaars warmbloedige Europese perd. Gabi wend 'n groot poging aan om Donnabelle se nageslag op te spoor, omdat sy hoop dit sal haar bande met haar oorlede ma versterk en sorg dat haar pa, wat pas weer getrou het, haar ma sal bly onthou. Noodgedwonge moet Gabi en haar stiefma saamwerk om Duke, oftewel, die 'hertog van harte' te gaan soek. Die soektog neem hulle na 'n landbouskool in die Boland. Duke is 'n humeurige perd en die enigste raad is om Robert, 'n Gr 12-leerder met 'n sonderlinge talent om met moeilike perde te werk, saam met Gabi-hulle terug Namibië toe te laat ry.
Publication date: 2017-11-01
Click to enlarge
Click to enlarge
9780799383829
R 150
Is jy gereed om die liefde van jou lewe te ontmoet?
Waarvoor wag jy? Sluit dadelik aan!
Léa kan dit nie help nie - die hoofseun, Philip Cronjé, laat haar hart tjoklits klop.
Philip is 'n regte Romeo. Hy het bruin oë, hy is slim en aantreklik - en hy het 'n meisie. Nie dat dit regtig saak maak nie, want Léa weet 'n ou soos Philip sal nie eens twee keer na 'n vaal, vervelige meisie soos sy kyk nie.
Maar dan skep haar beste vriendin, Kaylie, vir haar 'n vals profiel op Kupido.com, 'n kletskamer waar jy veronderstel is om die liefde van jou lewe te ontmoet. En kort voor lank is daar iemand wat met Léa wil gesels - Philip!
Daar is net een probleem: Die meisie op die profiel het rooi hare, sy is 'n bikinimodel in haar vrye tyd, en sy is baie avontuurlustiger as Léa.
Hoe lank sal Léa dit regkry om Philip te flous?
'n Snaakse, romantiese debuutroman vir tieners deur 'n opwindende jong nuwe skrywerstem in Afrikaans!
Publication date: 2017-09-11
Click to enlarge
Click to enlarge
9780624084181
R 175
Sy is Helena Bosman van die Noord-Kaap, maar Oupa en Oumie noem haar sommer Vaselinetjie. Sy is hulle hart se punt, tot Vaselinetjie tien jaar oud is en die Welsyn haar laat wegstuur na die kosskool in Gauteng. Want sy is wit en kan nie haar bruin oupa en ouma se regte kleinkind wees nie. Dit is 1993 en Suid-Afrika staan op die rand van 'n nuwe politieke bestel. Soos die land verander, so word Vaselinetjie ook in die vreemde, ongenaakbare weeshuiswêrled 'n jong vrou.
Publication date: 2017-08-01
Click to enlarge
Click to enlarge
9780798175951
R 155
Wanneer Eddie twee mans hoor praat oor 'n rooftog jare gelede tydens die Boendoesbaai Derby, is hy vasberade om die geheim te ontrafel. Kon so iets skokkends ooit in hulle klein kusdorpie gebeur? Maryna Cloete, pal met haar neus in ander se sake, meng natuurlik dadelik in met sy planne. Hulle pad kruis ook met die Von Dempter-neefs, Hein en Roelof, wat in die woonwapark kamp vir die vakansie. En gou word dit duidelik dat vraagtekens soos coat hangers die dorp vol hang.
Publication date: 2017-08-01
Click to enlarge
Click to enlarge
9780624081852
R 150
Elton April is kwater as kwaad. Sy ma is meer gereeld by die huis, maar soms moet hy vir haar instaan as verpleegster vir die aftreeoord se ingroeitoonnaels en hoofpyne. Gelukkig kry hy opleiding in noodhulp by Hoërskool Horison, waar hy nou in Gr 8 is. Sy beste pelle Dawid en Lesedi is in 'n ander skool, en Jireh, die skarminkel van Tekkie Town se flêtse, is 'n senior in sy skool. En sy ma is swanger. Die aarde kan hom maar insluk.
Publication date: 2017-07-01
Click to enlarge
Click to enlarge
9781432205478
R 199
Niemand trou met die plan om te misluk of na vyf jaar met 'n nuwe huwelik te begin nie. Baie min paartjies weet egter voor hulle troudag wat dit verg om 'n sukses van die huwelik te maak. Die feit is: Liefde alleen is nie genoeg nie; dit kos harde werk! Liefde is nie om die volmaakte maat te vind nie, maar om jou onvolmaakte maat op die volmaakte manier lief te hê.
