●●● GRATIS KOERIER AFLEWERING OP BESTELLINGS BO R450 ●●●

Soek resultate: Daniel Hugo

Results 31 to 45 of 63
Gesorteer volgens:  Publikasiedatum
Klik om te vergroot
Klik om te vergroot
9781869199470

Nie-fiksie / Non-fiction: Populêre Sielkunde / Popular Psychology

Vertaler: Daniel Hugo
Nie-fiksie / Non-fiction  -  Populêre Sielkunde / Popular Psychology
R 300
Die storie van jou lewe is die storie van jou brein. Dick Swaab volg die mens, en dan veral sy brein, vanaf bevrugting tot en met die dood. Alles kom ter sprake in Ek is my brein: puberteit, seksualiteit, anoreksie, Alzheimer se siekte, medikasie, misdadigheid, geloof, breinbeserings, psigiese probleme en byna-doodervarings. Hierdie boek sal jou beter laat verstaan waarom jy is wie jy is.
Publikasiedatum: 2014-04-01
Klik om te vergroot
Klik om te vergroot
9781869199685

Fiksie: Romans

Vertaler: Daniel Hugo
Fiksie  -  Romans
R 250
Aan die ander kant van die lyn het my broer 'n diep sug gegee.
'Ek dink jy weet waaroor dit gaan,' het hy gesê.
'Weet Babette?' het ek toe maar gevra.
'Ja. Daarom wil ek hê ons al vier moet by wees. Dit gaan ons al vier aan. Dis ons kinders.'

Twee broers en hulle vrouens gaan een aand eet in 'n deftige restaurant: Paul Lohman, mislukte onderwyser en sy slim vrou Claire, saam met Serge Lohman, kandidaat vir die premierskap in die opkomende verkiesing, en sy vrou Babette. Teen die agtergrond van die bediening van keurige geregte en tipiese restaurantpraatjies ontvou 'n ontstellende verhaal.

Reg van die begin van die roman af is die leser bewus van onderliggende spanning. Paul, die verteller, kan sy broer duidelik nie verdra nie - Serge is immers suksesvol, aantreklik en beroemd - en aanvanklik lê die leser se simpatie dan ook by Paul. Maar gaandeweg word dit duidelik dat veel meer op die spel is as blote jaloesie tussen die broers. Soos een onthulling op die ander volg, word die leser gedwing om sy taksering van die vier volwassenes en hulle kinders aan te pas.

Die aandete is 'n onoortreflike roman wat die vraag vra in hoeverre jy as ouer vir die dade van jou kind verantwoordelik is.
Publikasiedatum: 2013-09-01
Klik om te vergroot
Klik om te vergroot
9781869199418

Fiksie: Uitverkoping

Vertaler: Daniel Hugo
Illustreerder: Klaas Verplancke
Fiksie  -  Uitverkoping
R 190
R 79Jy spaar R 111
Reinaard die vos is 'n unieke skelmroman wat miljoene lesers oor die hele wêreld al meer as 700 jaar boei. Dit is een van die beroemdste boeke uit die Middelnederlandse literatuur. Henri van Daele het hierdie klassieke werk herskryf.
Reinaard die vos is een van die boeiendste Middelnederlandse tekste wat behoue gebly het. Dit is in Vlaandere geskryf rondom 1260. In meer as een opsig is dit 'n merkwaardige boek.
Ons weet byvoorbeeld van die skrywer niks meer nie as dat hy Willem is 'wat Madoc gemaak het'. (Madoc moet 'n ander boek deur Willem wees, maar dit het verlore gegaan.) Merkwaardig is ook dat Reinaard die vos wegbreek van die tradisie van die ou fabels of diereverhale. Willem van Madoc se vosverhaal is 'n bytende satire op die destydse politieke, sosiale en godsdienstige (wan)toestande. Die dinge wat deur Willem aan die kaak gestel word, is inderwaarheid vandag nog deel van ons samelewing. In ongeveer 1375 verskyn uit die pen van 'n onbekende skrywer 'n vervolg op Willem se Reinaard as Reinaard se geskiedenis.
Henri van Daele het hierdie twee Middelnederlandse rymende eposse naatloos aanmekaargelas en dit in soepel prosa herskryf.
Publikasiedatum: 2013-08-01
Klik om te vergroot
Klik om te vergroot
9781869199487

