AFSLAG SLEGS OP AANLYNBESTELLINGS ●●● GRATIS aflewering op bestellings bo R450 in RSA

Fiksie
Romans

Results 196 to 210 of 479
Gesorteer volgens:  Publikasiedatum
Klik om te vergroot
Klik om te vergroot
9780799383126

Fiksie: Romans

Fiksie  -  Romans
R 285
R 257Jy spaar R 28
Februarie, 1861. 'n Groepie trekboere maak naby die Gamagara-rivier in die Kalahari staning. Nie ver daarvandaan nie, lê Stilbos - 'n misterieuse bos sonder voëls, maar ook die skuilplek van die Doodsroeper, 'n onaardse wese wat uitroep voordat iemand sterf. Kort voor lank word die geskende lyk van een van die boere in die bos gevind. Dit is ongetwyfeld moord en Soois Bruwer, 'n verloopte wetsman, word versoek om ondersoek in te stel. Hoe dieper hy delf, hoe ingewikkelder word die saak en hoe meer besef hy dat hy eintlik maar bitter min van die mense óm hom weet. Op hul hulp kan hy ook nie juis reken nie. Daar is nou wél oom Albert Siener met sy vreemde visioene, maar daarvan verstaan Soois g'n snars nie. Dan is daar Nella Uys, 'n onkonvensionele, geheimsinnige vrou wat baie weet, maar min sê. En klein Krisjan Harmse wat die oplossing vir die raaisel ken, verraai niks. Net toe Soois dink hy is op die regte spoor, roep die Doodsroeper weer en sit hy met 'n tweede lyk op hande. Nou moet hy alles inspan om die moordenaar vas te trek, maar 'n hele klompie verrassings wag nog op hom ...
Publikasiedatum: 2017-03-01
Klik om te vergroot
Klik om te vergroot
9780798174411

Fiksie: Romans

Fiksie  -  Romans
R 255
R 230Jy spaar R 25
Dis die laat tagtigs in Johannesburg. Adriana van der Hoon is agtien. Haar aktivis-pa het jare lank oorsee geld vir die Education Trust ingesamel, en nou staan die veiligheidspolisie op haar drumpel met 'n ultimatum. In Berlyn leer sy oorleef. Dis waar sy haar talent om messe te gooi vervolmaak, en waar sy Yasen Todorov ontmoet. Hier, weg van alles wat bekend is, leer Adriana dat mens oor alles kan onderhandel, ook jou onskuld. Sirkus is Venter se vyfde roman - haar beste nog.
Publikasiedatum: 2017-03-01
Klik om te vergroot
Klik om te vergroot
9780798175708

Fiksie: Romans

Fiksie  -  Romans
R 330
R 297Jy spaar R 33
Spanningsverhaalkoning Deon Meyer het naas sy topverkoperromans ook sy skryfvinger in 'n aantal film-pasteie. Vir die eerste keer is vier van sy Afrikaanse draaiboeke nou saam te lese: Jakhalsdans, Die laaste tango, Die ballade van Robbie de Wee en ook 2017 se Jagveld. Vermaak op sy beste!
Publikasiedatum: 2017-03-01
Klik om te vergroot
Klik om te vergroot
9780795801204

Fiksie: Romans

Fiksie  -  Romans
R 275
R 248Jy spaar R 27
Stellenbosch se studente is opstandig. Die dorp brand, en in Sophia se klein dog veilige huisie droom sy van Pompeii en wegloop, weg van elke dag se sleur by BoekWeb en haar man se speurderwerk. Wanneer haar klein Magriet wegraak en Sophia ontvoer word, moet sy egter spartel om uit die web te kom - haar kind moet van die spinnekop gered word. In Naomi Meyer se debuutroman word die Boland, SA en ons almal se brandpunte helder verlig.
Publikasiedatum: 2017-03-01
Klik om te vergroot
Klik om te vergroot
9780624081371

Fiksie: Romans

Fiksie  -  Romans
R 310
R 279Jy spaar R 31
Isabella staak haar studies en durf saam met Gideon die harde myn-wêreld van die Noord-Kaap aan, waar sy met die aardsheid van die mynmense kennis maak. Ná haar dogter se geboorte ruk die lewe haar voete onder haar uit: stemme klink op die wind uit die kameeldoringbos, en sy bevind haar in 'n ondenkbare situasie. Versoening kom op onverwagte wyses, totdat haar kopdokter vind: die suidoos langs die branders by Bloubergstrand.Isabella is 'n deurdagte verkenning van 'n ongewone moederskap.
Publikasiedatum: 2017-03-01
Klik om te vergroot
Klik om te vergroot
9781928405030