 Voel dit of julle nie meer in kontak is met mekaar nie?
 Veroorsaak issues soos geld, skoonfamilie, seks en kinders rusies?
 Sal jy enigiets doen om weer die ou vonk tussen julle terug te kry?
Hier is die geheim van liefde wat vir ewig hou
ONBLUSBARE LIEFDE inspireer paartjies om mekaar weer te ontdek en die ou passie terug te kry. Met hierdie handleiding is julle een tree nader aan 'n supergelukkige huwelik. Die idee is dat jy en jou maat dit saam deurwerk en julle huwelik 'n boost gee - een stappie op 'n slag, in 52 weke.
Gretha deel haar kennis en gee dan praktiese vrae aan die einde van elke hoofstuk. Dit gee julle die kans om oopkop oor belangrike issues te gesels. As ons weet wat die ander een nodig het om werklik geliefd te voel, sal ons ons huwelike soveel makliker gesond kan hou.
Leer om regtig na mekaar te luister, want elke mens wil graag gehoor word. Probeer volgende keer om dalk eerder stil te bly sodat jy jou maat se hart kan verstaan!
Publication date: 2017-07-01
Click to enlarge
Click to enlarge
9780624073185
R 160
R 30You save R 130
Clint Eastwood van Wyk se Amerikaanse nefie Budde kom kuier vir drie weke. Hulle hele gesin gaan na die familieplaas in die Moordenaarskaroo, ter wille van Clint se pa se argeologiese navorsing en sy ma se belangstelling in spoke en VVV's. Op die plaas woon Oupa Gammie en sy kleinseun, Kiewiet, wat die twee seuns oor jag en spoorsny inlig. Aanvanklik word Budde vir 'n grap banggemaak, maar dan word die onmoontlike geleidelik waar: 'n spookhuis, 'n versteende woud, 'n vloed, 'n oerskerpioen, 'n lugskip, 'n Engelse lord, 'n verstommende Victoriaanse robot en 'n moordenaarsklok . . .
Die verhaal is meesleurend
Publication date: 2017-06-01
Click to enlarge
Click to enlarge
9780624077565
R 160
Kan die jong Bewakers van Bospoort staande bly teen die donker magte van planeet Mitigon? Is hulle kragte en magte sterk genoeg om weerstand te bied teen die bose Chanda-Mundia? In boek vier van die Poort-reeks moet Kali nie net haar vriende lei in die aanslag teen Chanda-Mundia en sy volgelinge nie, maar moet sy ook moeilike keuses maak. Te midde van hierdie moeilike keuses, liefdesdriehoeke en donker geheime ontdek Kali dat oorwinning teen 'n prys kom . . . 'n prys wat haar kan vernietig.
Publication date: 2017-06-01
Click to enlarge
Click to enlarge
9780624081791
R 150
Hannes Joubert en sy Melkbosmaats word betrek by 'n permeloenstroopsindikaat op hulle dorp. Hannes en Zander lei 'n sorgelose longboard-lewe van surf en elke Vrydag milkshakes drink by Goofies, waar hulle vriendin Luna na skool waitress. Zander en Hannes merk een middag 'n paneelwa sonder nommerplate op.  Hannes se speurinstink skop in en hulle volg die kar tot by die see, waar verdagte mans uitklim met staalmesse en nette. Die volgende oomblik is hulle vasgebind agterin die paneelwa!
Publication date: 2017-06-01
Click to enlarge
Click to enlarge
9780798175319
R 125
Zoe en Zoya is 'n identiese tweeling. Maar dit is waar die ooreenkoms eindig. Terwyl Zoe gedurig haar neus in 'n boek het en posters van die periodieke tabel teen haar kamermuur plak, is Zoya meer behep met haar voorkoms en die nuutste ou waarop sy kamtig verlief is. Wanneer Zoe 'n klomp seuns as proefkonyne gebruik vir haar ekspo-taak, raak dinge gekompliseer. Zoe móét net beheer kry van haarself. En beslis en absoluut totaal en al nie staan en verlief raak op haar sussie se kêrel nie!
Publication date: 2017-06-01

© All Rights Reserved 2017
A Product of CEIT Development