Fiksie: Uitverkoping

Vertaler: Daniel Hugo
Fiksie  -  Uitverkoping
R 250
R 99Jy spaar R 151
Netnou gaan ek melk. Môreoggend gaan ek weer melk. En die res van die week natuurlik ook, én volgende week. Maar dit is nie meer genoeg nie. Ek dink nie ek kan meer my kop onder die koeie insteek om op dié manier die dinge hul gang te laat gaan nie. Soos 'n idioot.

Sy hele lewe lank doen Helmer iets wat iemand anders moes doen. Toe sy tweelingbroer Henk op neëntien sterf, moet Helmer sy literatuurstudie in Amsterdam staak en saam met sy pa die plaaswerk doen. Ná sewe-en-dertig jaar is Helmer se pa sterwend. Helmer dra hom na die boonste verdieping van die plaashuis waar hy sy siekbed moet deurbring. Noudat sy pa nie meer bevele kan blaf nie, is dit Helmer se kans om wraak te neem. Of om homself te leer ken en te doen wat sy hart hom voorskryf.
Bo is dit stil is pragtig geskryf, ingetoë en helder, met tallose besonderhede oor die daaglikse boerelewe op die koue, nat Nederlandse platteland.
Publikasiedatum: 2013-07-01
Klik om te vergroot
Klik om te vergroot
9781869199128

Fiksie: Poësie

Vertaler: Daniel Hugo
Fiksie  -  Poësie
R 170
'n Keuse van gedigte uit die Nederlandse digter Alfred Schaffer se vyf bundels, soos vertaal deur Daniel Hugo

Vir die fynproewer-leser bied hierdie bundel 'n opwindende leeservaring: surrealistiese verse wat hulle nie maklik tot interpretasie leen nie Tog handel die verse dikwels oor baie konkrete dinge - en is Schaffer se opstapeling van skynbaar verbandlose idees juis tekenend van die menslike kondisie in die een-en-twintigste eeu
Publikasiedatum: 2013-06-01
Klik om te vergroot
Klik om te vergroot
9781869198251

Kinders: Uitverkoping

Vertaler: Daniel Hugo
Kinders  -  Uitverkoping
R 180
R 75Jy spaar R 105
Nederland, 1938. Fing Boon se droom stort in duie. In plaas van verder studeer om onderwyseres te word, moet sy by die Sigaarkeiser gaan werk. As oppasser - of eerder 'betaalde vriendin' - vir die Sigaarkeiser se eienaardige niggie Liesl voel sy al hoe meer opstandig oor haar lot: vriendskap is tog nie iets wat 'n mens kan koop nie? Boonop kan haar sussies Muulke en Jes haar ontevredenheid glad nie kleinkry nie - wat hulle betref is Fing se bed tog te gerieflik opgemaak en is haar afsydigheid teenoor Liesl pure aanstellerigheid. Maar dan breek die Tweede Wêreldoorlog uit, en Liesl is in groot gevaar. Die enigste een wat haar kan help, is Fing. As die noodlot onafwendbaar lyk, kry Fing op 'n wonderbaarlike wyse hulp: nie van mense nie, maar van die mynperd Heivisj en van 'n stokou lindeboom.
Die hemel van Heivisj is 'n vervolg op Nege Oop Arms, maar kan ook selfstandig gelees word.
Publikasiedatum: 2013-06-01
Klik om te vergroot
Klik om te vergroot
9781869198190