Fiksie: Romans

Fiksie  -  Romans
R 240
R 216Jy spaar R 24
'n Hoëspoed verhaal wat die leser vanaf die ysige vlaktes van Oos-Siberia na die tropiese waters van Angola neem, van beraadslaging oor staatsveiligheid tot persoonlike verhoudings van spioenasie en intriges tot die gevegsintervlak. Geplaas in 'n tydperk wanneer allerlei slinkse transaksies en heimlike operasies uitgevoer is.
Publikasiedatum: 2017-03-01
Klik om te vergroot
Klik om te vergroot
9781485306474

Fiksie: Romans

Fiksie  -  Romans
R 170
R 153Jy spaar R 17
Hierdie novelle sluit aan by twee vorige prosawerke van Dolf van Niekerk, naamlik die jeugverhaal Karel Kousop (1985) en Koms van die hyreën (1994). Kroniek van turf is gedeeltelik 'n prequel vir die vorige twee boeke. Dit vertel die geskiedenis van Gerrit, 'n werknemer van die VOC, wat in die 18de eeu begin boer op 'n leningsplaas in die Roggeland. Omstandighede dwing hom om na die distrik Swellendam te verskuif. Sy twee seuns, Johannes en Daniel, soek albei later ook na 'n veiliger blyplek, aanvanklik in die Kamdebo. Onrus op die Oosgrens laat hulle verder trek; Johannes na wat tans die Vrystaat is en Daniel saam met die Voortrekkers na Natal, waar hy en sy vrou slagoffers van die Bloukransmoorde word.
Waar Johannes hom op 'n plaas tussen die Riet- en die Modderrivier vestig, maak hy weer kontak met die Kousop-Boesmans wat hy vroeër naby die Gariep ontmoet het. Tussen Johannes se nageslag en die Boesmans ontwikkel 'n vae, onsekere band wat oor meer as 'n eeu sou strek. Onverwags maak een van Johannes se nasate, Johan, tydens die Bosoorlog kennis met 'n Boesmanspoorsnyer wat ook 'n Kousop-nasaat blyk te wees en wat 'n bepalende rol in 'n grondeis op Johan se plaas tussen die twee riviere sou speel.

OOR DIE OUTEUR
Dolf van Niekerk is 'n bekende en geliefde skrywer van prosawerke soos Die son struikel (1960), Skrik kom huis toe (1968) en Die haasvanger (1985). Sy mees onlangse publikasies, die digbundels Bleek planeet (2012) en Portrette in my gang (2015), is baie goed deur die kritiek ontvang. Hy is meermale vir sy werk bekroon en het onder andere die Eugène Marais-prys, die M.E.R.-prys en die Scheepersprys ontvang.
Publikasiedatum: 2017-03-01
Klik om te vergroot
Klik om te vergroot
9780624082262

Fiksie: Romans

Fiksie  -  Romans
R 280
R 252Jy spaar R 28
Ná jare van ontbering vind Mina Afrika geluk in die kusdorpie Visbaai. In haar moderne kombuis leef sy haar ten volle uit as sjef; sy raak al hoe meer betrokke by die interessantste mense. Tot 'n doodgewone aankondiging oor middagete alles verander. Skielik word dit weer nag vir Mina. En vir die mense naaste aan haar.
Publikasiedatum: 2017-02-01
Klik om te vergroot
Klik om te vergroot
9780624081340

Fiksie: Romans

Fiksie  -  Romans
R 290
R 261Jy spaar R 29
Rachel, 'n huiswerker van Mosambiek, se dogter sterf tragies onder die sorg van haar Suid-Afrikaanse werkgewers, die Jordaans. Sy word gekonfronteer met 'n onmoontlike keuse: keer sy terug na die armoede van haar geboorteland, of bly sy, om haar visum te hou, en haar familie in Inhassoro te ondersteun? Dit raak selfs moeiliker wanneer sy uitvind die Jordaans verwag hul eerste kind. Sink verken verlies uit die perspektief van drie mense van uiteenlopende agtergronde. Ook 'n treffer-film.
Publikasiedatum: 2017-02-01
Klik om te vergroot
Klik om te vergroot
9780799381597