Kinders: Uitverkoping

Vertaler: Daniel Hugo
Kinders  -  Uitverkoping
R 180
R 69Jy spaar R 111
In die Nederlandse provinsie Limburg naby die dorp Sittard staan 'n verwaarloosde huis - 'n huis waar die sussies Muulke, Fing en Jes maar langtand is om in te trek. Van tragiese tragedies en 'n ewige gerondswerf het hulle in hul kort lewens al genoeg gehad. Wie wil immers in 'n bouvallige kasarm met 'n voordeur aan die agterkant en 'n drumpel op kniehoogte woon - en dan nog rekening hou met 'n pa wat vas glo éérs glo, dan sien? Maar wanneer die meisies 'n eienaardige ontdekking in die kelder maak, beland hulle op die spoor van 'n fassinerende verhaal: 'n Verhaal van swerwers, verbode liefde en gebreekte beloftes - en van spoke wat wel tot rus gebring kan word.
Publikasiedatum: 2013-03-01
Klik om te vergroot
Klik om te vergroot
9781869197018

Kinders: Ouderdomsgroep 6 - 9

Vertaler: Daniel Hugo
Illustreerder: Thé Tjong-Khing
Kinders  -  Ouderdomsgroep 6 - 9
R 150
Piep en Tok gaan weg uit die bos.
Die hok op die heining staan leeg.
Maar nie vir lank nie.
Want Pluim kom kuier.
'Hallo, Vos! Hallo, Haas!
Hallo, Uil!' sê sy.
'Ek het genoeg gehad van die stad.
Ek wou 'n slag uitkom.
En ek gaan 'n rukkie bly.
Is die hok te koop?'

Die vierde boek in die bekroonde reeks oor Vos en Haas sluit ten opsigte van die leesvlak én die verhaallyn by die vorige drie dele aan. Vos en Haas op die eiland is geskryf in kort sinne, met 'n effens meer gevorderde woordeskat wat rekening hou met die jong leser se begripsvermoë. Die wisselende lettergroottes ondersteun die intonasie en beklemtoning wanneer daar hardop gelees word.
Publikasiedatum: 2013-02-01
Klik om te vergroot
Klik om te vergroot
9781869198152

Kinders: Tieners

Vertaler: Daniel Hugo
Kinders  -  Tieners
R 175
'Kom ek kyk of ek dit reg verstaan. In Knocke word wapens vervaardig. Dit word aan El-Ende verkoop, sodat die mense daar mekaar aan flarde kan skiet. 'n Deel van die geld wat in Knocke met die wapenverkope gemaak word, gaan na Spalk. Met daardie geld gaan die mense van Spalk die gewondes in El-Ende versorg en die gebombardeerde huise weer opbou. Kortom, hulle gaan die skade weer ongedaan maak. Dit is mos malligheid.'
Publikasiedatum: 2012-10-01
Klik om te vergroot
Klik om te vergroot
9781869195588

Kinders: Prenteboeke

Vertaler: Daniel Hugo
Kinders  -  Prenteboeke
R 160
Fielies die pratende kat bly saam met Pettson in 'n Sweedse plaashuisie. Eendag ontdek Fielies 'n tent, en hulle besluit om langs die rivier te gaan kamp. Maar dinge draai nie heeltemal so goed uit nie ...
Publikasiedatum: 2012-09-01
Klik om te vergroot
Klik om te vergroot
9781869195595

Kinders: Prenteboeke

Vertaler: Daniel Hugo
Kinders  -  Prenteboeke
R 160
Pettson vul 'n blokkiesraaisel in. Sy kat, Fielies, sit op sy skoot. 'Vertel my van die keer toe ek weggeraak het,' sê Fielies. 'Jy het nie weggeraak nie,' sê Pettson. 'Jy sit dan hier by my.' 'Ja, maar toe ek klein was.' 'O, toe. Maar jy ken mos die storie. Ek het dit al so baie vertel.' 'Vertel asseblief weer!' Pettson skuif sy blokkiesraaisel opsy. 'Wil jy die hele storie hoor, of net die deel waar jy wegraak?' 'Die hele storie,' sê die kat terwyl hy homself gemaklik maak. 'Goed dan,' sê die ou man ...
Publikasiedatum: 2012-09-01
Klik om te vergroot
Klik om te vergroot
9781869196868