Fiksie: Romans

Fiksie  -  Romans
R 340
R 306Jy spaar R 34
Wie is Aengel Rousseau? En wie was die voormoeder by wie Aengel dagboeke, 'n skulp, 'n seewatersteen en 'n verbod om haar hare te sny, geërf het?
Dis die vrae wat Aengel Kierangbaai toe lok. Want dis waar Angelique d'Avignon amper twee eeue gelede haar spore gelaat het en legendes van die visvrou ruig loop.
Geleidelik maak Aengel sin van die legendes oor Annie en die vloek wat sy oor die Niemands uitgespreek het. Die vier moorde wat op Kierangbaai gepleeg word, kan Aengel egter nie kleinkry nie. Ook nie haar gevoelens vir Roark of hoekom iemand dink sy kan Annie se vloek ophef nie.
Gys en Fortuintjie moet weer hul speurvernuf inspan en dit ry Gys se poging om vir oulaas Gertjie se hart te wen, sleg in die wiele.
Publikasiedatum: 2017-01-01
Klik om te vergroot
Klik om te vergroot
9780799381542

Fiksie: Romans

Fiksie  -  Romans
R 285
R 257Jy spaar R 28
2de Uitgawe.

Briel kom in Lüderitz aan soos hy sewentien jaar gelede daar weg is - omdat hy nie 'n keuse het nie. Hy is daar om 'n moord op te los, maar die tydsberekening kon nie slegter gewees het nie. Hy het griep, sy vrou is kwaad vir hom en hy wou Lüderitz nooit weer gesien het nie.
En binne 'n paar dae sit hy met twee lyke, 'n slagoffer wat al meer soos 'n skurk begin lyk, 'n moordenaar wat al meer soos 'n slagoffer begin lyk en 'n ooggetuie wat al meer soos 'n medepligtige begin lyk. Hoe dieper hy in die saak delf hoe dieper moet hy in sy herinneringe delf; moet hy daardie ondenkbare somer op Lüderitz - die laaste somer van sy kindwees - onthou. Wat hy juis wil vergeet. Want Lena, sy skooljuffrou en buurvrou van destyds, het steeds dieselfde uitwerking op hom, en dit lyk asof sy in die saak verwikkel is.
Publikasiedatum: 2016-12-01
Klik om te vergroot
Klik om te vergroot
9781920188528

Fiksie: Romans

Fiksie  -  Romans
R 232
R 209Jy spaar R 23
Katryn is Winnie Rust se laaste boek.
Dis die 1860's. Op Wellington is die koms van die stoomlokomotief en die bediening van die nuwe predikant, Andrew Murray, ewe groot nuus. Die pad na die goudvelde van die noorde is oop, die Masonic-hotel op die dorp floreer en die geestelike herlewing het 'n nuwe vroomheid na die Boland gebring.
Sedepreke teen alles wat modern of plesierig is, grief vir Blink Ben Marais, erfgenaam van die wynplaas Wolwehoek. Hy is geleerd en ervare en onrustig oor die uitwerking wat die nuwe opvattings op die boerdery kan hê. Boonop kan hy die hoteleienaar se dogter nie uit sy gestel kry nie. Katryn is geheimsinnig, uitdagend en pragtig. Die mense praat en Blink Ben weet hy moet kies.
Wellington is telkens sentraal in Winnie Rust se werk. Uit haar pen het verskeie dagstukkies verskyn, asook rubrieke, kortverhale en romans. Martha: 'n verhaal oor Martha Solomons, Countess of Stamford (Hemel & See Boeke) het die kortlys vir die Jan Rabie-Rapport-prys vir 2005 gehaal.
'Winnie Rust het 'n buitengewone vertelvermoë: die onmiddellike aspekte van die verteller, die spontane, helder taal.'
-- Barend J Toerien, Rapport, 1 Mei 2005

Op 11 Mei 2016 is Winnie Rust in haar huis op Wellington vermoor. Die manuskrip van Katryn is kort voor haar dood voltooi.
Publikasiedatum: 2016-12-01
Klik om te vergroot
Klik om te vergroot
9780799381535

Fiksie: Romans

Fiksie  -  Romans
R 350
R 315Jy spaar R 35
Een en twintig uitverkorenes van die Meetsnoer Tempel sal op 20 Oktober 2010 weggeraap word. Dit sal die begin wees van die einddae van die aarde en die verskrikking wat daarmee gepaardgaan.
Voor die wegraping egter kan plaasvind, moet die apokaliptiese sluier gelig word. Profeet Sias moet neerskryf wat aan hom geopenbaar word en dit kan net op die nuwe Eden gebeur.
Toe Raine Quinn Fluisterbos koop, weet sy nie sy ry Sias se heilige taak in die wiele nie, ook nie dat Fluisterbos die nuwe Eden is nie. En nog minder van Flint Fletcher se obsessie oor dié klein stukkie oerbos. Sy kon ook nie voorsien dat een van die Meetsnoer-lidmate die nag van haar aankoms op Fluisterbos vermoor sal word nie.
Raine twyfel of die aarde se einde werklik in sig is, maar besef kort voor lank, haar eie is dalk wel.
Inspekteur Gys Niemand en Fortuintjie moet weer hulle speurvernuf inspan ondanks teenkanting in eie geledere.
Publikasiedatum: 2016-12-01
Klik om te vergroot
Klik om te vergroot
9781770229297

Fiksie: Romans

Fiksie  -  Romans
R 230
R 207Jy spaar R 23
In Sabbatsreis vertel Annelie Botes hoe sy in 2004 blindelings op 'n vliegtuig geklim het om in Engeland 'n ouma te gaan soek wat sy kon oppas. Om haar skuld te betaal. Vir 'n hellejaar (ook met heelwat hemelse oomblikke!) word sy Granny se hoeder.

Maar genoeg is selde genoeg. Kwalik ses maande nadat sy teruggekom het Baai toe, vlieg sy wéér Engeland toe. Dié keer as die goewernante van vier onhebbelike bloubloed-seuntjies. En, soos Aspoestertjie, bevind sy haar in 'n grillerige ou kasteelhuis, en sy is net 'n kasteelbediende. Sy ly honger; sy verkluim. Sy moet haar karige leefruimte deel met die wandelende gees van 'n vrou wat lankal oorlede is, maar steeds snags in die kasteelgange rondloop.

Om vir haar 'n wegkruipplek te skep, rig sy 'n antieke Mercedes-Benz vol muisneste, wat verlate in 'n plaat onkruid staan, in as haar heiligdom. Droomplek. Dinkplek. Huilplek.

Tien jaar later sit sy by haar ou bruin lessenaar en rol die kamera terug na daardie tyd. Bekyk die glasskoentjies wat elke mens langs die pad verloor. Lugkastele wat tuimel. Alles net swaanveertjies in die winterwind. Tog, ondanks ons stukkende vlerke, leer ons vlieg. Hoër en verder as wat ons ooit kon droom.

Soms. Soms nie.
Publikasiedatum: 2016-11-01
Klik om te vergroot
Klik om te vergroot
9780798174329

Fiksie: Romans

Fiksie  -  Romans
R 320
R 288Jy spaar R 32
'n Nuwe roman deur die bekroonde skrywer John Miles. Dieselfde temas geld as in sy vroeëre werk: 'n besinning oor die vervlietendheid van die menslike bestaan & die onontkombaarheid van die dood, deurgaans gekenmerk deur 'n amper moedswillige humor.  Die verhaal begin in 'n tuinwoonstelletjie waar 'n oud-onderwyser een aand sit en musiek luister, min wetende dat daar 'n lewensveranderende insident met 'n hond op hom wag. 'n Meesleurende roman, met 'n merkwaardige insig in die mens se lot.
Publikasiedatum: 2016-11-01

© All Rights Reserved 2018
A Product of CEIT Development
Koop Afrikaanse en Engelse boeke aanlyn en spaar tot 20% op Nuwe Vrystellings, Topverkopers en Engelse algemene publikasies. Graffiti vir nuwe boeke, topverkopers, opvoedkundige boeke, Christelike boeke en winskopies. Kry ook jou Moleskine Joernaal hier teen 20% afslag.Buy Afrikaans and English books online and save up to 20% on Afrikaans New Releases and Bestsellers, as well as on English general publications. Graffiti for new releases, bestsellers, Christian books, educational books and bargains. Stockist of Moleskine Journals.