Fiksie: Uitverkoping

Vertaler: Daniel Hugo
Fiksie  -  Uitverkoping
R 200
R 79Jy spaar R 121
Antwerpen 1582. Die veertienjarige dief en inbreker Gitte Niemandsdogter word deur 'n stadswagter gearresteer, en sy word ter dood veroordeel. Sy ontsnap net-net aan die galg deur die onderbalju daarvan te oortuig dat haar pa 'n Spaanse hertog is. Hy is boonop die raadgewer van koning Filips die Tweede. Die Nederlande is in oorlog met Spanje, en in ruil vir haar lewe moet Gitte spioeneer vir die Nederlandse prins van Oranje. Sy gaan na Sevilla en sal al haar lis en vernuf moet aanwend om die hertog se strategiese seekaarte te steel. Maar hoe langer Gitte in Sevilla is, hoe meer hou sy van die stad en van die hertog. Wanneer sy die elegante don Domingo ontmoet, raak sy dolverlief. Sy probeer alles in haar vermoë om van haar opdrag ontslae te raak ...
Publikasiedatum: 2012-09-01
Klik om te vergroot
Klik om te vergroot
9781869197636

Fiksie: Poësie

Fiksie  -  Poësie
R 160
Lesers het Daniel Hugo reeds leer ken as 'n digter met 'n eiesoortige, ironiese blik op die werklikheid. In hierdie bundel sluit hy aan by ander skrywers wat 'n besorgdheid oor die agteruitgang van die omgewing in hul werk oordra.
Publikasiedatum: 2012-07-01
Klik om te vergroot
Klik om te vergroot
9781869194611

Fiksie: Uitverkoping

Vertaler: Daniel Hugo
Fiksie  -  Uitverkoping
R 200
R 79Jy spaar R 121
Re Jana trek saam met haar pa en haar verlamde ma weg van die moerasse in Kanaan, want die water bly styg. Daar word vertel dat landin 'n reusagtige vaartuig gebou word en dat die boumeester nog werkers soek. Diep in die rotswoestyn is 'n groot bouwerf, en in die middel daarvan staan dít waaroor almal in Kanaan lag: die skip in die woestyn.
Die arkbouers wat almal in net een god glo, verwag 'n groot onheil. Gaandeweg kom Re Jana agter watter rampspoed hulle gaan tref: die hele wêreld gaan oorstroom word. Daar is net plek op die ark vir die boumeester en sy familie. Gam, die jonste seun, beloof aan Re Jana 'n plek op die skip. Maar dan kom die slanke Neelata daar aan. Neelata is bestem om Gam se vrou te word ...

Die arkvaarders is 'n spannende en diepsinnige hervertelling van die bekende Bybelverhaal oor die sondvloed.
Publikasiedatum: 2012-03-01
Klik om te vergroot
Klik om te vergroot
9781869195434

Fiksie: Poësie

Vertaler: Daniel Hugo
Fiksie  -  Poësie
R 170
Miriam Van hee is tans een van die mees gelese digters in die Lae Lande. In hierdie keuse uit haar poësie het Daniel Hugo, die vertaler, hom in sy keuse eerstens laat lei deur die vertaalbaarheid van die verse, maar ook probeer om die Afrikaanse leser 'n oorsig te bied van haar werk. Van hee se poësie is so gestroop soos takke wat hulle blare verloor in die herfs, die seisoen wat dikwels in haar gedigte genoem word. Stemmings van stilte, afwagting en leegheid is oorheersend.
Publikasiedatum: 2012-01-01

© All Rights Reserved 2018
A Product of CEIT Development
Koop Afrikaanse en Engelse boeke aanlyn en spaar tot 20% op Nuwe Vrystellings, Topverkopers en Engelse algemene publikasies. Graffiti vir nuwe boeke, topverkopers, opvoedkundige boeke, Christelike boeke en winskopies. Kry ook jou Moleskine Joernaal hier teen 20% afslag.Buy Afrikaans and English books online and save up to 20% on Afrikaans New Releases and Bestsellers, as well as on English general publications. Graffiti for new releases, bestsellers, Christian books, educational books and bargains. Stockist of Moleskine Journals.